Salmos 103:1-22
Salmo ndrígóo David.
103 Ma̱ni̱ mba̱a̱* Jeobá,ma̱ni̱ mba̱a̱ mbiʼyuu rí kaʼwu ga̱jma̱a̱ xúgíʼ xóo nindxu̱ʼ.
2 Ma̱ni̱ mba̱a̱ Jeobá,nandoʼ rí nditháan xámbumuʼ xúgíʼ rí ikhaa niʼni.+
3 Ikhaa naʼni mba̱a̱ a̱jkiu̱u̱n kaʼyoo xúgíʼ rí nakiéʼkulu+ga̱jma̱a̱ naʼni rí maʼni̱i̱ náa xúgíʼ dí nagawúnlú.+
4 Ikhaa naʼni káwáanʼlú náa iñá wajinʼ+nagáwíinʼ a̱jkiu̱u̱n kaʼyulú ga̱jma̱a̱ nasngájmulúʼ ngajua rí tsétumuu.*+
5 Ikhaa naxnulu xúgíʼ rí májánʼ+ náa xúgíʼ mbiʼi rí kuwáanʼlumu xúʼko̱ matanga̱ánʼ manindxu̱lú jiáma̱án mbu̱júu̱ ma̱ngaa muguaʼdáá tsiaki̱i̱ xóo mbáa bi̱yú.+
6 Jeobá naʼni rí jmbu+ ga̱jma̱a̱ naʼni xó má kaʼyoomu mambáñún xúgíinʼ bi̱ numíniiʼ.+
7 Ikhaa nisngájmuu Moisés xú kaʼnii nindxu̱u̱ kambo̱o̱,+nisngájmúún e̱ji̱i̱n Israel dí ikhaa naʼni.+
8 Jeobá nagáwíinʼ a̱jkiu̱u̱n ga̱jma̱a̱ naʼngo̱o̱ a̱jkiu̱u̱n,+ tsékiʼnáa nacha̱,gíʼdoo ngajua rí tsétumuu.+
9 Raʼkháa kikháá gáʼtúlu náa nikiéʼkúlu+ni má xákiʼnáa kaʼyulú asndu kámuu.+
10 Maski má nixuʼdámíjná aʼkhá mú ikhaa táʼni rí mumíníinʼ,+na̱nguá niʼniulú xó má kaʼyoo mugíʼníí numuu rí nikiéʼkúlu.+
11 Xó má mitsídánʼ rígá mekhu,xúʼko̱ mba̱a̱ ngajua rí tsétumuu rí nasngájmúún bi̱ namíñúún kuyáá.+
12 Xó mitsínguánʼ rígá náa nagájnuu a̱jkha̱ʼ* ga̱jma̱a̱ náa narámaaʼ a̱jkha̱ʼ,*xúʼko̱ mitsínguánʼ niniñuuʼ aʼkhá rí nixuʼdámíjná.+
13 Xó má mbáa xa̱bu̱ nikhi̱i̱ nagáwíinʼ a̱jkiu̱u̱n kaʼñún e̱ji̱i̱n,xúʼko̱ má Jeobá nagáwíinʼ a̱jkiu̱u̱n kaʼñún bi̱ namíñúún kuyáá.+
14 Numuu rí ikhaa ndaʼyoo májánʼ xóo kiʼniwáanʼlú,+ndaʼyoo rí yujndaʼ ñajunlú.+
15 Xó má mba̱yu̱u̱ʼ rígá iná, xúʼko̱ mba̱yu̱u̱ʼ xtáa xa̱bu̱ numbaaʼ.+Nindxu̱u̱ xóo mbá ri̱ʼi̱ dí najmi̱di̱ mbá xngaa xanáá,+
16 mú índo̱ naxnúu giñánʼ na̱jkha̱ kayóo ga̱jma̱a̱ nandáti̱ga̱a̱:Asndu xóo na̱nguá má nirígá ikhí kaʼnii.
17 Mú raʼkháa xúʼko̱ nindxu̱u̱ ngajua rí tsétumuu rí Jeobá gíʼdoo náa bi̱ namíñúún kuyáángajua rúʼko̱ mbajyúuʼ asndu kámuu+ma̱ngaa maʼni xó má kaʼyoo náa e̱jñu̱ún bi̱ maguwáʼ rakúwá nda̱wa̱á,+
18 bi̱ gúnimbaníí rí nimbánuu gajmíi̱n+ga̱jma̱a̱ bi̱ gunimbu̱u̱n kuduun kiʼtáñajunʼ ndrígóo.
19 Jeobá nigíʼ jxa̱ʼ xíliu̱u̱* náa mekhuíí+ikhaa nindxu̱u̱ rey ga̱jma̱a̱ naʼtáñajuunʼ xúgíʼ dí rígá.+
20 Gu̱ni̱ mba̱a̱ Jeobá, xúgiáanʼ ikháanʼla ángeles,+ bi̱ kuaʼdáála wéñuuʼ tsiaki̱i̱,ikháanʼ bi̱ nu̱ni̱ rí naʼthí+ ga̱jma̱a̱ nu̱nimbala kiʼtáñajunʼ ndrígóo.*
21 Gu̱ni̱ mba̱a̱ Jeobá xúgiáanʼ ikháanʼla ángeles,+bi̱ nu̱ni̱ ñajuunʼ ga̱jma̱a̱ nu̱ni̱ rí nandoo.+
22 Xúgíʼ rí nigumawíi, gu̱ni̱ mba̱a̱la Jeobá,náa xúgíʼ rí ikhaa naʼtáñajuunʼ.
Ma̱ni̱ mba̱a̱ Jeobá ga̱jma̱a̱ xúgíʼ a̱jkiu̱nʼ.
