Salmos 40:1-17
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
40 Niʼngo̱o̱ a̱jkiu̱nʼ nigúʼthúun náa Jeobá,ikhaa nigiʼnduti̱ga̱* mu maʼdxawunʼ ga̱jma̱a̱ niʼdxuun rí nindxa̱ʼwa̱ mu mixtambáyúʼ.+
2 Niríñúunʼ náa mbá iñáʼ dí ra̱ʼkhá tháán gamíi ewán aʼwóo iyaʼ,niríñúunʼ náa gaʼcha̱ʼ dí mbrakha,
nitsrigún náa tsu̱du̱u̱ mbá pátsí,niʼni rí maʼgá kruigo̱ʼ náa ku̱ba̱ʼ gújkhúʼ.
3 Ikhú nigídáʼ mbá ajmúú nuxi̱ʼ náa rawunʼ,+mbá rí maguma mba̱a̱ ga̱jma̱a̱ Dios ndrígúlú.
Mbaʼin mbuyáá rí niʼniga̱jma̱a̱ maku̱mu̱ún kuyáá Jeobá.
4 Gagi xtáa xa̱bu̱ bi̱ naku̱mu̱u̱ kaʼyoo Jeobága̱jma̱a̱ tsémbajxu̱u̱ gajmíi̱n xa̱bu̱ bi̱ nuxujximíjna̱ ni má bi̱ nunimbu̱u̱n rí minduwaaʼ.
5 ¡Ra̱ʼkhá tháán mbaʼa rí nitani̱,Jeobá Dios ndrígóʼ!Ra̱ʼkhá tháán mbaʼa rí mitsaanʼ* nitaniwíi, xúʼko̱ má rí natatsaʼwáminaʼ matani̱ ga̱jma̱á numuxu̱,+
nimbáa tsémbríguii ga̱jma̱á nindxa̱a̱ʼ.+Á mu maniminaʼ mathu̱u̱n eʼwíinʼ xúgíʼ rígi̱,xáʼngo̱ʼ gátha numuu dí ra̱ʼkhá tháán mbaʼa nindxu̱u̱.+
6 Táʼndaaʼ tsigijñaʼ ni má regalo,+mú nitarmbáʼtáá cháʼwunʼ mu madxawuun.+
Na̱nguá nitanda̱ʼa̱ tsigijñaʼ dí nakarámáʼ ni má tsigijñaʼ ga̱jma̱a̱ numuu aʼkhá.+
7 Ikhú ni̱tha̱: “Atayáá, ni̱ʼkhá.
Náa rollo* kiʼnirámáʼ ga̱jma̱a̱ numuʼ.+
8 Naniguʼ ma̱ni̱ rí nandaaʼ Dios ndrígóʼ,+xtángoo ndrígáaʼ gíwánʼ asndu náa awúu̱n a̱jkiu̱nʼ.+
9 Na̱tha̱ ajngáa rí májánʼ dí nindxu̱u̱ jmbu náa majñu̱únʼ xa̱bu̱ mbaʼin bi̱ nagimbíi̱n.+
¡Atayáá! Nditháan tséguanúʼ wíí,+xó má ikháán natayáá májánʼ Jeobá.
10 Náa a̱jkiu̱nʼ xárkaʼwu xúgíʼ rí májánʼ natani̱.
Na̱tha̱ rí ikháán natanimbáníí ajngáaʼ ga̱jma̱a̱ rí natani̱ káwáanʼxu.
Náa kúwá mbaʼin xa̱bu̱ tsérkaʼwu ngajua rí tsétumuu* rí xtaʼdáá ga̱jma̱a̱ rí gajkuwíín”.+
11 Jeobá, xátani gáʼdu̱u̱n rí magáwíinʼ a̱jkia̱a̱nʼ xtayoʼ.
Gañewunʼ má xúʼko̱ ngajua rí tsétumuu rí xtaʼdáá ga̱jma̱a̱ dí gajkuwíín.+
12 Ra̱ʼkhá tháán mbaʼa gamiéjunʼ dí rígá náa mbájndi xtáá rí asndu xáʼngo̱o̱ gágixnuu.+
Ra̱ʼkhá tháán mbaʼa dí nikiéʼkhúnʼ rí asndu nánguá eʼngo̱ʼ gáyóo kambo̱ʼ,+itháán mbaʼa ki xóo tátsun edxu̱ʼ,ra̱ʼkhá tháán ejmáan a̱jkiu̱nʼ.
13 Mbá péñu,* Jeobá, gaʼni a̱jkia̱a̱nʼ matani̱ kríñu̱u̱nʼ.+
Jeobá nacha̱ gídxaʼ mu matambáyuʼ.+
14 Gagajnúu gamajkhúnxúgíinʼ bi̱ nandún muxiñún.
Asndu mati̱ñu̱u̱nʼ gágúun skidiʼbi̱ nadxún ga̱jma̱a̱ gamiéjunʼ dí nagíʼnuʼ.
15 Gamiñún ga̱jma̱a̱ gatiñu̱u̱nʼ,
bi̱ nuthi rígi̱ mu mutsijmúún “¡Májánʼ dí xúʼko̱ nigíʼnuu!”.
16 Mú bi̱ nduñáanʼ+maxpíbíinʼ ga̱jma̱a̱ maʼdxu̱ún núma̱aʼ má ikháán.+
Bi̱ nandún kuyáá rí xóo natani̱ káwíin muthi má xúʼko̱:
“¡Gaguma mba̱a̱ má xúʼko̱ Jeobá!”.+
17 Mú ikhúún ndawa̱a̱ tsáa mambáyúʼ ga̱jma̱a̱ gínún.Gañewu̱nʼ má xúʼko̱ Jeobá.
Ikháán nindxa̱a̱ʼ bi̱ natambáyúʼ ga̱jma̱a̱ bi̱ naʼni kríñu̱u̱nʼ.+Dios ndrígóʼ, xájyaʼlá.+
