Salmos 15:1-5
Salmo ndrígóo David.
15 Jeobá, tsáá gándoo gáguanúu náa guʼwáaʼ* rá.
Tsáá gándoo gáxtáa náa kúbá kaʼwu ndrígáaʼ rá.+
2 Ikhaa bi̱ jngruigo̱o̱ xó má kaʼyoo,+bi̱ naʼni rí jmbu+ga̱jma̱a̱ bi̱ naʼthí rí gajkhun náa a̱jkiu̱u̱n.+
3 Tséjmuu raju̱u̱n mu maʼni xtujtaa,+tséʼniuu nimbá dí ra̱májánʼ xa̱bu̱ numbaaʼ ga̱jma̱a̱,+ma̱ngaa tséʼni gachúu mbiʼñún* bi̱ nambájxu̱u̱ gajmíi̱n.+
4 Tsémbájxu̱u̱ gajmíi̱n xúgíinʼ bi̱ Dios tsíyoo gáʼñúún,+mú ndaʼyamajkhún bi̱ namíñúún kuyáá Jeobá.
Ikhaa naʼnimbánuu má xúʼko̱ ajngóo maski ajndu tségájnuu májánʼ.+
5 Tséruma inuu mbújkha̱a̱ rí naxnátíʼña,+tsegruigú tsigijñaʼ mu maʼniuu dí raʼkhí mbáa bi̱ nda̱a̱ aʼkhúun.+
Bi̱ naʼni xígi̱ kaʼnii nditháan xájpatri̱ga̱a̱.+
