Salmos 88:1-18
Ajmúú. Salmo ndrígu̱ún e̱ji̱i̱n Coré.+ Rí na̱jkha̱ inuu bi̱ kayá edxu̱u̱ náa ajmúú, xó má nawáán mahalat, mu mámbáa gáto̱ʼo̱o̱ ma’ni ajmúú. Maskil ndrígóo Hemán+ xa̱bu̱ ezrahíta.
88 Jeobá, Dios bi̱ naʼni kríñu̱u̱nʼ,+rí mbiʼi nandxa̱ʼwa̱a̱ʼ rí matambáyuʼga̱jma̱a̱ rí mbruʼun natakáñaaʼ rí matambáyuʼ.+
2 Gaʼganú náa ikháán rí natajkháan,+aranduti̱ga̱ mu matadxawíín rí nandxa̱ʼwa̱ mu matambáyúʼ.+
3 Ra̱ʼkhá tháán mínuuʼ ga̱jma̱a̱ gamiéjunʼ+itháán má tígo̱o̱ maʼgáaʼ náa Iñá wajinʼ.*+
4 Nagixniún má náa majñu̱únʼ bi̱ najngua̱án náa iñá wajinʼ,+numuu rí nijkhánú ninindxu̱ʼ mbáa xa̱bu̱ bi̱ nánguá gíʼdoo tsiaki̱i̱,+
5 kri̱gu̱u̱n náa majñu̱únʼ bi̱ nikháñún,xóo bi̱ niradíin bi̱ kajchún má náa iñá wajinʼ,bi̱ ikháán nimbumaaʼ xtañún bi̱ nini̱ wájíinʼ náa ikháánnánguá endrigú rí mixtambáñún.
6 Nitagíwúu̱nʼ náa iñáʼ rí itháán mi̱jnu̱ʼ,náa mikína, náa awúu̱n mbá iña mbiʼ.
7 Ikháán ra̱ʼkhá tháán kasnga̱ña̱a̱ʼ e̱ni̱, naku̱mu̱ʼ rí nataxújmbirigu̱u̱n,+xúgíʼ rí nataniu̱ʼ nindxu̱u̱ xóo iyaʼ dí naʼbajxu̱u̱ rí nasmbujmuu náa ikhúún. (Sélah).
8 Nitani̱ rí matsíngu̱u̱nʼ náa ikhúún bi̱ nuniʼniúúnʼ,+natani̱ rí mani̱ndxu̱ʼ mbá rí nawiñu̱u̱nʼ kuyáá ikhiin.
Kúguaruʼúún, nda̱a̱ xóo ma̱ni̱ kríyaminaʼ.
9 Iduʼ néʼngo̱o̱ numuu dí ra̱ʼkhá tháán mínuuʼ.+
Jeobá, kañiiʼ mbiʼi endxa̱ʼwa̱a̱ʼ,+natsuaʼwíi má xúʼko̱ ñawúnʼ náa ikháán mu matakáñáa’.
10 Lá matani̱ rí mitsaanʼ* ga̱jma̱a̱ numún bi̱ nikháñún ráʼ.
Lá ma̱ndoo matujxi̱ín bi̱ nikháñún mu mbuyamajkuaaʼ ráʼ.+ (Sélah).
11 Lá xóó majuiʼthá rí xtaʼdáá ngajua rí tsétumuu* náa awúu̱n iñá wajinʼ ráʼ.Lá xóó majuiʼthá rí ikháán natanimbánii ajngáaʼ náa awúu̱n iñáʼ rí naʼgarigi̱i̱n bi̱ nikháñún ráʼ.
12 Lá majmaʼnuuʼ xúgíʼ rí mitsaanʼ nitani̱ náa mikína ráʼ.Lá náa ku̱ba̱ʼ rí kúwá bi̱ nimbumún kuñúún majmaʼnuuʼ rí májánʼ nitani̱ ráʼ.+
13 Mú kaʼníí nandxa̱ʼwa̱a̱ʼ mu matambáyuʼ Jeobá,+mámbá miʼcha̱ rí natajkháan na̱jkha̱nú náa ikháán.+
14 Jeobá, náá numuu rí nánguá eyaʼ xtayoʼ rá.+
Náá numuu rí nitatsíñáánʼ ratayoʼ* rá.+
15 Asndu nákha dxámá nindxu̱ʼ,nimínuuʼ ga̱jma̱a̱ nigíʼ makhañúʼ,+nikáwabúúnʼ ga̱jma̱a̱ numuu xúgíʼ rí xkawiʼ rí nitatsíñáánʼ magíʼnuʼ.
16 Nikáwabúúnʼ ga̱jma̱a̱ numuu rí ikháán nakásnga̱ña̱a̱ʼ ga̱jma̱a̱ numuu xúgíʼ rí natani̱.+Ra̱ʼkhá tháán eʼni míñúʼ rí asndu nagíʼ makhañúʼ,
17 xúgíʼ rí ikháán natani̱ marigá naruguamúʼúún xóo iyaʼ,mbájndi rígá náa xtáá.*
18 Nitani̱ rí mutsíngu̱u̱nʼ náa ikhúún bi̱ nambájxu̱ʼ gajmíʼ ga̱jma̱a̱ a̱ngui̱nʼ,+mú rí xúgi̱, i̱ndó rí mikína nindxu̱u̱ xóo mbáa bi̱ nambájxu̱ʼ ga̱jmu̱ʼ.
