Salmos 14:1-7
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
14 Xa̱bu̱ skágunʼ nuthi náa awúu̱n a̱jkiu̱ún:
“Ndawa̱a̱ Jeobá”.+
Nindxu̱ún xa̱bu̱ ra̱míjíinʼ ga̱jma̱a̱ xúgíʼ rí nuni̱ nindxu̱u̱ xkawiʼ,nimbáa tséʼni rí májánʼ.+
2 Mú Jeobá asndu mekhuíí ndaʼñún e̱jñu̱ún xa̱bu̱ numbaaʼ,mu mbaʼyoo á mu mbáa rí ikhiin najmañún o mbáa dí ikhiin ndayáaʼ Jeobá.+
3 Xúgíinʼ nitsíngu̱u̱nʼ,+xúgíinʼ nindxu̱ún xa̱bu̱ ra̱míjíinʼ.
Nimbáa tséʼni rí májánʼ,nimbáa kayuuʼ.
4 Lá tsékru̱ʼu̱u̱n kayuuʼ bi̱ nuni̱ dí ra̱májánʼ, nimbáa kayuuʼ ráʼ.
Naʼphu̱u̱n xa̱bu̱ xuajñunʼ xó má e̱ʼphu̱ pan.
Tséyáaʼ Jeobá.
5 Mú, mbá gamíi mba̱a̱ marigá náa ikhiin,+numuu rí Jeobá xtáa gajmíi̱n bi̱ nuni̱ rí jmbu.
6 Ikháanʼla bi̱ nu̱ni̱ dí ra̱májánʼ, nunimíjna̱ mu̱ni̱ rí xágájnuu májánʼ awan ndrígóo bi̱ namínúuʼ,mú ikhaa mambáyuminaʼ náa Jeobá.+
7 ¡Náa Sion gáʼkha̱ rí maguma kríya̱a̱ʼ ga̱jma̱a̱ Israel!+
Índo̱ Jeobá gatanga̱a̱ magímbíin xa̱bu̱ xuajñuu bi̱ ni̱jkha̱ kiʼdiin,gaʼdxuu Jacob ga̱jma̱a̱ gaxtáa gagi Israel.
