Salmos 115:1-18
115 Ikháanʼxu̱ nditháan nda̱a̱ rí kaʼyuxu̱ Jeobá, nda̱a̱ dí kaʼyuxu̱ nimbá,mú mbiʼyaaʼ kaʼyoo magruigú gamajkhu,+ga̱jma̱a̱ numuu ngajua rí tsétumuu* rí xtaʼdáá ma̱ngaa gajkhun nindxu̱u̱ rí naratá.+
2 Náá numuu rí mbaʼyóoʼ matatsíʼñááʼ dí xa̱bu̱ bi̱ kúwá náa i̱ʼwáʼ xuajin muthi:
“Náá xtáa Dios ndrígu̱ún xá.”+
3 Dios ndrígúlú xtáa mekhuíí,ikhaa naʼni xúgíʼ rí nandoo.
4 Xándiu̱ún xa̱bu̱ bi̱ kúwá náa i̱ʼwáʼ xuajin nindxu̱ún plata ga̱jma̱a̱ oro,ñajunʼ rí nini̱ xa̱bu̱ú.+
5 Guáʼdáá rawúúnʼ, mú tséthi,+guáʼdáá idún, mú tsíyejxi̱,
6 guáʼdáá cháʼwúún, mú tsédxawíín,guáʼdáá rakhúún, mú tséñeñúún,
7 guáʼdáá ñawúúnʼ mú tséjmaa mu murajthuun ga̱jma̱a̱,guáʼdáá rajkhúún mú tségún,+nimbá aʼwá tségájnuu náa rawúúnʼ.+
8 Xúʼko̱ gáguánú mani̱ndxu̱ún xa̱bu̱ bi̱ nuniwíin,+ma̱ngaa xúgíinʼ bi̱ naku̱mu̱ún kuñúún.+
9 Ikháanʼla xa̱bu̱ Israel, gakuma̱la ku̱ya̱a̱ Jeobá.+(Ikhaa nindxu̱u̱ bi̱ nambáyala ga̱jma̱a̱ bi̱ nañewa̱nla).*+
10 Ikháanʼla bi̱ naguwa̱ʼ náa Aarón,+ gakuma̱la ku̱ya̱a̱ Jeobá.(Ikhaa nindxu̱u̱ bi̱ nambáyala ga̱jma̱a̱ bi̱ nañewa̱nla).
11 Ikháanʼla bi̱ namíñala ku̱ya̱a̱ Jeobá, gakuma̱la ku̱ya̱a̱ Jeobá.+(Ikhaa nindxu̱u̱ bi̱ nambáyala ga̱jma̱a̱ bi̱ nañewa̱nla).+
12 Jeobá narmáʼáan a̱jkiu̱u̱n eʼnilú ga̱jma̱a̱ maʼni tsajkurámáánʼlú,maʼni tsajkurámíinʼ bi̱ naguwáʼ náa Israel,+maʼni tsajkurámíinʼ bi̱ naguwáʼ náa Aarón.
13 Jeobá maʼni tsajkurámiinʼ bi̱ namíñúún kuyáá,bi̱ majkhiinʼ ga̱jma̱a̱ bi̱ wanii.*
14 Jeobá maʼni rí maʼni mbaʼáanʼla,ikháanʼla gajmiála e̱jña̱la.+
15 Jeobá bi̱ niʼni mekhu ga̱jma̱a̱ ku̱ba̱ʼ,gáʼni tsajkurámáanʼla.+
16 Jeobá kaʼyoo mekhu,+mú ku̱ba̱ʼ nixnúún xa̱bu̱ numbaaʼ.+
17 Bi̱ nikháñún tséni̱ mba̱a̱ Jeobá,*+ni má bi̱ gajchún náa iñá wajinʼ.+
18 Mú ikháanʼlú mu̱ʼni̱ mba̱a̱ Jeobá,xúgi̱ ga̱jma̱a̱ asndu kámuu.
¡Gu̱ni̱ mba̱a̱la Jeobá!*
Mbaʼa nota
^ Náa ajngáa hebreo naʼthí, “nindxu̱u̱ escudo ndrígala”.
^ O “bi̱ guáʼdáá numún ga̱jma̱a̱ bi̱ raguáʼdáá numún”.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ O “¡Aleluya!”. Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
