Salmos 31:1-24
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
31 Jeobá, náa ikháán nimbáyuminaʼ.+
Xátatsiʼñááʼ rí nimbá miʼtsú magajnúu gamajkhuʼ.+
Atani̱ kríñu̱u̱nʼ numuu rí natani̱ dí jmbu.+
2 Aranduti̱ga̱ mu matadxawunʼ.
Ayi̱ nacha̱ gátani̱ kríñu̱u̱nʼ.+
Ganindxa̱a̱ʼ kúbá náa mambáyuminaʼ,xóo mbá xtájtsí náa ma̱ni̱ kríyamínáʼ.+
3 Numuu rí ikháán nindxa̱a̱ʼ pátsí ga̱jma̱a̱ náa mambáyuminaʼ,+ga̱jma̱a̱ numuu mbiʼyaaʼ,+ maraxna ikhoʼ ga̱jma̱a̱ matie̱wu̱nʼ.+
4 Matani̱ kríñu̱u̱nʼ náa amaʼ rí nigíʼ ngo̱ʼo̱o̱ mu murtuwún,+numuu rí ikháán nindxa̱a̱ʼ bi̱ natambáyúʼ.+
5 Náa ñawáanʼ eniʼñúunʼ vida* ndrígóʼ.+
Nitani̱ kríñu̱u̱nʼ Jeobá Dios bi̱ gajkhun.+
6 Nawi̱yu̱ʼ ka̱ñu̱u̱n bi̱ nduyamajkhún xándú bi̱ nda̱a̱ dí ejmiin,mú ikhúún, ikhúún naku̱mu̱ʼ ka̱yo̱o̱ Jeobá.
7 Ra̱ʼkhá tháán gáʼdxuu a̱jkiu̱nʼ ga̱jma̱a̱ numuu ngajua rí tsétumuu rí xtaʼdáá,numuu rí ikháán natayáá rí xóo emínuuʼ,+natayáá ma xúʼko̱ dí ra̱ʼkhá tháán ngíná xtáá.
8 Na̱nguá niraxnájxu̱u̱n náa ñawúúnʼ xa̱bu̱ sia̱nʼ,rí phú nitani̱ nidxu̱ʼ jchún náa nda̱a̱ rí gágíʼnuʼ.
9 Gaʼni a̱jkia̱a̱nʼ xtayoʼ Jeobá, numuu rí xtáá ngíná.
Rí namínúuʼ niʼni rí makáguabaaʼ iduʼ+ ga̱jma̱a̱ xúgíʼ xuyuʼ.+
10 I̱ndó tsingíná ni̱ʼkhá rágúnʼ ga̱jma̱a̱,+natsiná ma xúʼko̱ xtáá.+
Ga̱jma̱a̱ numuu rí nikiéʼkhúnʼ tsiaki̱i̱ ndrígóʼ na̱jkha̱ rámbáa,itsuʼ na̱jkha̱ raguuʼ.+
11 Xúgíinʼ bi̱ sia̱nʼ gajmíʼ nutsijmúún,+mu itháan xa̱bu̱ bi̱ xtáá mijngii gajmíʼ.
Bi̱ nuniʼniúnʼ namíñúún kuyoʼ,nagáñún índo̱ nduyoʼ náa kúwá mbaʼin xa̱bu̱.+
12 Nánguá ermáʼáan a̱jkiu̱ún eni̱, nimbumún kuyoʼ asndu xóo rí nikháñuʼ má,nindxu̱ʼ xóo mbá rayaʼ dí niwiʼtá.
13 Nidxawuun dí raʼkhí rí nandún muniu̱ʼ,gamíi rígá asndu náá.+
Índo̱ ikhiin nagimbíin nuri̱ya̱ʼ awan xóo muniu̱ʼ,awan rí nuri̱ya̱ʼ nindxu̱u̱ dí muxiñún.+
14 Mú ikhúún, Jeobá naku̱mu̱ʼ ka̱ya̱a̱ʼ.+
Na̱tha̱: “Ikháán nindxa̱a̱ʼ Dios ndrígóʼ”.+
15 Vida ndrígóʼ rígá náa ñawáanʼ ikháán.
Atani̱ kríñu̱u̱nʼ náa ñawúúnʼ xa̱bu̱ sia̱nʼ ga̱jma̱a̱ bi̱ nuxkoʼ.+
16 Atani̱ rí maxpíbínʼ inaaʼ náa xa̱bia̱a̱ʼ.+
Ga̱jma̱a̱ numuu ngajua rí tsétumuu* rí xtaʼdáá, atani̱ kríñu̱u̱nʼ.
17 Jeobá atani̱ rí xáguma májtiu̱u̱nʼ índo̱ gándxaʼwa̱a̱ʼ.+
Atani̱ rí maguma májti̱i̱nʼ xa̱bu̱ ra̱míjíinʼ,+gaʼni wíñúún náa Iñá wajinʼ.*+
18 Gaʼga ajngún bi̱ nuthi rí nduwaʼ,+bi̱ nuni̱ mbaʼumíjna̱ ga̱jma̱a̱ bi̱ tsíñún gúyáá bi̱ naʼni rí jmbu.
19 ¡Ra̱ʼkhá tháán májáanʼ a̱jkia̱a̱nʼ!+
Nitiéjxi̱ nga̱jua̱a̱ʼ mu maraxnu̱u̱n bi̱ namíñúún kuyaaʼ,+nitasngájmún xúgíinʼ xa̱bu̱ bi̱ numbayúmíjná náa ikháán.+
20 Ikháán matarkaʼwiin náa ngo̱ʼo̱o̱, dí rígá mijngii náa xtaa+náa awan rí nuri̱ya̱ʼ xa̱bu̱ ra̱míjíinʼ,náa xtaa ikháán, matarkaʼwiinnáa bi̱ nutawéñúúnʼ.*+
21 Gaguma mba̱a̱ Jeobá,numuu dí ra̱ʼkhá tháán mitsaanʼ* xóo nisngájmuʼ ngajua rí tsétumuu rí ikhaa gíʼdoo+ náa mbá xuajin dí niruguama̱ʼa̱a̱n.+
22 Ra̱ʼkhá tháán nimíñúʼ ga̱jma̱a̱ ni̱tha̱:
“Makhañúʼ náa inaaʼ”.+
Mú ikháán nitadxawíín rí nitakáñaaʼ mu matambáyuʼ.+
23 ¡Gaʼndala kuya̱a̱ Jeobá xúgiáanʼ bi̱ naguajún jmbu náa ikhaa!+
Jeobá nañewu̱u̱n bi̱ nawi̱ji̱ jmbu+mú naʼni rí mamínuuʼ bi̱ naʼnimbamínáʼ.+
24 Xámíñánla, gakhi̱i̱ a̱jkia̱la gúni̱+xúgiáanʼ ikháanʼ bi̱ naguáʼthi̱i̱n Jeobá.+
