Salmos 89:1-52
Maskil. Ndrígóo Etán+ xa̱bu̱ ezrahíta.
89 Ma̱ni̱ ajmúú má xúʼko̱ ga̱jma̱a̱ numuu rí Jeobá nisngájma ngajua rí tsétumuu.*
Matu̱u̱n xúgíinʼ bi̱ gáguwáʼ rakúwá nda̱wa̱á rí ikháán natani̱ rí jmbu.
2 Numuu rí ma̱ta̱: “Ngajua rí tsétumuu mbajyúuʼ* asndu kámuu,+rí májáanʼ a̱jkia̱a̱nʼ mbajyúuʼ xó má mba̱yu̱u̱ʼ rígá mekhu”.
3 “Nimbánuʼ ga̱jmu̱ʼ bi̱ niraʼwi̱i̱,+nixna̱ ajngóʼ náa xa̱bi̱ʼ David:+
4 ‹Rí maratañájunʼ* marigá asndu kámuu,+ga̱jma̱a̱ ma̱ni̱ rí e̱jña̱a̱ʼ makuwá má xúʼko̱ mu ma̱ndoo mutañajun›”.+ (Sélah).
5 Mekhu naʼni mba̱a̱ xúgíʼ rí mitsaanʼ* nitani̱ Jeobá,xúʼko̱ má naguma mba̱a̱n rí májáanʼ a̱jkia̱a̱nʼ náa nagímbíin bi̱ kaʼwiin.*
6 Lá xtáa mbáa náa mekhu bi̱ mambríguii ga̱jma̱a̱ Jeobá ráʼ.+
Náa xúgíinʼ e̱ji̱i̱n Dios+ tsáá nindxu̱u̱ xóo Jeobá rá.
7 Ra̱ʼkhá tháán eyamajkuíí Dios náa nagímbíin bi̱ kaʼwiin+nindxu̱u̱ itháan mba̱a̱ ga̱jma̱a̱ gamíi ki xóo xúgíinʼ bi̱ kúwá mbájndi náa ikhaa xtáa.+
8 Jeobá Dios bi̱ naʼtáñajúúnʼ ángeles,ndawa̱a̱ i̱mba̱a̱ bi̱ gíʼdoo itháán tsiaki̱i̱ xóo ikháán Jeobá.*+
Dí májánʼ a̱jkia̱a̱nʼ rígá mbájndi náa ikháán xtaa.+
9 Ikháán natatsi̱ji̱i̱ lamáa* índo̱ najmangu̱u̱ʼ+índo̱ naʼbajxu̱u̱ natani̱ rí maʼni wíyúu.+
10 Nitani̱ gámbáa mbá kayuuʼ Rahab+ ga̱jma̱a̱ nitaxíyáa.+
Nitaxídiriʼiin xa̱bu̱ sia̱nʼ ndrígáaʼ ga̱jma̱a̱ ñawáanʼ rí gíʼdoo tsiaki̱i̱.+
11 Ikháán kaʼyaaʼ mekhu ga̱jma̱a̱ ku̱ba̱ʼ,+ikháán nitani̱ ku̱ba̱ʼ rí majma̱a̱ rí najuiʼdu ga̱jma̱a̱ dí rígá ikhí.+
12 Ikháán nitani̱ norte ga̱jma̱a̱ sur,kúbá Tabor+ ga̱jma̱a̱ Hermón+ nuni̱ mba̱a̱ mbiʼyaaʼ ga̱jma̱a̱ gagi.
13 Ñawáanʼ ra̱ʼkhá tháán gíʼdoo tsiaki̱i̱,+ikháán xtaʼdáá tsiaki̱i̱,+ñawún májáanʼ frígu rijma̱a̱.+
14 Rí ikháán natani̱ rí jmbu ga̱jma̱a̱ natani̱ xó má kaʼyoo, rúʼko̱ nindxu̱u̱ rí nigi̱ʼi̱ ga̱jma̱a̱ xília̱a̱ʼ,*+ngajua rí tsétumuu ga̱jma̱a̱ rí gajkhun rígá náa ikháán.+
15 Jeobá, tsímáá kúwá xa̱bu̱ bi̱ nuni̱ mba̱a̱n ga̱jma̱a̱ aʼwún gagi.+
Ikhiin jngruigu̱u̱n ga̱jma̱a̱ agiuuʼ inaaʼ.
16 Ga̱jma̱a̱ numuu mbiʼyaaʼ ikhiin nadxún kañiiʼ mbiʼi,ga̱jma̱a̱ numuu rí natani̱ xó má kaʼyoo naʼni rí maguaʼdáá numún.
17 Ikháán natani̱ rí maguaʼdáá tsiaki̱i̱ ga̱jma̱a̱ mundrígú gamajkhu+ga̱jma̱a̱ numuu rí nanigua̱a̱ʼ rí nu̱ni̱xu̱ ikha jngóo naʼni itháan mba̱a̱ tsiaki̱i̱ ndrígúxu̱.*+
18 Jeobá nixnúlú escudo rí kuáʼdáá,ga̱jma̱a̱ rey ndrígúlú.+
19 Mbiʼi rúʼko̱ nirathúún xa̱bia̱a̱ʼ bi̱ guájun jmbu náa mbá rí niguasgájmúún,* nira̱thá:
“Ni̱xnu̱u̱ tsiaki̱i̱ mbáa xa̱bu̱ xkujiiʼ,+ni̱ni̱ rí magiʼdoo numuu bi̱ niraʼwi̱i̱ náa majñu̱únʼ xa̱bu̱ xuajin.+
20 Nixkamaa David bi̱ nindxu̱u̱ xa̱bi̱ʼ,+niraʼwi̱i̱ ga̱jma̱a̱ aceitiuʼ rí kaʼwu.+
21 Magutúwiin má xúʼko̱+ga̱jma̱a̱ maxnu̱u̱ tsiaki̱i̱.
22 Nimbáa xa̱bu̱ sia̱nʼ xátsudaa maʼni numa,nimbáa xa̱bu̱ xkawi̱i̱ʼ xáʼni ngínáa.+
23 Náa inuu ikhaa gákumíguíin bi̱ sia̱nʼ gajmíi̱n,+magúdíin bi̱ tsíñún gúyáá.+
24 Maxtáá má xúʼko̱ ga̱jmu̱ʼ ga̱jma̱a̱ masngajmúu má xúʼko̱ ngajua rí tsétumuu+ga̱jma̱a̱ numuu mbiʼyuʼ maʼni rí tsiaki̱i̱ ndrígóo maʼni itháan mba̱a̱.*
25 Ma̱ni̱ rí náa agoo ñawúunʼ marigá lamáa,náa agoo ñawún mújúunʼ ma̱ni̱ dí marigá mañu.+
26 Ikhaa maʼthúnʼ: ‹Ikháán nindxa̱a̱ʼ Anu̱ʼ,*Dios ndrígóʼ ga̱jma̱a̱ Itsí mba̱a̱ rí naʼni kríñu̱u̱nʼ›.+
27 Ikhúún ma̱ni̱ rí mani̱ndxu̱u̱ a̱ʼdá giʼnii,+bi̱ itháán mba̱a̱ náa xúgíinʼ reyes bi̱ kúwá náa xúgíʼ tsu̱du̱u̱ ku̱ba̱ʼ.+
28 Marigá má xúʼko̱ ngajua rí tsétumuu náa ikhaa,+rí nimbánuʼ ga̱jmu̱ʼ gajkhun mambanúu.+
29 Ma̱ni̱ rí e̱ji̱i̱n makuwá asndu kámuu,rí maʼtáñajunʼ mbajyúuʼ xó má mba̱yu̱u̱ʼ rígá mekhu.+
30 Á mu e̱ji̱i̱n nuniña̱a̱nʼ xtángoo ndrígóʼga̱jma̱a̱ tséjngrui̱gu̱u̱n xó má eʼthí náa kiʼtáñajunʼ rí ni̱xnu̱u̱,
31 á mu nanújngurámúúnʼ xtángoo ndrígóʼga̱jma̱a̱ tsénimbu̱ún kiʼtáñajunʼ rí nixnu̱u̱n,
32 ikhúún má gáni̱ ngíníin ga̱jma̱a̱ mbá xkuíyá+ numuu rí tsénimbu̱u̱nmaxnu̱u̱ ga̱jma̱a̱ numuu rí nakiéʼkhún.
33 Nditháan xániʼñúunʼ raʼndoʼ ka̱yo̱o̱,*+gajkhun rí manimbánuu rí ni̱thu̱u̱n.
34 Manimbánuu rí ni̱tha̱,+ni má xári̱ʼkhu̱u̱ ajngóʼ.+
35 Xóo mbáa bi̱ kaʼwii nixna̱ ajngóʼ mbóó miʼtsú asndu kámuu,xáni̱ nduwaaʼ David.+
36 Ma̱ni̱ rí e̱ji̱i̱n makuwá asndu kámuu,+rí maʼtáñajunʼ náa inuʼ mbajyúuʼ xó má mba̱yu̱u̱ʼ xtáa a̱jkha̱ʼ.+
37 Maxtáa asndu kámuu,xó má gu̱nʼ nagájnuu* má xúʼko̱ mekhuíí”. (Sélah).
38 Ikháán má nitríyáaʼ kaníí ga̱jma̱a̱ na̱nguá nitandriguíi,+nikásngaña̱a̱nʼ xtayáá bi̱ nitraʼwíi.
39 Niwiya̱a̱ʼ xtayáá rí nimbánaaʼ ga̱jma̱a̱’ xa̱bia̱a̱ʼ,nitani̱ tsagáá corona ndrígóo índo̱ nitadati̱ga̱ mbayííʼ.
40 Nitani̱ ngajxi̱i̱ xúgíʼ gúláa dí itsí,nitani̱ gámbáa xúgíʼ xtájtsí rí wájun gújkhúʼ.
41 Xúgíinʼ bi̱ nanujngún ikhí nurawíi káyííʼ dí gíʼdoo,nawiñu̱u̱nʼ kuyáá xa̱bu̱ bi̱ xtáa mijngii gajmíi̱n.+
42 Ikháán nitani̱ rí xa̱bu̱ sia̱nʼ ndrígóo maʼngu̱u̱n,*+nitani̱ rí maʼdxúún xúgíinʼ xa̱bu̱ bi̱ tsíñún gúyáá.
43 Ikháán nitani̱ rí espádóo ni xájmaaga̱jma̱a̱ rí xáʼngo̱o̱ náa nuxmijná.
44 Nitani̱ rí ni xáxpíbiiʼ itháánga̱jma̱a̱ nitadati̱ga̱ mbayííʼ xíliu̱u̱.
45 Nitani̱ rí mikhi̱i̱ nacha̱,ga̱jma̱a̱ nitambraʼaa majthi̱ʼ xóo mbá xtíin. (Sélah).
46 Jeobá, asndu náa mbiʼi gátatsiʼñááʼ ratarkaʼwuminaʼ rá. Lá asndu kámuu ráʼ.+
Lá mikamuu má xúʼko̱ xóo mbá aguʼ rí nakásnga̱ña̱a̱ʼ rá’.
47 ¡Garmáʼáan a̱jkia̱a̱nʼ rí mbá xngaa má xtáá!+
Lá nda̱a̱ mbá numuu rí nitani̱i̱ xúgíinʼ xa̱bu̱ numbaaʼ ráʼ.
48 Lá xtáa mbáa xa̱bu̱ bi̱ ma̱ndoo maxtáa rí asndu nditháan xákáñuu ráʼ.+
Lá ma̱ndoo mbáa maʼni kríyamínáʼ rí xákáñuu rá’.* (Sélah).
49 Jeobá, náá rígá ngajua rí tsétumuu dí nitasngájma nákha wajyúuʼ rá.Ikháán nindxa̱a̱ʼ Dios bi̱ naʼnimbánuu rí nakudaminaʼ maʼni, niratháán David dí maʼndaaʼ xtayuxu.+
50 Jeobá, xámbumaaʼ rí nuta wéñúúnʼ xa̱bia̱a̱ʼ,xóo rí ikhúún ndayóoʼ maʼngo̱ʼ* ajngáa xkawiʼ rí nuthi xúgíinʼ xa̱bu̱ bi̱ kúwá náa xúgíʼ xuajin,
51 Jeobá, xa̱bu̱ sia̱nʼ ndrígáaʼ nutawéñuʼ,nutawéñííʼ bi̱ ikháán nitraʼwíi asndu náa má ejkha̱.
52 Gaguma mba̱a̱ Jeobá asndu kámuu. Xúʼko̱ gáʼni,* xúʼko̱ gáʼni.+
Mbaʼa nota
^ Náa ajngáa hebreo nathí, “mawiji̱”.
^ Náa ajngáa hebreo naʼthí, “Trono ndrígáaʼ”.
^ O “nagui̱i̱”.
^ O “ángeles”.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ O “mar”.
^ O “trono ndrígáaʼ”.
^ Náa ajngáa hebreo naʼthí, “magijxi̱ chijyu̱xu̱”.
^ O “visión”.
^ Náa ajngáa hebreo naʼthí, “magijxi̱ chijyu̱u̱ʼ”.
^ O “Táteʼ”.
^ O “masngajmúu ngajua rí tsétumuu”.
^ Náa ajngáa hebreo naʼthí, “nindxu̱u̱ mbáa testigo bi̱ jmbii”.
^ Náa ajngáa hebreo naʼthí, “nitaxújxi ñawún mújúúnʼ xa̱bu̱ sia̱nʼ ndrígóo”.
^ O “maʼni kríyamínáʼ náa tsiaki̱i̱ ndrígóo Iñá wajinʼ ráʼ.” Náa ajngáa hebreo naʼthí, “náa ñawúunʼ Seol”. Atayáá glosario, Iñá wajinʼ.
^ Náa ajngáa hebreo naʼthí, “ma̱gu̱ náa tsoxto̱ʼ”.
^ O “Amén”.
