Salmos 140:1-13
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
140 Jeobá, atani̱ kríñu̱u̱nʼ náa xa̱bu̱ ra̱míjíinʼ,atiewu̱nʼ náa xa̱bu̱ xkawi̱i̱nʼ,+
2 bi̱ nuri̱ya̱ʼ awan náa a̱jkiu̱ún muni̱ dí ra̱májánʼ+ga̱jma̱a̱ kañiiʼ mbiʼi nuni̱ xkujndu.
3 Raju̱ún nindxu̱u̱ mbiiʼ xóo mbáa a̱bu̱nʼ,+dí nagájnuu náa rawúúnʼ nindxu̱u̱ xóo iya ndawuuʼ* a̱bu̱nʼ mbiiʼ.+ (Sélah).
4 Jeobá, atiewu̱nʼ mu xúrtuwún xa̱bu̱ ra̱míjíinʼ,+atiewu̱nʼ náa xa̱bu̱ xkawi̱i̱nʼbi̱ nuri̱ya̱ʼ awan muniu̱ʼ dí raʼkhí.
5 Xa̱bu̱ bi̱ nuni̱ mbaʼumíjna̱ nugíʼ nguʼwáá mbá tsáʼkhá mu murtuwún,nurtiga̱ amaʼ náa kamba̱a̱.+
Nugíʼ tsáʼkhá mu mbayóʼ.+ (Sélah).
6 Na̱thu̱u̱n Jeobá: “Ikháán nindxa̱a̱ʼ Dios ndrígóʼ.
Jeobá, atadxawíín índo̱ na̱nda̱ʼa̱a̱ʼ matambáyúʼ”.+
7 Jeobá, Tátá bi̱ itháán Mba̱a̱, bi̱ gíʼdoo tsiaki̱i̱ Maʼni kríñu̱u̱nʼ,ikháán natiewu̱nʼ* náa mbiʼi rí naxmínaʼ.+
8 Jeobá xátatsiʼñááʼ muni̱ rí nagua̱ʼa̱ a̱jkiu̱ún xa̱bu̱ xkawi̱i̱nʼ.
Xátatsiʼñááʼ rí magajnúu májánʼ awan rí nuri̱ya̱ʼ muni̱, raʼkháa gáʼni rí muni̱ mbaʼumíjna̱.+ (Sélah).
9 Xa̱bu̱ bi̱ kúwá náa mbájndi xtáágaguáʼníí má ikhiin dí raʼkhí nandún magíʼnuu.+
10 Gajngutígú chámbuʼ náa ikhiin.+
Gajuíʼdami̱ʼi̱i̱n náa aguʼ, náa iñáʼ mi̱jnu̱ʼ,+ga̱jma̱a̱ nditháan xágájniín ikhí.
11 Xátatsíʼñááʼ rí bi̱ naʼni xtujtaa maxkamaa náa maxtáa náa tsu̱du̱u̱ ku̱ba̱ʼ.+
Atani̱ rí maʼga̱ raxkhúún dí ra̱májánʼ xa̱bu̱ xkawi̱i̱nʼ ga̱jma̱a̱ maʼni gámbíin.
12 Ikhúún nda̱yo̱o̱ dí Jeobá mambáñún bi̱ ndawa̱a̱ tsáá mambáñúnma̱ngaa maʼnimbánuu xó má kaʼyoo numún bi̱ ngíníin.+
13 Gajkhun dí xa̱bu̱ míjíinʼ muni̱ mba̱a̱ mbiʼyaaʼga̱jma̱a̱ xa̱bu̱ bi̱ nuni̱ rí májánʼ makuwá má xúʼko̱ mijngii náa ikháán.+
