Salmos 90:1-17
Rí niʼtájkháan Moisés, xa̱bi̱i̱ Dios bi̱ gajkhun.+
90 Jeobá, náa xúgíʼ tsiguʼ rí niguwáʼ rakuwáanʼxu, ikháán nindxa̱a̱ʼ náa numbáyumíjnáxu.+
2 Ikháán xtaa má xúʼko̱ asndu nákha wajyúuʼ nákha xóó tséguma kúbánákha xóó tsétani̱ ku̱ba̱ʼ ga̱jma̱a̱ mbaaʼ rí najuiʼdu+ga̱jma̱a̱ ikháán mani̱ndxa̱a̱ʼ Dios asndu kámuu.+
3 Ikháán natani̱ rí xa̱bu̱ numbaaʼ magúun náa yujndaʼnaratá: “E̱jñu̱ún xa̱bu̱ numbaaʼ ga̱ʼgua̱a̱ʼla náa yujndaʼ”.+
4 Numuu rí ikháán natayáá rí mil tsiguʼ nindxu̱u̱ xóo ri̱xi̱í, rí ninújngoo,+xóo nguáthá hora rí mbruʼun.
5 Natani̱ gámbíin,+ naguáʼnu nanindxu̱ún i̱ndó xóo mbá ginuʼ.Rí miʼcha̱ nindxu̱ún xóo iná rí nakráʼáan:+
6 Rí miʼcha̱ nakráʼáan ga̱jma̱a̱ najmi̱di̱ riʼyu̱u̱,mú rí wakíʼ nujnduxtáa ga̱jma̱a̱ nujndooʼ.+
7 Numuu rí naʼni gámbáanʼxu̱ rí nakasngáñáanʼ+ga̱jma̱a̱ rí nakiʼnán naʼni míñuxu̱.
8 Natatsinuuʼ rí nakiéʼkuxu,+agiuuʼ inaaʼ naʼni rí makujmaa pa̱jnu rí nirkaʼwu múʼuxu̱.+
9 Ga̱jma̱a̱ numuu rí nakásngáña̱a̱nʼ mbiʼi ndrígúxu̱ na̱jkha̱ rámbá,tsiguʼ rí kuwáanʼxu̱ na̱jkha̱ rámbá nindxu̱u̱ xóo mbá xi̱ʼ.
10 Kááʼ kuwáanʼxu̱ setenta tsiguʼ,ochenta+ á mu mbáa gíʼdoo wéñuuʼ tsiaki̱i̱.
Mú xúgíʼ tsiguʼ rúʼko̱ numíníiʼxu ga̱jma̱a̱ na̱ʼkha̱nú ga̱ʼkhu̱,mbá nacha̱ enújngoo ga̱jma̱a̱ nandátigáanʼxu̱.+
11 Tsáá gáʼngo̱o̱ gáʼyoo rí ma̱ndoo matani̱ índo̱ nakásngáña̱a̱ʼ rá.
Rí nakásngáña̱a̱ʼ ra̱ʼkhá tháán mba̱a̱ nindxu̱u̱ xó má gamajkhu rí kaʼyaaʼ matrigú.+
12 Arasngúxu̱ majmuxu̱ májánʼ mbiʼi ndrígúxu̱+mu xúʼko̱ a̱jkiu̱xu̱ magiʼdoo ku̱ma̱.
13 Gagáwíinʼ a̱jkia̱a̱nʼ xtañún xa̱bia̱a̱ʼ,+ nguáthá mba̱yu̱u̱ʼ gájyúuʼ rígi̱ rá.+
¡Jeobá, atanga̱án!+
14 Mámbá miʼcha̱ gaʼndaaʼ xtayuxu*+ mu xúʼko̱ mundxa̱ʼwa̱xu̱ ga̱jma̱a̱ gagiga̱jma̱a̱ makuwáanʼxu̱ tsímáá+ xúgíʼ mbiʼi rí gákuwáanʼxu̱.
15 Araxnáaʼxu̱ gagi ga̱jma̱a̱ numuu xúgíʼ mbiʼi rí nitani̱ mumíni̱i̱ʼxu̱+ga̱jma̱a̱ numuu xúgíʼ tsiguʼ rí ninújnguxu gaʼkhu.+
16 Guyáá xa̱bia̱a̱ʼ rí nitani̱,ga̱jma̱a̱ e̱jñu̱ún rí xóo naxpíbíínʼ.+
17 Jeobá Dios ndrígúxu̱ atani̱ tsajkurámáanʼxu.Atani̱ rí makuwi̱i̱n ñajunʼ rí nu̱ni̱xu̱.
Xúʼko̱, atani̱ rí makuwi̱i̱n ñajunʼ rí nu̱ni̱xu̱.+
