Salmos 58:1-11
-
Xtáa mbáa Dios bi̱ na̱nda̱ʼa̱a̱ cuenta náa tsu̱du̱u̱ ku̱ba̱ʼ
-
Naʼtájkháan mu maguma ngíníin xa̱bu̱ xkawi̱i̱nʼ (6-8)
-
Rí na̱jkha̱ inuu bi̱ kayá edxu̱u̱ náa ajmúú, xó má ewán ajmúú “Xátani̱ gámbáa”. Salmo ndrígóo David. Miktam.
58 Lá ma̱ndoo mutha̱la rí májánʼ índo̱ tsétala kayuuʼ ráʼ.+
Lá gajkhun majmáanʼla ikháanʼ, bi̱ nindxa̱la e̱jñu̱ún xa̱bu̱ numbaaʼ, munimbáníí numún xa̱bu̱ ráʼ.+
2 Dí phú nu̱nila, nuríyáʼla awan mu̱ni̱ dí ra̱májánʼ+ga̱jma̱a̱ naniguala mu̱ni̱ dí raʼkhí náa tsu̱du̱u̱ ku̱ba̱ʼ.+
3 Xa̱bu̱ xkawi̱i̱nʼ xúʼko̱ má kaʼniún asndu nákha nigumiin,*tséni xó má kaʼyoo ga̱jma̱a̱ minduwiinʼ asndu nákha nigumiin.
4 Ajngáa dí nuthi nindxu̱u̱ xóo iya ndawuuʼ a̱bu̱nʼ mbiiʼ,+tsíñún gúdxawíín xó má eʼni a̱bu̱nʼ mbiiʼ.*
5 A̱bu̱nʼ mbiiʼ xáʼdxawun aʼwún bi̱ nuni̱ xawan,maski ajndu najmiin nuni̱ xawan.
6 Dios ndrígóʼ, ¡ataxpíguwíi iñúúnʼ!
Jeobá, ¡ataxpíʼthá itsu̱ rawúúnʼ león* buʼko̱!
7 Gaguma gámbíin xó má naguámbá iyaʼ, xó má nujndooʼ mata.*
Dios maxúmuu xkamídóo ma̱ngaa maʼni gámbíin ga̱jma̱a̱ fléchóo.
8 Gakañún xó má ejkha̱ rakháñuu* mbáa caracol,xóo mbáa ada̱ bi̱ nikháñuu má nigu̱maa bi̱ na̱nguá ndiʼyoo agiuuʼ a̱jkha̱ʼ.
9 Nákha ixi̱ tsuwanʼ xóó tsétsigóo nda̱ñúunʼ,ikhaa* ma̱ʼkha̱ maxmájuíi xkuíyá maxaʼ dí juádáʼ rakha, xó má eʼni giñámbiʼ.+
10 Xa̱bu̱ májáanʼ maʼdxuu índo̱ gáʼyoo xóo gákháñún xa̱bu̱ ra̱míjíinʼ ga̱jma̱a̱ numuu dí nini̱,+rajkhúu magu̱u̱ eʼdiún.+
11 Ikhú xa̱bu̱ muthi: “Gajkhun dí rígá rí mada̱a̱ʼ xa̱bu̱ májáanʼ.+
Gajkhun dí xtáa mbáa Dios bi̱ na̱nda̱ʼa̱a̱ cuenta náa tsu̱du̱u̱ ku̱ba̱ʼ”.+
