Salmos 44:1-26
Rí na̱jkha̱ inuu bi̱ kayá edxu̱u̱ náa ajmúú. Salmo ndrígu̱ún e̱ji̱i̱n Coré.+ Maskil.
44 Dios ndrígúxu̱ mínáanʼxu nidxáwíín rí nitani̱,wajin xiʼñúxu nituxu̱+xúgíʼ rí mitsaanʼ* dí ikháán nitani̱ mbiʼi rí nikúwá,dí nitani̱ nákha wájyúuʼ.
2 Nijmaaʼ tsiaki̱i̱ ndrígáaʼ mu mataxkawíin xa̱bu̱ xuajin+ga̱jma̱a̱ nitani̱ rí makuwá ikhí wajin xiʼñúxu.+
Niʼnga̱a̱ʼ nitani̱ gajmiáanʼ xa̱bu̱ xuajin ga̱jma̱a̱ nitaxkawíin ikhí.+
3 Raʼkháa numuu rí nijmiin nixmijná ga̱jma̱a̱ espada ikha jngóo nindrigúu ku̱ba̱ʼ,+ni má raʼkháa tsiaki̱i̱ rí guáʼdáá nimbáñún mu maʼngu̱u̱n mudaaʼ.+
Rí nimbáñún nindxu̱u̱ tsiaki̱i̱ ndrígóo ñawún májáanʼ+ ga̱jma̱a̱ agiuuʼ inaaʼ,numuu rí ikháán niʼni a̱jkia̱a̱nʼ xtañún.+
4 Dios ndrígóʼ, ikháán nindxa̱a̱ʼ Rey ndrígóʼ,+aratáñajunʼ dí Jacob maʼngo̱o̱ madaaʼ.
5 Ga̱jma̱a̱ tsiaki̱i̱ ndrígáaʼ mu̱níxu̱ rí magúun skidiʼ xa̱bu̱ sia̱nʼ ndrígúxu̱,+ga̱jma̱a̱ numuu rí naku̱mu̱xu ku̱ya̱a̱ mbiʼyaaʼ maʼnguxu muxujmbírigi̱i̱n bi̱ natujxu̱u̱n muni̱ ngínáanʼxu.+
6 Numuu rí tséku̱mu̱ʼ ka̱yo̱o̱ xkámídoʼni má espádóʼ xáʼngo̱o̱ gáʼni kríñu̱u̱nʼ.+
7 Numuu rí ikháán nindxa̱a̱ʼ bi̱ nitani̱ káwáanʼxu náa xa̱bu̱ sia̱nʼ ndrígúxu̱,+ikháán nindxa̱a̱ʼ bi̱ nitríya̱ʼ gamajkhún bi̱ nawiñu̱u̱nʼ ku̱yuxu̱.
8 Xúgíʼ mbiʼi gúnixu̱ mba̱a̱ Diosmuxna̱a̱ núma̱aʼ mbiʼyaaʼ asndu kámuu. (Sélah).
9 Mú rí xúgi̱, nánguá eyaaʼ xtayuxu ga̱jma̱a̱ natríyaʼ gamajkuxu,nánguá edxu̱ʼ ga̱jma̱á nindxu̱xu̱ náa guerra.
10 Ikháán natani̱ má xúʼko̱ rí mugayúxu náa inún xa̱bu̱ sia̱nʼ ndrígúxu̱,+bi̱ nawiñu̱u̱nʼ ku̱yuxu̱ nagún kudúún xúgíʼ má rí eñún.
11 Naraxnájxáanʼxu náa ñawúúnʼ xa̱bu̱ sia̱nʼ mu mu̱phu̱xu xóo mugu̱,nitaxídiraʼáanʼxu náa i̱ʼwáʼ xuajin.+
12 Na̱nguá numuu kayuuʼ tagujui̱i̱n xa̱bu̱ xuajñaanʼ,+ni má na̱nguá tríya̱a̱ʼ inuu rí natagujui̱i̱n.
13 Natani̱ rí xáguáʼdáá numuxu̱ náa xa̱bu̱ bi̱ kúwáanʼ mijngii gajmiúxu,xa̱bu̱ bi̱ kúwíin mijngii náa kuwáanʼxu̱ nutsijmáanʼxu ga̱jma̱a̱ nunduʼwajmáanʼxu.
14 Natani̱ rí mani̱ndxu̱xuʼ mbá rí xáʼndúún gúyáá* xa̱bu̱ xuajin,+xa̱bu̱ xuajin nubajngaa edxu̱ún kuyuxu mu mutsijmáanʼ.
15 Kañiiʼ mbiʼi e̱tiyu̱ʼ,asndu nánguá eyoʼ gákujxíi edxu̱ʼ numuu rí nati̱yu̱ʼ,
16 numuu rí nutawéñuʼ ga̱jma̱a̱ nuríyaʼ gamajkuʼ,ga̱jma̱a̱ numún xa̱bu̱ sia̱nʼ bi̱ nduyáʼ muni̱ ngínún.
17 Xúgíʼ rígi̱ ni̱ʼkha̱nú náa ikháanʼxu̱,maski ajndu xúʼko̱ támbumuxu̱ʼ kuya̱a̱ʼ ni má túniʼñáʼxu rí nimbánulú.+
18 A̱jkiu̱xu̱ tátsingúunʼ náa ikháán,tágájnuriyúxu̱ náa kamba̱a̱ʼ.
19 Mú ikháán nitaxujmbirigáanʼxu náa kúwá chacal,*nitani̱ rí mikínambiʼ maruguaduwáanʼxu.
20 Á mu nimbumuxuʼ kuya̱a̱ mbiʼyuu Dios ndrígúxu̱o nitsuáʼwíi ñawúnxu mu mutakháñíí mbáa dios bi̱ ragájkhun,
21 lá xáʼyoo Dios rígi̱ ráʼ.
Ikhaa ndaʼyoo dí gíwánʼ ngu̱ʼwa̱ náa a̱jkiu̱ún xa̱bu̱.+
22 Ga̱jma̱a̱ numaaʼ ikháán nandún dí muradiáanʼxu má xúʼko̱,nduyáá rí ni̱ndxu̱xu̱ʼ xóo mugu̱ bi̱ kaʼyoo rí makhañúu.+
23 Jeobá atujxa̱a̱ʼ. Náá numuu rí nanuʼ má xúʼko̱ rá.+
¡Arajxu̱u̱nʼ! Xatatsíʼñúxu asndu kámuu.+
24 Náá numuu rí natatsíñááʼ ratayuxu* rá.
Náá numuu rí nambumaaʼ xóo emíníiʼ ga̱jma̱a̱ xóo eguma ngínáaʼxu rá.
25 Náa yujndaʼ kuíjñaxu̱ ga̱jma̱a̱ majthi̱ʼ.Kubasmúʼu̱nxu̱ náa ku̱ba̱ʼ.+
26 ¡Atujxa̱a̱ʼ matambáyuxuʼ!+
Atani̱ káwáanʼxu* ga̱jma̱a̱ numuu ngajua rí tsétumuu* rí xtaʼdáá.+
