Salmos 3:1-8
Salmo ndrígóo David, índo̱ nagáyúu náa inuu Absalón bi̱ nindxu̱u̱ a̱ʼdióo.+
3 Jeobá, náá numuu rí mbaʼin wéñuuʼ bi̱ tsíñún gúyoʼ rá.+
Náá numuu rí mbaʼin ewájxu̱ mu muni̱ gínún rá.+
2 Mbaʼin nuthi ga̱jma̱a̱ numuʼ:
“Dios xáʼni kríya̱a̱ʼ”.+ (Sélah).*
3 Mú ikháán, Jeobá, xtaa mbájndi mu matie̱wu̱nʼ,*+ikháán naraxnúʼ tsiaki̱i̱+ ga̱jma̱a̱ natani̱ rí magruígú gamajkhu.+
4 Xígú gandxa̱ʼo̱o̱ Jeobá,ikhaa mariʼñuʼ asndu náa kúbá kaʼwu rí xtáa.+ (Sélah).
5 Mabo̱ʼ migú,índo̱ gágujxúunʼ xámíñúʼ dí magíʼnuu nimbá,numuu dí Jeobá nambáyúʼ má xúʼko̱.+
6 Tsémiñuʼ eni̱ xa̱bu̱ bi̱ mbaʼin wéñuuʼbi̱ asndu náá kri̱ga̱ raguwaʼ tseniiʼ mu muni̱ gínún.+
7 ¡Atujxa̱a̱ʼ, Jeobá! ¡Atani̱ kríñu̱u̱nʼ,+ Dios ndrígóʼ!
Numuu dí ikháán maraxna̱a̱ itsu̱ rawúúnʼ xa̱bu̱ sia̱nʼ ndrígóʼ,ga̱jma̱a̱ mataxpiguwíi iñúúnʼ xa̱bu̱ ra̱míjíinʼ.+
8 Jeobá, ikháán nindxa̱a̱ʼ bi̱ naʼni káwíin xa̱bu̱.+
Natani̱ tsajkurámiinʼ xa̱bu̱ xuajñaanʼ. (Sélah).
Mbaʼa nota
^ Náa ajngáa hebreo naʼthí, “nindxa̱a̱ʼ mbá escudo náa mbájndi ikhúún”.
