Salmos 78:1-72
-
Dios niñewu̱u̱n xa̱bu̱ Israel, ikhiin taguáʼdáá fe
Maskil. Salmo ndrígóo Asaf.+
78 Xa̱bu̱ xuajñunʼ, gudxawíín xtángoo ndrígóʼ,guxnatíʼñamijná mudxawíín* ajngáa rí natha.
2 Ma̱ta̱ mbá proverbio.
Ma̱ta̱ rí gíwánʼ ngu̱ʼwa̱ asndu nákha wajyúuʼ.+
3 Rí nidxáwíínʼxu ga̱jma̱a̱ rí ndi̱ya̱a̱xu̱,rí anu̱xu̱* nituxu̱,+
4 mutu̱nxuʼ e̱jña̱la, xárkaʼwumuʼúnxu,mutu̱nxuʼ bi̱ gáguwáʼ rakúwá nda̱wa̱á,+xúgíʼ rí mitsaanʼ* niʼni Jeobá, xó ma tsiaki̱i̱ rí gíʼdoo ikhaa,+ga̱jma̱a̱ rí kaʼyoo magruigú gamajkhu.+
5 E̱ji̱i̱n Jacobga̱jma̱a̱ e̱ji̱i̱n Israel, nixnúún mbá xtángoo rí munimbaníí,niʼtáñajúúnʼ wajin xiʼñúlúrí musngúún xúgíʼ rígi̱ e̱jñu̱ún,+
6 mu muniʼnuuʼ rígi̱ e̱jñu̱ún bi̱ gáguwáʼ rakúwá nda̱wa̱á,bi̱ xóó tségumiin.+
Ikhiin mangiin mbaʼyóoʼ mutún e̱jñu̱ún.+
7 Mu xúʼko̱, ikhiin maku̱mu̱ún kuyáá Dios.
Ma̱ngaa mu xámbumún rí Dios niʼni,+ga̱jma̱a̱ munimbu̱u̱n kiʼtáñajunʼ ndrígóo.+
8 Mu xúʼko̱ xánindxu̱ún xóo wajin xiʼñúúnʼ,numuu rí wajin xiʼñúúnʼ niʼni gújkhúʼ a̱jkiu̱ún ga̱jma̱a̱ túnimbu̱u̱n,+táʼni mbóó a̱jkiu̱ún+ga̱jma̱a̱ ikhiin táguájun jmbu náa Dios.
9 Bi̱ efraimitas kudáá má xúʼko̱ xkamídá,mú tágún gúxmijná mbiʼi dí nirígá guerra.
10 Túnimbaníí rí nimbánúún gajmiún Dios+ga̱jma̱a̱ táʼndúún gajngruigu̱u̱n xó má naʼthí náa Xtángoo ndrígóo.+
11 Ma̱ngaa nimbumún rí ikhaa niʼni,+xúgíʼ rí mitsaanʼ rí ikhaa nisngájmúún.+
12 Náa ku̱ba̱ʼ ndrígóo Egipto, náa mbaaʼ Zoan,+niʼni rí mitsaanʼ náa inún wajin xiʼñúúnʼ.+
13 Nirmbáʼtoo lamáa* mu ma̱ndoo manújngún,niʼni rí iyaʼ maguajún xóo xtájtsí.+
14 Rí mbiʼi nixnúún ikha ga̱jma̱a̱ mbá du̱u̱nga̱jma̱a̱ dí mbruʼun nixnúún ikha ga̱jma̱a̱ mbá aguʼ.+
15 Nixpíʼtá itsí mu magajnúu iyaʼ náa ku̱ba̱ʼ mijxooʼ,*ra̱ʼkhá tháán mba̱ji̱nʼ iyaʼ nigájnuu asndu xóo iyaʼ lamáa, nixnúún muwan asndu magiʼmúún.+
16 Náa itsí niríya̱ʼ mba̱ji̱nʼ iyaʼ,niʼni rí maʼga kúʼúun xóo mañu.+
17 Mú ikhiin nikiéʼkhúún má xúʼko̱ náa ikhaanixujximíjna̱ náa inuu bi̱ phú Mba̱a̱ náa ku̱ba̱ʼ mijxooʼ,+
18 nigíʼ kiejuunʼ tsáʼkhá náa inuu Dios+índo̱ ninda̱ʼa̱a̱ ganitsu rí nagua̱ʼa̱ wéñuuʼ mu̱phu̱.
19 Ikha jngóo nitanumáá Dios.Nithi: “Lá maʼngo̱o̱ Dios maxnúlú ganitsu rí mu̱ʼphu̱ gi̱i̱ náa ku̱ba̱ʼ mijxooʼ ráʼ.”+
20 ¡Gu̱ya̱a̱! Ikhaa nixnúu itsímu magajnúu mba̱ji̱nʼ iyaʼ ga̱jma̱a̱ nijkha kuʼwúún xóo mañu.+
“Lá ma̱ngaa maʼngo̱o̱ maxnúlú ganitsu* mu̱ʼphu̱ xáʼ.Lá maʼngo̱o̱ maxnún xuwiʼ mu̱phu̱ xa̱bu̱ xuajñuu xáʼ.”+
21 Índo̱ Jeobá niʼdxawún nikásngañu̱u̱ʼ,+nikunguanʼ mbá aguʼ+ náa e̱ji̱i̱n Jacob,rí nikásngañu̱u̱ʼ nikamuu xóo mbá aguʼ náa Israel,+
22 numuu rí táguáʼdáá fe náa Dios,+nikumu̱ún rí ikhaa xáʼngo̱o̱ gáʼni káwíin.
23 Ikha jngóo niʼtáñajuunʼ du̱u̱n dí rígá rijma̱a̱,ga̱jma̱a̱ nirmbáʼtoo xkrugoo mekhu.
24 Niʼni rí magajtaa má xúʼko̱ maná mu mu̱phu̱,nixnúún ganitsu rí na̱ʼkha̱ mekhuíí mu̱phu̱.+
25 Xa̱bu̱ numbaaʼ ni̱ʼphu̱ ganitsu ndrígu̱ún bi̱ guáʼdáá tsiaki̱i̱,*+ikhaa nixnúún mba̱a̱ wéñuuʼ ganitsu mu mu̱phu̱ asndu magiʼmúún.+
26 Náa mekhu niʼni rí maxnúu giñánʼ, xígií náa nagájnuu a̱jkha̱ʼ*ga̱jma̱a̱ tsiaki̱i̱ ndrígóo niʼni rí náa sur ma̱ʼkha̱ mbá giñánʼ.+
27 Ra̱ʼkhá tháán mba̱a̱ xuwiʼ nigajtaa náa ikhiin xóo yujndaʼ,nijngutíguíin ñu̱ʼu̱ xóo jui̱ʼi̱ dí rígá náa rawuunʼ lamáa.
28 Niʼni rí majngutíguíin náa gíi̱nʼ,náa mbájndi guʼwá xtíin ndrígu̱ún.
29 Ni̱ʼphu̱ asndu niwiñu̱u̱nʼ,ikhaa nixnúún rí nagua̱ʼa̱ mu̱phu̱.+
30 Mú ikhiin nagua̱ʼa̱ itháan mu̱phu̱,índo̱ kaʼni̱í tra̱ʼa̱ ganitsu náa rawúúnʼ,
31 ikhú Dios nikásngañu̱u̱ʼ kaʼñún.+
Nigudíin xa̱bu̱ bi̱ itháan xkujiinʼ,+niʼni gámbíin jiámá bi̱ kúwá náa Israel.
32 Maski má xúʼko̱ nigíʼníí, nikiéʼkhúún itháan,+na̱nguá niguáʼdáá fe maski má ndiyáá xúgíʼ rí mitsaanʼ niʼni ga̱jma̱a̱ numún.+
33 Ikhaa nigudíin, ikha jngóo na̱nguá nikúwá mba̱yu̱u̱ʼ, xóo mbá rujmbaaʼ* rí nanújngoó+ga̱jma̱a̱ mbá gamíi rí nda̱a̱ tsu̱ma̱ niʼni gámbíin.
34 Mámbá índo̱ naʼni makhañún, ikhiin nduyáaʼ,+natangiín nduyáaʼ Dios
35 nirmáʼáan a̱jkiu̱ún rí Dios nindxu̱u̱ Itsí mba̱a̱ rí niñewu̱u̱n,+Dios bi̱ phú Mba̱a̱ bi̱ Niʼtsiwíin.+
36 Ninimíjna̱ muninduwaaʼ,ga̱jma̱a̱ ajngún nithi rí minduwaʼ.
37 Táʼni mbóó a̱jkiu̱ún mu muni̱ ñajuunʼ,+na̱nguá ninimbaníí rí nimbánúún.+
38 Mú ikhaa nigáwíinʼ a̱jkiu̱u̱n,+niʼni mba̱a̱ a̱jkiu̱u̱n kaʼyoo rí nikiéʼkhúún, na̱nguá niʼni gámbíin mbá kayuuʼ.+
Mbaʼa nuthu nikásngañu̱u̱ʼ, mú niʼngo̱o̱ a̱jkiu̱u̱n,+táríya̱a̱ʼ xúgíʼ rí nakásngañu̱u̱ʼ.
39 Narmáʼáan a̱jkiu̱u̱n rí ikhiin i̱ndó nindxu̱ún xa̱bu̱ numbaaʼ,*+nindxu̱ún xóo mbá giñánʼ rí nanújngoo rí nánguá etanga̱a̱.*
40 ¡Mbaʼa nuthu nixujxi̱míjna̱ náa inuu ikhaa, náa ku̱ba̱ʼ rí nda̱a̱ iyaʼ!+¡Mbaʼa nuthu ninigawíínʼ a̱jkiu̱u̱n náa ku̱ba̱ʼ mijxooʼ!+
41 Nángí eʼni nindri̱ga̱ tsáʼkhá náa inuu Dios,+ga̱jma̱a̱ nini̱ rí maxtáa ngíná bi̱ Kaʼwii náa Israel.
42 Nimbumún kuyáá tsiaki̱i̱ rí gíʼdoo,*rí nisngájmúún mbiʼi rí niʼni káwíin* náa ñawúúnʼ xa̱bu̱ sia̱nʼ,+
43 xó má ikhaa nisngájma tsinaʼ náa Egipto,+niʼni milagro náa mbaaʼ ndrígóo Zoan,
44 ga̱jma̱a̱ dí xóo iyaʼ mañu Nilo niʼni dí magutajxi̱i̱ eʼdi+mu xúʼko̱ xándoo gúwa̱a̱n iyaʼ dí na̱jkha̱ kúʼwuun ikhí.
45 Ra̱ʼkhá tháán mbaʼin ri̱xta̱ nikuʼmiin mu muphu̱u̱n xa̱bu̱ egipcios,+ma̱ngaa nikuʼmiin gu̱boo mu muni̱ ngíníi.+
46 Niniñúúnʼ rí tsíʼbu* mu̱phu̱ rí nidu,rí niñajuíínʼ niguámbúun tsíʼbu.+
47 Eʼtsí niʼni gámbóo ixi̱ uva+ga̱jma̱a̱ ixi̱ sicómoros.*
48 Xujkiún nigudíin ga̱jma̱a̱ eʼtsí,+nigudíin xedi̱ ga̱jma̱a̱ a̱jkhu̱u̱n.*
49 Ra̱ʼkhá tháán nikásngañu̱u̱ʼ,ga̱jma̱a̱ nikiʼnáa, nikuʼma gamiéjunʼ náa ikhiin,mbaʼin ángeles niguwáʼ kudúún gamiéjunʼ.
50 Tátsijitu̱u̱n rí nikásngañu̱u̱ʼ.
Tágáwíinʼ a̱jkiu̱u̱n rí maʼni mumíniiʼ, nigudíin,niʼni rí makhañún ga̱jma̱a̱ mbá nandii.
51 Rí iwáá kayuuʼ nigudíin xúgíinʼ ejín giʼnuu bi̱ kúwá náa Egipto,+bi̱ nigumiin ginii náa guʼwá xtíin ndrígu̱ún bi̱ naguwáʼ náa Cam.
52 Nda̱wa̱á niguwíin xa̱bu̱ xuajñuu ga̱jma̱a̱ nixnúún ikha xóo mugu̱+náa ku̱ba̱ʼ mijxooʼ.
53 Nixnúún ikha ga̱jma̱a̱ tániñuuʼ rí nimbá maguáʼníí,nditháan támiñún.+Xa̱bu̱ sia̱nʼ niruguarámiiʼ lamáa.+
54 Ni̱jkha̱ kagui̱i̱n xa̱bi̱i̱ náa mba̱yu̱u̱ʼ rí mikaʼwu,+kúbá rígi̱ rí nikhánúu ga̱jma̱a̱ tsiaki̱i̱* ndrígóo.+
55 Nixkawíin xa̱bu̱ xuajin bi̱ kúwá ikhí,+nigiewan ga̱jma̱a̱ ñuñuu ku̱ba̱ʼ rí makánún,+mámbá xuajin majkhaʼ* ndrígóo Israel nixnúún náa makuwá.+
56 Mú nindri̱ga̱ má xúʼko̱ tsáʼkhá náa inuu Dios, bi̱ phú Mba̱a̱, ga̱jma̱a̱ nixujximíjna̱ náa ikhaa,+na̱nguá nixnatiʼñamijná mudxawíín ikha ndrígóo.+
57 Ma̱ngaa niniña̱a̱nʼ ga̱jma̱a̱ ní táguájun jmbu xó má wajin xiʼñúúnʼ.+
Rakáʼnii maku̱ma̱a̱ʼ xtañún, nindxu̱ún xóo mbá xkamídá rí xawaʼ.+
58 Nángí eʼni nini̱ rí makiʼnáa náa mbaaʼ mitsídánʼ náa nduyamajkhún xándú+ga̱jma̱a̱ nini̱ rí makásngañu̱u̱ʼ índo̱ ndiyamajkhún xándú bi̱ kiʼniwíin.+
59 Dios niʼdxawuun rígi̱ ga̱jma̱a̱ nikásngañu̱u̱ʼ,+ikha jngóo nánguá nindoo gáʼñúún mbá kayuuʼ xa̱bu̱ Israel.
60 Nda̱wa̱á kayuuʼ niniñuuʼ guʼwá xtíin dí rígá náa Siló,+guʼwá xtíin rí ikhaa nixtáa índo̱ nixtáa náa majñu̱únʼ xa̱bu̱.+
61 Niniñuuʼ rí xa̱bu̱ sia̱nʼ magún kuñu̱u̱n mbá rí nasngájma tsiaki̱i̱ ndrígóo,ga̱jma̱a̱ rí xóo mitsiʼyáa.+
62 Nixnájxíin xa̱bu̱ xuajñuu mu makhañún ga̱jma̱a̱ espada+ga̱jma̱a̱ nikásngañu̱u̱ʼ kaʼñún.
63 Mbá aguʼ nitsikhíin jiámíina̱nguá niguma mbá ajmúú rí nuni̱ náa ndxa̱a̱ gatsigúnʼ mu mudxawíín waʼxiinʼ bi̱ xóó tsébúúnʼ gajmiún xa̱bekha.*
64 Ndxajkun nikháñún ga̱jma̱a̱ espada+ga̱jma̱a̱ guʼñu̱ún na̱nguá nimbi̱ya̱ʼ ga̱jma̱a̱ numún.+
65 Ikhú Jeobá ndijui̱i̱ asndu xóo mbáa xa̱bu̱ naʼgu,+xóo mbáa xa̱bu̱ xkujiiʼ+ bi̱ nagriʼguíi nda̱wa̱á rí niʼga̱a̱n vino.
66 Niʼni rí magúun skidiʼ xa̱bu̱ sia̱nʼ ndrígóo,+ga̱jma̱a̱ niríya̱ʼ majkhún asndu kámuu.
67 Niniñúúnʼ bi̱ naguwáʼ* náa José,táraʼwíi xuajin chíʼgíiʼ ndrígóo Efraín,
68 dí niraʼwíí nindxu̱u̱ xuajin chíʼgíiʼ ndrígóo Judá,+kúbá Sion rí ikhaa nandoo kaʼyoo.+
69 Niʼni rí náa mbuyamajkuíí dí nindxu̱u̱ mikaʼwu, mbajyúuʼ asndu kámuu xó má mekhu,*+xó má ku̱ba̱ʼ rí ikhaa nigíʼ dí marigá asndu kámuu.+
70 Niraʼwíi David bi̱ nindxu̱u̱ xa̱bi̱i̱+ga̱jma̱a̱ niríya̱a̱ʼ náa gúlu̱ún mugu̱,+
71 nánguá niniñuuʼ rí mañewu̱u̱n mugu̱ bi̱ xóó nuxúúnʼ,niʼni rí mani̱ndxu̱u̱ mbáa baxtúu ndrígóo Jacob náa xuajñuu,+ma̱ngaa dí mani̱ndxu̱u̱ baxtúu náa Israel, dí nindxu̱u̱ xuajñuu.+
72 Ikhaa niñewu̱u̱n xóo eʼni mbáa baxtúu ga̱jma̱a̱ mbá a̱jkiu̱u̱n kaʼwu+ga̱jma̱a̱ nijmañuu xóo maxnún ikha.+
Mbaʼa nota
^ Náa ajngáa hebreo naʼthí, “guxruígú cháʼwanla”.
^ O “tátiáxo̱ʼ”.
^ O “nagui̱i̱”.
^ O “mar”.
^ O “desierto”.
^ Náa ajngáa hebreo naʼthí, “pan”.
^ O “ángeles”.
^ O “este”.
^ Náa ajngáa hebreo naʼthí, “xuwiʼ”.
^ O mbáa “xi̱ʼ rí nagájnuu ga̱jma̱a̱ nánguá etanga̱a̱”.
^ Náa ajngáa hebreo naʼthí, “ñawúunʼ”.
^ Náa ajngáa hebreo naʼthí, “niʼtsiwíin”.
^ Ixi̱ rígi̱ nindxu̱u̱ xó má ixi̱ higo.
^ O mbáa “mijkambiʼ”.
^ Náa ajngáa hebreo naʼthí, “ñawún mújúunʼ”.
^ O “tribu”.
^ Náa ajngáa hebreo naʼthí, “waʼxiinʼ na̱nguá nixnúún gamajkhu”.
^ Náa ajngáa hebreo naʼthí, “guʼwá xtíin ndrígóoʼ”.
^ Náa ajngáa hebreo naʼthí, “Niʼni dí mikaʼwu xó má rí mitsídánʼ”.
