Salmos 41:1-13
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
41 Gagi xtáa xa̱bu̱ bi̱ nambáyúu bi̱ gínáa,+Jeobá maʼni kríya̱a̱ʼ mbiʼi rí ma̱ʼkha̱nú gamiéjunʼ.
2 Jeobá mañewu̱u̱n ga̱jma̱a̱ maniñuuʼ maxtáa.
Magumbiʼyuu bi̱ xtáa gagi náa tsu̱du̱u̱ ku̱ba̱ʼ,+ga̱jma̱a̱ nditháan xáraxnajxíi náa ñawúúnʼ xa̱bu̱ sia̱nʼ.+
3 Jeobá má gámbáyúu índo̱ kaʼmáaʼ náa xia̱wuu naʼniuu nandii,+matriʼkhui̱i̱ mbá kayuuʼ xia̱wuu índo̱ xtáa raʼniuu nandii.
4 Numuu rí ikhúún ni̱tha̱: “Jeobá, gaʼni a̱jkia̱a̱nʼ xtayoʼ.+
Atani̱ tanuʼ,+ numuu rí nikuʼdáminaʼ aʼkhá náa ikháán”.+
5 Mú xa̱bu̱ sia̱nʼ nuthi dí raʼkhí ga̱jma̱a̱ numuʼ:
“Nguáná gákháñuu ga̱jma̱a̱ mambumún kuyáá xá.”
6 Á mu mbáa dí ikhiin na̱ʼkha̱ gáʼyoʼ, nduwaʼ nindxu̱u̱ rí naʼthí.
Ndayáʼ maʼniuʼ dí ra̱májánʼ,índo̱ nagájna̱a̱ naʼtári̱ga̱.
7 Xúgíinʼ bi̱ nawiñu̱u̱nʼ kuyoʼ kaníkiin etha̱ ngu̱ʼwa̱míjna̱,nuri̱ya̱ʼ awan muniuuʼ dí raʼkhí. Nuthi:
8 “Mbá rí xkawiʼ nigíʼnuu,xúgi̱ rí kaʼmáaʼ kayuuʼ náa xia̱wuu, ní xátanga̱a̱ matujxi̱i̱”.+
9 Asndu xa̱bu̱ bi̱ xtáá tsímáá ga̱jmu̱ʼ, bi̱ ikhúún naku̱mu̱ʼ ka̱yo̱o̱,+bi̱ mbóó ekuiʼtsu ga̱jmu̱ʼ, rí xúgi̱ nindxu̱u̱ xóo mbáa xa̱bu̱ sia̱nʼ.*+
10 Mú ikháán, Jeobá, gaʼni a̱jkia̱a̱nʼ xtayoʼ ga̱jma̱a̱ atajxújxu̱únmu xúʼko̱ matani̱ rí mumíniiʼ ga̱jma̱a̱ numuu rí nini̱.
11 Xúʼko̱ gáyóo dí nadxuu a̱jkia̱a̱nʼ e̱ni̱:
Á mu xa̱bu̱ sia̱nʼ xáʼdxún, numuu rí xáʼngu̱u̱n gúni̱ ga̱jma̱á nindxu̱ʼ.+
12 Ikháán natambáyúʼ, numuu rí kájxi̱ a̱jkiu̱nʼ e̱ni̱ náa ikháán,+matani̱ rí maxtáá má xúʼko̱ náa inaaʼ asndu kámuu.+
13 Gaguma mba̱a̱ Jeobá, Dios ndrígóo Israel,asndu kámuu.+
Xúʼko̱ gáʼni,* xúʼko̱ gáʼni.
