Salmos 79:1-13
Salmo ndrígóo Asaf.+
79 Dios ndrígóʼ, xa̱bu̱ xuajin nitu̱ʼu̱u̱n náa mbaaʼ rí kaʼyaaʼ,+nini̱ tsagáá náa guʼwá rí nduyamajkuaaʼ,+nini̱ rí Jerusalén maʼga̱nú mani̱ndxu̱u̱ xóo mbá ru̱tsu̱u̱ dí niguámbáa.+
2 Xuñúúnʼ xa̱bia̱a̱ʼ nixnúún mu̱phu̱ xujkhú xnaʼ bi̱ jngruigu̱u̱n mekhuíí,xuñúúnʼ xa̱bia̱a̱ʼ bi̱ wájun jmbu ni̱ʼphu̱ xujkhú xaná bi̱ kúwá náa tsu̱du̱u̱ ku̱ba̱ʼ.+
3 Eʼdiún ikhiin nixídiri̱ga̱ xóo iyaʼ náa xúgíʼ Jerusalén,nimbáa nánguá niguanúu mu maʼdi̱ín.+
4 Ni̱jkuánúxu ninindxuxuʼ mbá rí nutsijmaa xuajin rí tri̱ga̱ mijngii,+xa̱bu̱ bi̱ kúwá mijngii nutsijmáanʼxu ga̱jma̱a̱ nunduʼwajmáaʼxu.
5 Jeobá, lá asndu kámuu gákasngaña̱a̱ʼ ráʼ.+
Lá mikamuu má xúʼko̱ xóo aguʼ rí nakiʼnán ráʼ.+
6 Ataxidirígú rí nakásnga̱ña̱a̱ʼ náa xa̱bu̱ bi̱ tsíñún guniʼníínʼ,xúʼko̱ má náa xa̱bu̱ ñajunʼ bi̱ tsíñún gúgriga̱a̱ mbiʼyaaʼ.+
7 Numuu rí ni̱ʼphi̱i̱ Jacobga̱jma̱a̱ nini̱ rí maguanáa ku̱bo̱o̱ʼ.+
8 Xátatsiʼñááʼ rí ikháanʼxu̱ muni̱ numa̱a̱ rí nikiéʼkhúún wajin xiʼñúxu.+
Nacha̱ gágáwíi̱nʼ a̱jkia̱a̱nʼ xtayuxu,+numuu dí ra̱ʼkhá tháán niriyaʼ majkhuxu̱.
9 Dios bi̱ naʼni káwáanʼxu,+ga̱jma̱a̱ numuu mbiʼyaaʼ rí mitsaanʼ* atambáyuxu̱,ga̱jma̱a̱ numuu mbiʼyaaʼ atani̱ káwáanʼxu̱ ma̱ngaa atani̱ mba̱a̱ a̱jkia̱a̱nʼ xtayáá aʼkhúxu̱.+
10 Náá numuu rí mbaʼyóoʼ matatsíʼñááʼ dí xa̱bu̱ bi̱ kúwá náa i̱ʼwáʼ xuajin muthi: “Náá xtáa Dios ndrígu̱ún xá.”+
Ikháanʼ mínáanʼxu gúya̱a̱, índo̱ xa̱bu̱ xuajin gudxawíínrí ikháán nitruma̱a̱ eʼdiún xa̱bia̱a̱ʼ dí nigadíí.+
11 Atadxawíín xóo nutsiná bi̱ kaxtuʼwún ga̱jma̱a̱ cadena.+
Ga̱jma̱a̱ʼ tsiaki̱i̱* ndrígáaʼ mu matani̱ káwíin* bi̱ kúwá makhañún.+
12 Jeobá ga̱jma̱a̱ numuu rí nitawéñáanʼ,+atani̱ rí mumíniiʼ mbá juwan nuthu xa̱bu̱ bi̱ kúwá náa xuajin dí tri̱ga̱ mijngii náa kuwáanʼxu̱.+
13 Ikhú ikháanʼxu̱ bi̱ nindxu̱xu̱ xa̱bu̱ xuajñaanʼ, mugia̱a̱ʼ bi̱ natiewu̱u̱n+asndu kámuu gúxnáaʼxu̱ núma̱aʼmu̱ni̱ mba̱a̱nʼxu̱ náa xúgíinʼ e̱ji̱n bi̱ gáguwáʼ rakúwá nda̱wa̱á.+
