Salmos 52:1-9
Rí na̱jkha̱ inuu bi̱ kayá edxu̱u̱ náa ajmúú. Maskil. Salmo ndrígóo David. Índo̱ Doeg xa̱bu̱ Edom ni̱jkha̱ gáʼthúu̱n Saúl rí David ni̱jkha̱ náa goʼwóo Ahimélec.+
52 Ikháán, xa̱bu̱ xkujiiʼ, náá numuu rí natanimbamínaʼ ga̱jma̱a̱ numuu dí ra̱májánʼ rí natani̱ rá.+
Ngajua rí tsétumuu* rí gíʼdoo Dios ndajyúuʼ kañiiʼ mbiʼi.+
2 Rajua̱a̱nʼ, mixíníʼ xóo mbá navaja,+naríyaʼ awan maʼni dí ra̱májánʼ ga̱jma̱a̱ maʼni nduwaʼ.+
3 Itháan má nanigua̱a̱ʼ matani̱ dí ra̱májánʼ ki xóo matani̱ rí májánʼ,itháan má nanigua̱a̱ʼ marata̱ rí nduwaʼ ki xóo marata̱ rí gajkhun. (Sélah).
4 Ikháán nandaaʼ xtayáá ajngáa rí naʼni gawúúnʼ eʼwíinʼ,¡ra̱ʼkhá tháán ejmañaaʼ matani̱ nduwaʼ ga̱jma̱a̱ rajua̱a̱nʼ!
5 Ikha jngóo Dios mbá miʼtsúú gáʼni gámbáan,+magutuwíín ma̱ngaa maxmátríña̱a̱nʼ ga̱jma̱a̱ tsiaki̱i̱ náa guʼwá xtíin ndrígáaʼ,+maʼni gámbáan náa ku̱ba̱ʼ rí kúwá bi̱ nduya.+ (Sélah).
6 Xa̱bu̱ míjíinʼ mbuyáá rígi̱ ga̱jma̱a̱ maguanún tsiánguá+munduʼwajmaa ga̱jma̱a̱ muthi:+
7 “Gi̱i̱ xtáa mbáa xa̱bu̱ bi̱ na̱nguá ndiyáʼ dí mambáyuminaʼ náa Dios,+ikhaa nikumu̱u̱ kaʼyoo náa mbá xúgíʼ dí gíʼdoo+ga̱jma̱a̱ nimbáyuminaʼ náa awan dí ra̱májánʼ dí niríyaʼ”.*
8 Mú ikhúún mani̱ndxu̱ʼ xóo ixi̱ olivo mba̱a̱ rí maxaʼ náa goʼwóo Dios,maku̱mu̱ʼ ka̱yo̱o̱ ngajua rí tsétumuu dí gíʼdoo Dios+ asndu kámuu.
9 Ma̱ni̱ mba̱a̱n asndu kámuu ga̱jma̱a̱ numuu ñajunʼ rí nitani̱.+Náa inún xa̱bia̱a̱ʼ bi̱ naguájun jmbumaku̱mu̱ʼ ka̱yo̱o̱ mbiʼyaaʼ+ numuu rí nindxu̱u̱ májánʼ.
Mbaʼa nota
^ Náa ajngáa hebreo naʼthí, “dí ra̱májánʼ dí ikhaa niʼni marigá”.
