Salmos 38:1-22
Salmo ndrígóo David, mu xa̱bu̱ marmáʼáan a̱jkiu̱ún.
38 Jeobá, xárasngóʼ índo̱ nakásnga̱ña̱a̱ʼ,ga̱jma̱a̱ xátaxprígúʼ índo̱ nakiʼnán.+
2 Numuu rí flecha ndrígáaʼ nijuáʼwán asndu náa awúu̱n xuyuʼga̱jma̱a̱ ñawáanʼ naʼni gínún.+
3 Xúgíʼ xuyuʼ gíʼdoo nandii* ga̱jma̱a̱ numuu rí nakiʼnán.
Nánguá xtáá tsímáá* ga̱jma̱a̱ numuu rí nikuʼdáminaʼ aʼkhá.+
4 Numuu rí náa edxu̱ʼ grígu rí nikiéʼkhúnʼ,+ra̱ʼkhá tháán mikiwu̱n, tséʼngo̱ʼ gágu̱.
5 Numuu rí nindxu̱ʼ skágunʼ,ikha jngóo xkujndu ndrígóʼ nindxu̱u̱ xóo rí náa nigawúnʼ ndaska ga̱jma̱a̱ na̱ʼkha̱ yaʼskha.
6 Ra̱ʼkhá tháán ejmúʼ ga̱jma̱a̱ ra̱ʼkhá tháán nikawabúnʼ,xúgíʼ mbiʼi xtáá ngíná.
7 Asndu xóo nakhún ku̱mu̱ʼ,*xúgíʼ xuyuʼ gíʼdoo nandii.+
8 Niʼni jxu̱u̱nʼ, nánguá gúʼdoo tsiaki̱i̱,i̱ndó nagúwanʼ numuu dí ra̱ʼkhá tháán gawúunʼ a̱jkiu̱nʼ.
9 Jeobá, ikháán má natatsinuuʼ rí nagua̱ʼa̱ ma̱ni̱,ga̱jma̱a̱ natadxawíín xóo etsiná.
10 Ra̱ʼkhá tháán xkawiʼ ki̱jxi̱i̱ a̱jkiu̱nʼ, niguámbá tsiaki̱i̱ rí gúʼdoo,agiuuʼ iduʼ ni̱jkha̱ rajuíyúuʼ.+
11 Índo̱ ni̱ʼkha̱nú gamiéjunʼ inuʼ, bi̱ nambájxu̱ʼ gajmíʼ ga̱jma̱a̱ a̱ngui̱nʼ nánguá eñún gúyoʼma̱ngaa bi̱ nandoʼ ka̱ñu̱u̱n nuni̱ tsíngumijná náa ikhúún.
12 Bi̱ nandún muxiñún nundri̱ga̱ tsáʼkhá náa inuʼ,bi̱ nandún muniu̱ʼ dí raʼkhí nuthi xóo mamínuuʼ,+kañiiʼ mbiʼi nuta nguʼwamíjna̱ awan dí nuri̱ya̱ʼ xóo muni̱ nduwúúnʼ.
13 Mú, na̱ni̱ asndu xóo mbáa bi̱ tséʼdxuun, ikha jngóo tsédxawuun rí nuthi,+na̱ni̱ rí nindxu̱ʼ xóo mbáa chíjmáa, ikha jngóo tséta nimbá.+
14 Niniminaʼ xó mbáa xa̱bu̱ bi̱ tséʼdxuunni má bi̱ ragíʼdoo ajngáa rí maʼthí mu mambáyuminaʼ.
15 Numuu rí nigúʼtáanʼ Jeobá,+ga̱jma̱a̱ ikháán nitriʼñuʼ, Jeobá Dios ndrígóʼ.+
16 Mú ikhúún ni̱tha̱: “Xáʼdxúún ga̱jma̱a̱ numuu rí nagíʼnuʼni má xúni̱ mbaʼumíjna̱ á mu naxnúndiu̱u̱nʼ”.
17 Numuu rí gítháán ma̱xpátrigu̱u̱n,ni mbá xngaa tséniñunʼ gaʼkhu rí gúʼdo’.+
18 Ni̱tha̱ rí nikiéʼkhúnʼ,+naʼni rí majmúʼ aʼkhá rí nikuʼdáminaʼ.+
19 Bi̱ tsíñún gúyoʼ itháan xkujiinʼ* ga̱jma̱a̱ guáʼdáá tsiaki̱i̱,*ra̱ʼkhá tháán mbaʼin bi̱ nda̱a̱ mbá numuu nawiñu̱u̱nʼ kuyoʼ.
20 Májánʼ niniu̱u̱n ikhúún mú raʼkhí niniuʼ ikhiin,ikhiin nurikoʼ mu maniʼñúuʼ rani̱ dí májánʼ.
21 Xátatsiʼñúʼ Jeobá.
Xátani̱ tsínguminaʼ náa ikhúún Dios ndrígóʼ.+
22 Ayi̱ nacha̱ gátambáyúʼ,Jeobá, bi̱ naʼni kríñu̱u̱nʼ.+
Mbaʼa nota
^ Náa ajngáa hebreo naʼthí, “Xuyuʼ nimbá chíʼgíiʼ nda̱a̱ náa ragiʼdoo nandii”.
^ Náa ajngáa hebreo naʼthí, “Nándáa rí tsímáá náa itsuʼ”.
^ Náa ajngáa hebreo naʼthí, “Tsu̱du̱ʼ ra̱ʼkhá tháán jmaguʼ”.
^ Náa ajngáa hebreo naʼthí, “kúwá nduya”.
^ O mbáa “Nindxu̱ún mbaʼin bi̱ nda̱a̱ mbá numuu manindxu̱ún xa̱bu̱ sia̱nʼ”.
