Salmos 35:1-28
Salmo ndrígóo David.
35 Jeobá, aratá ga̱jma̱a̱ numuʼ náa inún xa̱bu̱ sia̱nʼ,+ataxmína̱ʼ gajmiáanʼ bi̱ nuxmijná ga̱jma̱a̱ nindxu̱ʼ.+
2 Ayá escudo rí chíʼgíiʼ* ga̱jma̱a̱ rí mba̱a̱,+atujxa̱a̱ʼ ataxmína̱ʼ ga̱jma̱á numuʼ.+
3 Ayá kudú* ndrígáaʼ ga̱jma̱a̱ hacha rí nataxmína̱ʼ ga̱jma̱a̱ mu mataxmína̱ʼ gajmiáanʼ bi̱ nagún ruxkoʼ.+
Arathúnʼ: “Ikhúún nindxu̱ʼ bi̱ maʼni kríña̱a̱nʼ”.+
4 Gagajnúu gamajkhún ga̱jma̱a̱ gati̱ñu̱u̱nʼ bi̱ nandún muxiñún.+
Asndu nati̱ñu̱u̱nʼ gágúun skidiʼ bi̱ nuri̱ya̱ʼ awan muxiñún.
5 Ganindxu̱ún xóo náskha rí na̱jkha̱ kagu̱u̱ giñánʼ,ángel ndrígióo Jeobá gáxkawíin.+
6 Gaʼni mikína ga̱jma̱a̱ nunduʼ kambu̱únmbiʼi rí ángel ndrígióo Jeobá gáʼga̱ raxkhúún.
7 Numuu rí asndu nda̱a̱ mbá numuu nigíʼ ngo̱ʼo̱o̱ mbá amaʼ mu murtuwún,asndu nda̱a̱ mbá numuu rí nini̱ mbá iñáʼ mu maxpátúʼúún.
8 Nda̱a̱ tsu̱ma̱ gáʼkha̱nú mbá gamiéjunʼ náa ikhiin,ikhiin má gájtiin náa amaʼ rí nigíʼ ngo̱ʼo̱o̱,majtíin ikhí ga̱jma̱a̱ maguma gámbíin.+
9 Ikhúún maxtáá gagi ga̱jma̱a̱ numuu Jeobá,maʼdxuʼ ga̱jma̱a̱ numuu rí niʼni mu maʼni kríñu̱u̱nʼ.
10 Xúgíʼ itsuʼ maʼthí:
“Jeobá, tsáá i̱mba̱a̱ xóo ikháán rá.
Ikháán natani̱ kríya̱a̱ʼ bi̱ ndawa̱a̱ tsáa mambáyúu náa ñawúúnʼ bi̱ itháan xkujiinʼ,+natani̱ kríya̱a̱ʼ bi̱ ndawa̱a̱ tsáa mambáyúu ga̱jma̱a̱ migínáa náa bi̱ nuni̱ kúʼwúúnʼ”.+
11 Xa̱bu̱ ramíjíin niguwáʼ índo̱ xtáa rambánuu numuʼ,+ikhiin nixrui̱gu̱u̱n ga̱jma̱a̱ mbá numuu rí ikhúún táni̱.
12 Májánʼ eniu̱u̱n ikhúún mú raʼkhí eniu̱ʼ ikhiin,+nirawí káyúʼ xúgíʼ rí gúʼdoo.
13 Índo̱ ikhiin naʼniún nandii ikhúún naguʼwúnʼ xtíin mi̱du̱*nixtáá ngíná ga̱jma̱a̱ nirkuéyiminaʼ*índo̱ tséxtiʼña̱a̱ rí natajkháan,
14 gi̱i̱ ñuʼún jngruigoʼ rambi̱ya̱ʼ xóo índo̱ nakháñuu mbáa bi̱ nambájxu̱ʼ ga̱jmu̱ʼ o mbáa ndxájuʼ,narngajtsíminaʼ ga̱jma̱a̱ numuu rí nagawúnʼ xóo índo̱ mbáa naxtáa ngíná rí nakháñuu ru̱dúu̱.*
15 Mú índo̱ ikhúún nixpátri̱gu̱u̱n ikhiin nidxúún ga̱jma̱a̱ nigímbumíjná,nigimbíin mu muguáʼtunʼ muxnuʼ,nirujkiún ga̱jma̱a̱ táguanúún wíí.
16 Xa̱bu̱ bi̱ nda̱a̱ gamajkhún náa Dios nutsijmún ga̱jma̱a̱ nawiñu̱u̱nʼ kuyoʼ,*naʼpuduun iñúúnʼ ga̱jma̱a̱ numuʼ.+
17 Jeobá, ndíjkha jngóo i̱ndó natiejxi̱ rá.+
Atani̱ kríñu̱u̱nʼ náa nuxnuʼ,+atani̱ kríya̱a̱ʼ vida ndrígóʼ* náa león bi̱ gújkuíinʼ.*+
18 Ikhú maxna̱a̱ʼ núma̱aʼ náa majñu̱únʼ bi̱ nagimbíi̱n,+ma̱ni̱ mba̱a̱n náa majñu̱únʼ xa̱bu̱ xuajin.
19 Xátatsiʼñááʼ dí maʼdxúún ga̱jma̱a̱ numuu rí nagíʼnuu dí asndu nda̱a̱ mbá numuu rí nawiñu̱u̱nʼ kuyoʼ,+xátatsiʼñááʼ rí bi̱ asndu nda̱a̱ mbá numuu dí nawiñu̱u̱nʼ kuyoʼ mutsijmún.*+
20 Rí nuthi tséʼkha̱ kayóo rí tsímáá,najmún nduwaʼ mu muri̱ya̱ʼ awan muni̱ ngíníin xa̱bu̱ bi̱ tsénigu̱u̱nʼ xkujndu.+
21 Asndu ma̱ja̱nʼ xua̱ja̱n rawúúnʼ dí muxruígu̱u̱n,nuthi: “¡Gajkhun, ikhaa niʼni! Mínáanʼxu̱ ndi̱ya̱a̱”.
22 Ikháán mina̱a̱nʼ nitayáá rígi̱ Jeobá. Xáguánáaʼ wíí.+
Jeobá, xátsíngua̱a̱nʼ náa ikhúún.+
23 Arajxu̱u̱nʼ, ayi̱ gátambáyúʼ,Jeobá Dios ndrígóʼ, atambáyúʼ mu magumambáníí numuʼ xó má kaʼyoo.
24 Atanimbáníí numuʼ xó má kaʼyoo,+ Jeobá Dios ndrígóʼ,xátatsiʼñááʼ rí ikhiin maʼdxúún ga̱jma̱a̱ numuu rí nagíʼnuu.
25 Nditháan xútamíjná: “¡Ra̱ʼkhá tháán májánʼ! Nixkamaa rí e̱ʼyáʼlú rá.”
Nditháan xúthi: “Niʼphílú xá.”+
26 Xúgíinʼ ikhiin gagajnúu gamajkhún ga̱jma̱a̱ gati̱ñu̱u̱nʼ,bi̱ nadxún ga̱jma̱a̱ rí nagíʼnuʼ.
Bi̱ nundxaʼwamíjná rí guáʼdáá itháán numún ki xóo ikhúún gagajnúu gamajkhún ga̱jma̱a̱ gati̱ñu̱u̱nʼ.
27 Bi̱ nadxún ga̱jma̱a̱ rí nagújún jmbugundxaʼwa̱ ga̱jma̱a̱ gagi ga̱jma̱a̱ guthi má xúʼko̱:
“Gaguma mba̱a̱ Jeobá, bi̱ nadxuu rí xtáa tsímáá xa̱bi̱i̱”.+
28 Ikhú, ma̱ta̱ rí jmbu nindxu̱u̱ dí natani̱+ga̱jma̱a̱ ma̱ni̱ mba̱a̱n xúgíʼ mbiʼi.+
