Salmos 101:1-8
Salmo ndrígóo David.
101 Jeobá ma̱ni̱ ajmúú mu maxna̱a̱ʼ gamajkhu.*
Ma̱ni̱ ajmúú ga̱jma̱a̱ numuu ngajua rí tsétumuu* rí xtaʼdáá ma̱ngaa numuu rí natani̱ xó má kaʼyoo.
2 Mandxa̱ʼo̱o̱ májánʼ edxu̱ʼ rí ma̱ni̱ ga̱jma̱a̱ ma̱ni̱ rí májánʼ.
Nguáná gátambáyúʼ rá.
Ma̱ni̱ má xúʼko̱ rí májánʼ tséʼniuu á mu jngroʼoʼ asndu náa goʼwóʼ.+
3 Nditháan xáyóo rí xkawiʼ.
Nawi̱yu̱ʼ ka̱yo̱o̱ rí nuni̱ bi̱ nagájnuriñu̱u̱nʼ náa kamba̱a̱ rí májánʼ,+xáni̱ xóo rí nuni̱ ikhiin.
4 Tsémbájxu̱ʼ gajmíʼ bi̱ xkawiʼ a̱jkiu̱ún,tséni̱* nimbá dí ra̱májánʼ.
5 Marugoo rawuunʼ,bi̱ nguʼwáá jngruigo̱o̱ raʼtá numuu xa̱bu̱ numbaaʼ ga̱jma̱a̱.+
Xáʼngo̱o̱ a̱jkiu̱nʼ gáʼni̱bi̱ naʼnimbamínáʼ ga̱jma̱a̱ naku̱mu̱u̱ dí gíʼdoo itháan numuu.
6 Nandoʼ ka̱ñu̱u̱n bi̱ naguájun jmbu náa ikháán bi̱ kúwá náa tsu̱du̱u̱ ku̱ba̱ʼ,ikhiin makuwá ga̱jma̱á nindxu̱ʼ.
Bi̱ mambáyúʼ nindxu̱u̱ bi̱ naʼni rí májánʼ.
7 Nimbáa bi̱ nanigu̱u̱ʼ maʼni nduwaʼ xániʼñúuʼ maxtáa náa goʼwóʼga̱jma̱a̱ xáwi̱ji̱ náa inuʼ nimbáa bi̱ naʼni nduwaʼ.
8 Mámbá miʼcha̱ ma̱ni̱ gámbíin xúgíinʼ xa̱bu̱ ra̱míjíinʼ bi̱ kúwá náa tsu̱du̱u̱ ku̱ba̱ʼ,xúʼko̱ kaʼnii gáni̱ gámbíin bi̱ nuni̱ dí ra̱májánʼ náa xuajñuu Jeobá.+
