Salmos 107:1-43
107 Guxna̱a̱ núma̱aʼ Jeobá numuu rí májánʼ a̱jkiu̱u̱n,+dí nandoo kaʼyulú* ndajyúuʼ asndu kámuu.+
2 Guthi rígi̱ xa̱bu̱ bi̱ Jeobá niʼni káwíin,bi̱ ikhaa niʼni káwíin náa ñawúúnʼ xa̱bu̱ sia̱nʼ,+
3 bi̱ nigímbi̱ín náa i̱ʼwáʼ xuajin,+náa nagájnuu a̱jkha̱ʼ* ga̱jma̱a̱ náa narámaaʼ a̱jkha̱ʼ,*náa norte ga̱jma̱a̱ náa sur.+
4 Gi̱i̱ ñuʼún nijnguʼwúún náa ku̱ba̱ʼ mijxooʼ,* náa ku̱ba̱ʼ rí nda̱a̱ iyaʼ,na̱nguá nixkamaa mbá kamba̱a̱ rí maʼga kagui̱i̱n náa mbá xuajin rí ma̱ndoo makuwá.
5 Nixkidxu̱u̱n ga̱jma̱a̱ nikándawúúnʼ,nikamíndúún numuu dí ra̱ʼkhá tháán niʼni néʼngu̱u̱n.
6 Índo̱ kúwá rumíniiʼ, asndu nindxa̱ʼwa̱ índo̱ nitháán Jeobá rí mambáñún,+ga̱jma̱a̱ ikhaa niʼni káwíin náa awúu̱n gamiéjunʼ gakhi̱i̱ dí niraʼníí.+
7 Niʼni rí magún náa mbá kamba̱a̱ rí májánʼ+rí maʼga kagui̱i̱n náa mbá xuajin rí ma̱ndoo makuwíin.+
8 Xúgíinʼ xa̱bu̱ guxna̱a̱ núma̱aʼ Jeobá+ ga̱jma̱a̱ numuu ngajua rí tsétumuu dí ikhaa gíʼdoo,ma̱ngaa numuu xúgíʼ rí mitsaanʼ* niʼni ga̱jma̱a̱ numún xa̱bu̱ numbaaʼ.+
9 Numuu rí ikhaa nixnúu iyaʼ maga̱a̱n bi̱ nakándawuuʼga̱jma̱a̱ nixnúu ganitsu májánʼ mi̱khu̱ bi̱ naxkidxu̱u̱.+
10 Tikhuun kajchún náa mikína mbiʼ,kajchún náa guʼwá e̱jua̱nʼ, kaxtuʼwún ga̱jma̱a̱ cadena ma̱ngaa numíniiʼ.
11 Numuu rí ikhiin ninújngurámúúnʼ náa ajngóo Diosga̱jma̱a̱ na̱nguá ndiyamajkuíí ikha rí nixnúún bi̱ phú Mba̱a̱.+
12 Niʼni rí magajnúu gamajkhún ga̱jma̱a̱ gamiéjunʼ rí niniñuuʼ maguáʼníí,+nijnguti̱gi̱i̱n ga̱jma̱a̱ nimbáa ndawa̱a̱ tsáa mambáñún.
13 Índo̱ kúwá rumíniiʼ ninda̱ʼa̱a̱ Jeobá rí mambáñún,ga̱jma̱a̱ ikhaa niʼni káwíin náa awúu̱n gamiéjunʼ gakhi̱i̱ dí niraʼníí.
14 Niguwíin náa awúu̱n mikína mbiʼ rí kúwága̱jma̱a̱ nixkuʼtungaa cadena rí kaxtuʼwún ga̱jma̱a̱.+
15 Xúgíinʼ xa̱bu̱ guxna̱a̱ núma̱aʼ Jeobá ga̱jma̱a̱ numuu ngajua rí tsétumuu dí ikhaa gíʼdoo,+ma̱ngaa numuu xúgíʼ rí mitsaanʼ niʼni ga̱jma̱a̱ numún xa̱bu̱ numbaaʼ.
16 Numuu rí nijkumígu xkrugua dí cobrega̱jma̱a̱ nixpíga’ dí nagúguáa ga̱jma̱a̱ dí ki̱ʼni̱ ga̱jma̱a̱ hierro.+
17 Ninindxu̱ún skágunʼ numuu rí ikhiin má nini̱ dí mumíniiʼ,+ga̱jma̱a̱ numuu dí raʼkhí nini̱ ma̱ngaa rí nikiéʼkhúún.+
18 Nánguá nindúún gúphu̱ asndu káʼníí ganitsu,itháán makhañún.*
19 Índo̱ nimíniiʼ ninda̱ʼa̱a̱ Jeobá rí mambáñúnga̱jma̱a̱ ikhaa niʼni káwíin náa awúu̱n gamiéjunʼ gakhi̱i̱ dí niraʼníí.
20 Ikhaa niʼtáñajunʼ rí maʼni̱i̱ a̱jkiu̱ún,+ga̱jma̱a̱ niʼni káwíin náa iñáʼ rí kajchún.
21 Xúgíinʼ xa̱bu̱ guxna̱a̱ núma̱aʼ Jeobá ga̱jma̱a̱ numuu ngajua rí tsétumuu dí ikhaa gíʼdoo,ma̱ngaa numuu xúgíʼ rí mitsaanʼ niʼni ga̱jma̱a̱ numún xa̱bu̱ numbaaʼ.
22 Guxnájxi̱ tsigijñaʼ dí nuxnáa núma̱aʼ,+gu̱tala rí ikhaa niʼni ga̱jma̱a̱ aʼwá gagi.
23 Nagún náa lamáa* ga̱jma̱a̱ barco ndrígu̱ún,bi̱ nduyáʼ rí makuwá ga̱jma̱a̱ náa iyaʼ mi̱jnu̱ʼ,+
24 ndiyáá rí niʼni Jeobá,rí mitsaanʼ niʼniwíi dí rígá náa lamáa.+
25 Ndiyáá xú káʼnii, rí índo̱ ikhaa naʼtáñajunʼnagíʼdu̱u̱ naxnúu mbá giñámbiʼ+ rí naʼni maʼbajxu̱u̱ lamáa.
26 Ikhú iyaʼ nakujxi̱ barco ndrígu̱ún asndu rijma̱a̱,nda̱wa̱á nagajta̱a̱ asndu náa itháán mi̱jnu̱ʼ.
Ga̱jma̱a̱ numuu gamíi rígi̱, ikhiin ra̱ʼkhá tháán emíñúún.
27 Naʼbajngañiin ga̱jma̱a̱ nagadríʼiin xóo mbáa xa̱bu̱ najnga̱a̱,nándáa rí ejmaa dí najmañún magún ku̱ñu̱u̱n barco.+
28 Índo̱ kúwá rumíniiʼ asndu nundxa̱ʼwa̱ índo̱ nunda̱ʼa̱a̱ Jeobá rí mambáñún+ga̱jma̱a̱ ikhaa niʼni káwíin náa awúu̱n gamiéjunʼ gakhi̱i̱ dí niraʼníí.
29 Naʼni rí mawi̱ji̱i̱ giñámbiʼ rí naxnúu,ikhú má nawi̱ji̱i̱ raʼbajxu̱u̱ lamáa.+
30 Ikhiin nadxún índo̱ nduyáá rí nawi̱ji̱i̱ raʼbajxu̱u̱ iyaʼ,ikhaa naxnún ikha mu maguanu náa naguájun barco náa ikhiin nandún muguáʼnu.
31 Xúgíinʼ xa̱bu̱ guxna̱a̱ núma̱aʼ Jeobá ga̱jma̱a̱ numuu ngajua rí tsétumuu dí ikhaa gíʼdooma̱ngaa numuu xúgíʼ rí mitsaanʼ niʼni ga̱jma̱a̱ numún xa̱bu̱ numbaaʼ.+
32 Gu̱ni̱ mba̱a̱ náa majñu̱únʼ xa̱bu̱ xuajin bi̱ nagimbíi̱n,+guxna̱a̱ gamajkhu náa nagimbíi̱n* xabuanii.
33 Ikhaa naʼni rí mañu maguajta̱a̱ mbá ku̱ba̱ʼ mijxooʼ,ga̱jma̱a̱ náa rígá iduu iyaʼ mujndooʼ,+
34 naʼni rí mbá ku̱ba̱ʼ májánʼ maʼni̱i̱ mbá ku̱ba̱ʼ rí nánguá ejma̱a̱ rí najuiʼdu ga̱jma̱a̱ maguanáa,+narígá xúgíʼ rígi̱ ga̱jma̱a̱ numuu dí raʼkhí nuni̱ xa̱bu̱ bi̱ kúwá ikhí.
35 Naʼni rí ku̱ba̱ʼ mijxooʼ ma̱jnu̱ma̱ʼa̱ iyaʼ ga̱jma̱a̱ marigá inága̱jma̱a̱ náa ku̱ba̱ʼ rí nda̱a̱ iyaʼ marigá iduu iyaʼ.+
36 Ikhí naʼni makuwá bi̱ naxkidxu̱u̱n,+mu xúʼko̱ ma̱ndoo mugíʼ mbá xuajin náa makuwíin.+
37 Ikhiin nuñejuíínʼ ku̱ba̱ʼ ga̱jma̱a̱ nudu ixi̱ uva,+najma̱a̱ májánʼ rí nudu.+
38 Ikhaa naʼni tsajkurámíinʼ ga̱jma̱a̱ ikhiin naʼni mbaʼin,tséniñuuʼ rí maʼni nguéjmi̱i̱n xujkiún.+
39 Ga̱jma̱a̱ numuu rí naguma ngíníin,nuraʼníí gamiéjunʼ, gaʼkhu, naʼni̱i̱ nguéjmi̱i̱n ga̱jma̱a̱ nagájnuu gamajkhún.
40 Ikhaa naʼni májti̱i̱nʼ xa̱bu̱ ñajunʼ,ga̱jma̱a̱ naʼni rí mbaʼ majnguʼúún náa ku̱ba̱ʼ mijxooʼ náa nda̱a̱ kamba̱a̱.+
41 Mú nañewu̱u̱n xa̱bu̱ ngíníin mu xúni̱ ngíníin+ga̱jma̱a̱ naʼni rí bi̱ kúwá náa guʼwún maʼni mbaʼin xóo mugu̱.
42 Nadxún xa̱bu̱ bi̱ wájun jmbu índo̱ nduyáá rígi̱,+mú xa̱bu̱ ra̱míjíinʼ nándáa rí ethi.+
43 Bi̱ najmañuu marmáʼáan má xúʼko̱ a̱jkiu̱u̱n xúgíʼ rígi̱,+mbaʼyoo májánʼ xúgíʼ rí niʼni Jeobá náa nisngájma ngajua rí tsétumuu.+
