Salmos 34:1-22
Salmo ndrígóo David. Índo̱ niʼni xóo xa̱bu̱ bi̱ naxnúu edxu̱u̱+ náa inuu Abimélec ga̱jma̱a̱ ikhaa nixkriya̱a̱ʼ, ikhú ni̱jkha̱a̱.
א [álef]
34 Ma̱ni̱ mba̱a̱ má xúʼko̱ Jeobá,ma̱xnu̱u̱ má xúʼko̱ gamajkhu ga̱jma̱a̱ rawunʼ.
ב [bet]
2 Ma̱ni̱ mba̱a̱ Jeobá índo̱ gátha ga̱jma̱a̱ numuu,+maxtáa gagi xa̱bu̱ wabaaʼ índo̱ gáʼdxun.
ג [guímel]
3 Gu̱ni̱ mba̱a̱ Jeobá ga̱jma̱á nindxu̱ʼ,+mbóó gúʼni̱ mba̱a̱ mbiʼyuu.
ד [dálet]
4 Nirajxu̱u̱ Jeobá ga̱jma̱a̱ ikhaa niriʼñuʼ.+
Niʼni kríñu̱u̱nʼ náa xúgíʼ rí naʼni míñúʼ.+
ה [he]
5 Bi̱ ndiyáaʼ ikhaa, nixpíbíinʼ,inún táʼni maña̱ʼ ga̱jma̱a̱ numuu rí nati̱ñu̱u̱nʼ.
ז [zayin]
6 Xa̱bu̱ ngínáa bugi̱ nindxa̱ʼóo ga̱jma̱a̱ Jeobá niʼdxawuun.
Niʼni kríya̱a̱ʼ náa xúgíʼ gamiéjunʼ rí niraʼnuu.+
ח [jet]
7 Ángel ndrígióo Jeobá xtáa náa mbájndi kúwá bi̱ namíñúún kuyáá Dios+ga̱jma̱a̱ naʼni káwíin.+
ט [tet]
8 Gu̱ya̱a̱ xóo* nindxu̱u̱ Jeobá rí májánʼ a̱jkiu̱u̱n,+gagi xtáa xa̱bu̱ bi̱ nambáyuminaʼ náa ikhaa.
י [yod]
9 Gamiñála ku̱ya̱a̱ Jeobá, xúgiáanʼ ikháanʼla bi̱ kaʼwáanʼ bi̱ nduyamajkuíí ikhaa,numuu rí nimbá nda̱a̱ dí gáʼñúunʼ bi̱ namíñúún kuyáá.+
כ [kaf]
10 Asndu león bi̱ gújkuíinʼ* nanújngúún ewiʼ,mú bi̱ nduyáaʼ Jeobá muguáʼdáá xúgíʼ enii rí májánʼ.+
ל [lámed]
11 E̱ji̱nʼ nindxa̱la, gaguwaʼ ga̱jma̱a̱ gudxawunʼ,masngála ndiéjunʼ eyoo gáʼthúu̱n dí mamiñála kuya̱a̱ Jeobá.+
מ [mem]
12 Tsáá nanigu̱u̱ʼ maxtáa rá.Tsáá nandoo maxtáa mba̱yu̱u̱ʼ mbiʼi rá.+
נ [nun]
13 Á mu xúʼko̱ atie̱wa̱a̱n rajua̱a̱nʼ, mu xárata dí ra̱májánʼ,+atie̱wa̱a̱n rawaanʼ mu xárata rí nduwaʼ.+
ס [sámekh]
14 Atani̱ tsínguminaʼ náa dí ra̱májánʼ ga̱jma̱a̱ atani̱ dí májánʼ,+atayáʼ dí tsímáá ga̱jma̱a̱ ayuʼ kidxuuʼ.+
ע [ayin]
15 Jeobá nayejxu̱u̱n má xúʼko̱ bi̱ míjíinʼ+ga̱jma̱a̱ naʼdxun índo̱ nundxa̱ʼwa̱ rí mixtambáñún.+
פ [pe]
16 Mú Jeobá tsénigu̱u̱ʼ eni̱ bi̱ nuni̱ dí ra̱májánʼ,ikhaa maʼni gámbíin náa tsu̱du̱u̱ ku̱ba̱ʼ ga̱jma̱a̱ nimbáa xarmáʼáan a̱jkiu̱u̱n kaʼñún.+
צ [sadé]
17 Nindxa̱ʼwa̱ ga̱jma̱a̱ Jeobá niʼdxawuun,+niʼni káwíin náa xúgíʼ gamiéjunʼ.+
ק [qof]
18 Jeobá xtáa mijngii náa bi̱ nagawúunʼ a̱jkiu̱ún,+naʼni káwíin bi̱ nakáguabiinʼ.*+
ר [resh]
19 Mbaʼa gamiéjunʼ e̱ʼkha̱ inuu xa̱bu̱ májáanʼ,+mú Jeobá naʼni kríya̱a̱ʼ náa xúgíʼ gamiéjunʼ rígi̱.+
ש [shin]
20 Ikhaa nañewu̱u̱n xúgíʼ itsu̱u̱,nimbá itsu̱u̱ támigaʼ.+
ת [taw]
21 Gamiéjunʼ rí gáʼkha̱nú inuu xa̱bu̱ ra̱májáanʼ maʼni rí makhañúu,bi̱ nawiñu̱u̱nʼ kuyáá xa̱bu̱ májáanʼ majuiʼthá rí guaʼdáá aʼkhúún.
22 Jeobá naʼni kríya̱a̱ʼ vida ndrígu̱ún xa̱bi̱i̱,nimbáa bi̱ nambayumináʼ náa ikhaa xágiʼdoo aʼkhúun.+
