Salmos 48:1-14
Ajmúú. Salmo ndrígu̱ún e̱ji̱i̱n Coré.+
48 Jeobá nindxu̱u̱ mba̱a̱ ga̱jma̱a̱ kaʼyoo magruigú gamajkhu,náa xuajñuu Dios ndrígúlú, náa kúbá ndrígóʼ rí kaʼwu.
2 Mitsaanʼ* xóo mitsídánʼ, naʼni dí makuwá gagi xúgíinʼ xa̱bu̱ bi̱ kúwá náa xúgíʼ tsu̱du̱u̱ ku̱ba̱ʼ,+nindxu̱u̱ kúbá Sion dí na̱jkha̱nú asndu náa norte,xuajñuu Rey bi̱ Mba̱a̱.+
3 Torre ndrígóo dí wájun gújkhúʼ,Dios niʼni mbuyáá dí ikhaa nindxu̱u̱ náa ma̱ndoo mumbayumíjná.+
4 ¡Gu̱ya̱a̱! Reyes nigimbíin,mbóó nigún gúxmijná gajmiún xa̱bu̱ xuajin.
5 Índo̱ ndiyáá xuajin, niguanún tsiánguá.
Ra̱ʼkhá tháán nimíñúún ikha jngóo nigáñún.
6 Ga̱jma̱a̱ ikhí niʼni rí maguíʼiin,xóo ga̱ʼkhu̱ rí naxnúu mbáa a̱ʼgu̱ bi̱ nacho̱o̱ magiʼdaa a̱ʼdióo.
7 Mbá giñánʼ dí na̱ʼkha̱ xígií náa nagájnuu a̱jkha̱ʼ* naʼni gámbóo barco rí na̱ʼkha̱ náa Tarsis.
8 Mbá xúgíʼ rí niʼdxawíín, dí xúgi̱ kuwáánʼlú mínáanʼ ruʼyáánáa xuajñuu Jeobá bi̱ naʼtáñajúúnʼ ángeles, náa xuajñuu Dios ndrígúlú.
Dios magíʼ jxa̱ʼ asndu kámuu.+ (Sélah).
9 Nundxa̱ʼwa̱míjna̱xu náa ngajua rí tsétumuu* rí xtaʼdáá, Dios ndrígúxu̱,+náa awúu̱n guʼwá rí nduyamajkuaaʼ.
10 Xó má mbiʼyaaʼ Dios ndríguxuʼ,rí nduyamajkuaaʼ na̱jkha̱nú asndu náa naguámbári̱go̱o̱ ku̱ba̱ʼ.+
Ikháán najmaaʼ má xúʼko̱ tsiaki̱i̱ ndrígáaʼ mu matani̱ xó má kaʼyoo.+
11 ¡Gaxtáa gagi kúbá Sion!+¡Gakuwá gagi xa̱bu̱ bi̱ kúwá náa i̱ʼwáʼ xuajin dí rígá náa Judá ga̱jma̱a̱ numuu xtángoo ndrígáaʼ!+
12 Guʼguala náa mbájndi Sion, mbá tuaʼáan kayuuʼ gúʼgua,guraxnula torre ndrígóo.+
13 Gu̱ya̱a̱ májánʼ xóo nindxu̱u̱ xtájtsí rí nañewu̱u̱n.+
Guyajmala májánʼ torre rí wájun gújkhúʼmu xúʼko̱ muthu̱u̱n bi̱ maguwáʼ rakúwá nda̱wa̱á.
14 Numuu rí Dios bugi̱ mani̱ndxu̱u̱ Dios ndrígúlú+ asndu kámuu.
Ikhaa maxnúlú ikha asndu kámuu.*+
