Salmos 109:1-31
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
109 Dios ndrígóʼ bi̱ ndayamajkhuu,+ xáguanáaʼ wíí.
2 Numuu rí xa̱bu̱ ra̱májáanʼ ga̱jma̱a̱ xa̱bu̱ bi̱ nanigu̱u̱ʼ maʼni nduwaʼ, nuthi dí raʼkhí ga̱jma̱a̱ numuʼ.
Nuthi rí nduwaʼ ga̱jma̱a̱ numuʼ,+
3 nuruguamu̱ʼu̱u̱n mu muthu̱nʼ ajngáa rí maʼni gawúnʼ,nda̱a̱ mbá numuu nuni̱ ngínún.+
4 Ikhúún nandoʼ ka̱ñu̱u̱n mú ikhiin nakiʼníin kuyoʼ,+ikhúún natajkháan má xúʼko̱.
5 Májánʼ eniu̱u̱n ikhúún mú raʼkhí eniu̱ʼ ikhiin,+ikhúún nandoʼ ka̱ñu̱u̱n mú ikhiin nawiñu̱u̱nʼ kuyoʼ.+
6 Aratañéjuíínʼ mbáa xa̱bu̱ xkawi̱i̱ʼ maʼga gáʼni ngínáa xa̱bu̱ sia̱nʼ ndrígóʼ,atatsijii náa ñawún mújúunʼ mbáa bi̱ tsíyóo gáʼyoo mu makruiga̱a̱.
7 Índo̱ gúxruiga̱a̱ gakujmaa rí gíʼdoo aʼkhúun,asndu rí naʼtájkháan ganindxu̱u̱ xóo mbá aʼkhá.+
8 Xáʼga̱nú maxtáa mba̱yu̱u̱ʼ,+gakánáán i̱mba̱a̱ ñajunʼ* rí nigruigú maʼni.+
9 A̱ʼgiu̱u̱ gaʼni̱i̱ a̱ʼgú xuáʼa̱,xúʼko̱ má e̱ji̱i̱n gaʼni̱i̱ e̱jín wáʼa.
10 E̱ji̱i̱n gi̱i̱ ñuʼún gajnguʼúún runda̱ʼa̱mínúunʼ,guyáʼ rí mu̱phu̱ ga̱jma̱a̱ gakuwá náa guʼwá rí niguma gámbáa.
11 Gawanúu ga̱jma̱a̱ xúgíʼ rí gíʼdoo bi̱ nixná tíʼñuu mbújkha̱a̱ga̱jma̱a̱ xa̱bu̱ bi̱ tséʼniniúnʼ gurigú káyííʼ xúgíʼ dí gíʼdoo.
12 Nimbáa xáʼniuu dí májánʼga̱jma̱a̱ nimbáa xágáwíinʼ a̱jkiu̱u̱n kaʼñún e̱ji̱i̱n bi̱ niguanátígu̱u̱n.
13 Gaguma gámbíin e̱ji̱i̱n bi̱ maguwáʼ rakúwá nda̱wa̱á,+gambumún mbiʼyuu.
14 Garmáʼáan má xúʼko̱ a̱jkiu̱u̱n Jeobá rí nikiéʼkhúún wajin xiʼñúuʼ,+ga̱jma̱a̱ aʼkhá rí nikudaminaʼ ru̱dúu̱* xágudi̱i̱.
15 Garmáʼáan má xúʼko̱ a̱jkiu̱u̱n Jeobá rí nini̱,gaʼni rí mambumún kuyáá náa tsu̱du̱u̱ ku̱ba̱ʼ.+
16 Numuu rí xa̱bu̱ buʼko̱ táʼni rí májánʼ,+rí phú niʼni, ni̱jkha̱ raxkoo mu maxíyáa+mbáa xa̱bu̱ bi̱ nda̱a̱ rí gíʼdoo, bi̱ namínúuʼ ga̱jma̱a̱ ngínáa.+
17 Nani̱gu̱u̱ʼ maʼtátsrígú mú ikhaa má nigíʼnuu rí niʼtátsrígú,nditháan táxmiéjuunʼ maʼni tsajkurámíinʼ eʼwíinʼ ikha jngóo táguma tsajkurámaaʼ.
18 Rí niʼtátsrígú ninindxu̱u̱ xóo xtíñuu rí kagíʼ.
Nito̱ʼo̱o̱ náa xuyuuʼ xóo iyaʼ,nito̱ʼo̱o̱ náa itsu̱u̱ xóo aceite.
19 Rí naʼtásrígú ganindxu̱u̱ xóo xtíñuu rí nagúwúunʼ,+ga̱jma̱a̱ xóo cinturón rí kagíʼ má xúʼko̱.
20 Xígi̱ kaʼnii gáʼni numi̱ín Jeobá bi̱ tsíñún gúyoʼ,+ga̱jma̱a̱ bi̱ nuthi dí raʼkhí ga̱jma̱a̱ numuʼ.
21 Mú ikháán Jeobá, Tátá bi̱ itháán Mba̱a̱,atambáyúʼ ga̱jma̱a̱ numuu mbiʼyaaʼ.+
Atani̱ kríñu̱u̱nʼ, numuu rí májánʼ nindxu̱u̱ ngajua rí tsétumuu* rí xtaʼdáá.+
22 Ndawa̱a̱ tsáa mambáyúʼ ga̱jma̱a̱ gínún,+a̱jkiu̱nʼ nagawúunʼ.+
23 Nánguá mba̱yu̱u̱ʼ xtáá, nindxu̱ʼ xóo mbá ndájkua̱ rí na̱jkha̱ raguámbáa,nindxu̱ʼ xóo mbáa tsíʼbu* bi̱ nuxpriguíi náa mbá xtíin.
24 Ni̱jkha̱ raguabaaʼ ragómiúʼ numuu rí nirkuéyiminaʼ,*i̱ndó itsuʼ ga̱jma̱a̱ na̱jkha̱ randujtsiún.*
25 Nijkhánú ninindxu̱ʼ mbáa bi̱ nutsijmaa.+
Índo̱ nduyoʼ nubajngaa edxu̱ún numuu rí tsíñún gúyoʼ.+
26 Atambáyúʼ Jeobá Dios ndrígóʼ,atani̱ kríñu̱u̱nʼ ga̱jma̱a̱ numuu ngajua rí tsétumuu rí xtaʼdáá.
27 Mu xúʼko̱ ikhiin mbuyáárí ikháán Jeobá nitani̱ kríñu̱u̱nʼ.
28 Índo̱ ikhiin gútatsrígún ikháán matani̱ tsajkurámúúnʼ.
Índo̱ ikhiin gátujxu̱u̱n muni̱ gínún magajnúu gamajkhún,mú ikhúún bi̱ nindxu̱ʼ xa̱bia̱a̱ʼ atani̱ rí maxtáá gagi.
29 Dí magajnúu gamajkhún mani̱ndxu̱u̱ xóo xtíñún bi̱ tsíñún gúyoʼ,majti̱ʼ mani̱ndxu̱u̱ xóo mbá xtíin dí magúwúúnʼ.+
30 Ma̱ni̱ mba̱a̱ Jeobá ga̱jma̱a̱ xúgíʼ a̱jkiu̱nʼ,maxnu̱u̱ gamajkhu náa inún mbaʼin xa̱bu̱.+
31 Numuu rí ikhaa mawi̱ji̱i̱ náa níjniúu mújúunʼ bi̱ ngínáamu maʼni kríya̱a̱ʼ náa bi̱ nduyáaʼ muxiyáa.
