Salmos 22:1-31
Rí na̱jkha̱ inuu bi̱ kayá edxu̱u̱ náa ajmúú, xó má nawáán ajmúú “Aña̱ʼ najtsi”.* Salmo ndrígóo David.
22 Dios ndrígóʼ, Dios ndrígóʼ, náá numuu nitatsíñúʼ rá.+
Náá numuu rí tsédxáʼ gátani̱ kríñu̱u̱nʼ rá.Ndíjkha rí tsétadxawíín rí nambiyaʼ ngínúʼ rá.+
2 Dios ndrígóʼ, nandxaʼwa̱a̱ʼ má xúʼko̱ rí mbiʼi mú ikháán tsétriʼñuʼ,+tséguanúʼ wíyúʼ rí mbruʼun.
3 Mú ikháán nindxa̱a̱ʼ kaʼwíín,+náa mbájndi xtaa rígá gamajkhu rí nuxnaaʼ xa̱bu̱ Israel.
4 Anu̱xu̱* nikumu̱ún kuyaaʼ,+mbóó a̱jkiu̱ún nini̱ náa ikháán ga̱jma̱a̱ ikháán nitani̱ káwíin má xúʼko̱.+
5 Ikhiin nidxa̱ʼwa̱a̱ʼ ga̱jma̱a̱ niguma káwíin,tájmáa a̱jkiu̱ún numuu rí nikumu̱ún kuyaaʼ.+
6 Mú ikhúún nindxu̱ʼ mbáa ñu̱u̱ raʼkháa mbáa xa̱bu̱,bi̱ xa̱bu̱ nini̱ májti̱i̱ʼ ga̱jma̱a̱ xa̱bu̱ xuajin tsíñún gúyáá.+
7 Xúgíinʼ bi̱ nduyoʼ nunduʼwajmúún,+asndu xkawiʼ inún eyoʼ ga̱jma̱a̱ nubajngaa edxu̱ún mu mutsijmún:+
8 “Nixnájximinaʼ náa ñawúunʼ Jeobá. ¡Mbuʼyáá á mu ikhaa maʼni kríya̱a̱ʼ!
¡Ikhaa má gáʼni kríyaaʼ á mu nandoo kaʼyoo wéñuuʼ!”.+
9 Ikháán nitríñu̱u̱nʼ náa awúu̱n ru̱dúʼ,*+nitie̱wu̱nʼ mu nda̱a̱ rí gágíʼnuʼ índo̱ ru̱dúʼ kayárúʼúún naxníxúʼ.
10 Asndu nákha nigumún nixnajxu̱u̱n* mu matie̱wu̱nʼ,asndu nákha kaʼwu̱u̱n náa awúu̱n ru̱dúʼ ikháán nindxa̱a̱ʼ Dios ndrígóʼ.
11 Xátatsíngúunʼ náa ikhúún numuu rí gamiéjunʼ na̱ʼkha̱ mijngii+ga̱jma̱a̱ ndawa̱a̱ imba̱a̱ tsáa mambáyuʼ i̱ndó ikháán.+
12 Nuruguamu̱ʼu̱u̱n mbaʼin xedi̱ xkujiinʼ,+mbájndi wájun xedi̱ xkujiinʼ bi̱ kúwá náa Basán.+
13 Asndu ma̱ja̱nʼ xua̱ja̱n rawúúnʼ mu muni̱ gawúnʼ,+xó eʼni mbáa león bi̱ nandxaʼwá ga̱jma̱a̱ na̱ʼkhu̱ nga̱yii xujkhúʼ bi̱ naguguaa.+
14 Nindxu̱ʼ xóo iyaʼ dí nagadíriga̱,xúgíʼ itsuʼ nikájuíi.
A̱jkiu̱nʼ niguajtha̱a̱ xóo éjthi̱i̱n,+rí najuiya̱a̱ʼ náa awúu̱n tso̱jxto̱ʼ.+
15 Nijndo̱o̱ʼ tsiaki̱i̱ ndrígóʼ xó mbá rayaʼ dí ku̱ba̱ʼ,+ra̱ju̱nʼ nikáʼma̱a̱ náa xákóʼ,+ikháán natani̱ magájtháa náa yujndo̱o̱ʼ iñá wajinʼ.*+
16 Numuu rí xu̱wánʼ nuruguamu̱ʼu̱u̱n,+mbájndi wájun xóo xa̱bu̱ xkawi̱i̱nʼ,+xóo mbáa león, nukijmiin na̱ʼphu̱ rajkhúʼ ga̱jma̱a̱ ñawúnʼ.+
17 Maʼngo̱ʼ magújxnúu xúgíʼ itsuʼ.+
Ikhiin i̱ndó numinduʼ ga̱jma̱a̱ nuyejxu̱ʼ.
18 Nuruiʼtamijnáá xtíñúʼ,ga̱jma̱a̱ numuu xtíñúʼ nuri̱ya̱ʼ suerte.*+
19 Mú ikháán Jeobá, xáguanáaʼ mitsínguánʼ.+
Ikháán nindxa̱a̱ʼ tsiaki̱i̱ ndrígóʼ, nacha̱ gídxáʼ gátambáyúʼ.+
20 Atani̱ kríñu̱u̱nʼ mu xúxiñúun ga̱jma̱a̱ espada,atani̱ kríyaaʼ vida ndrígóʼ* náa xngáñúúnʼ* xu̱wánʼ,+
21 atani̱ kríñu̱u̱nʼ náa rawuunʼ león+ ga̱jma̱a̱ náa chi̱jñu̱ún xedi̱ xáná,atriʼñuʼ ga̱jma̱a̱ atani̱ kríñu̱u̱nʼ.
22 Mathu̱u̱n mbiʼyaaʼ a̱ngui̱nʼ,+ma̱ni̱ mba̱a̱n náa majñu̱únʼ bi̱ nagimbíi̱n.+
23 ¡Gu̱ni̱ mba̱a̱ Jeobá xúgiáanʼ ikháanʼ bi̱ namíñala ku̱ya̱a̱!
¡Xúgiáanʼ ikháanʼ e̱ji̱i̱n Jacob, guxna̱a̱la gamajkhu!+
¡Gaʼniala tsiánguá xóo nindxu̱u̱, xúgiáanʼ ikháanʼ e̱ji̱i̱n Israel!
24 Numuu rí ikhaa tárugoo iduu, ndiʼyoo xóo emínúuʼ bi̱ nuni̱ ngínáa,+na̱nguá nitangayi̱i̱ xígi̱í.*+
Índo̱ ikhaa nindxaʼwáskhá nindo̱ʼo̱o̱ rí mambáyúu, ikhaa niʼdxuun.+
25 Ma̱ni̱ mba̱a̱n náa nagimbíi̱n mbaʼin xa̱bu̱,+náa inún bi̱ namíñúún kuyaaʼ manimbánuu rí nikuʼdáminaʼ ma̱ni̱.
26 Xa̱bu̱ guabiinʼ muphiʼtsu ga̱jma̱a̱ magiʼmúún,+bi̱ nduyáaʼ Jeobá muni̱ mba̱a̱.+
Ikháanʼla gákuwáanʼ* asndu kámuu.
27 Xúgíinʼ xa̱bu̱ bi̱ kúwá náa naguámbári̱go̱o̱ ku̱ba̱ʼ marmáʼáan a̱jkiu̱ún kuyáá Jeobá ga̱jma̱a̱ matangi̱ín náa ikhaa.
Xúgíinʼ xa̱bu̱ bi̱ kúwá náa i̱ʼwáʼ xuajin musmbati̱gu̱u̱n náa inaaʼ ikháán.+
28 Numuu dí Jeobá nindxu̱u̱ rey,+ikhaa naʼtáñajunʼ náa xúgíʼ xuajin.
29 Xúgíinʼ bi̱ guáʼdáá* bi̱ kúwá náa tsu̱du̱u̱ ku̱ba̱ʼ muphiʼtsu ga̱jma̱a̱ musmbati̱gu̱u̱n,xúgíinʼ bi̱ nagúun náa iñá wajinʼ* musmbati̱gu̱u̱n náa inuu ikhaa,nimbáa rí ikhaa xándoo mayéjxi̱ nga̱jo̱o̱ vida ndrígóo.
30 E̱jñu̱ún muni̱ ñajuunʼ,e̱jñu̱ún bi̱ makuwá nda̱wa̱á muthi ga̱jma̱a̱ numuu Jeobá.
31 Maguwáʼ ga̱jma̱a̱ muthi rí májánʼ niʼni.
Muthúún bi̱ ndiʼkhún makuwá rí ikhaa niʼni.
Mbaʼa nota
^ Xóo muʼthá, aña̱ʼ eʼgú. Mbáa xúʼko̱ mbiʼyuu mbá ajmúú o xúʼko̱ ewán mbá ajmúú.
^ O “Tátiáxo̱ʼ”.
^ O “náneʼ”.
^ Náa ajngáa hebreo naʼthí, “nidu̱u̱nʼ náa ikháán”.
^ Náa ajngáa hebreo naʼthí, “rí nakháñulú”.
^ Náa ajngáa hebreo naʼthí, “mbóó rí gúʼdoo”.
^ Náa ajngáa hebreo naʼthí, “ñawúúnʼ”.
^ Náa ajngáa hebreo naʼthí, “na̱nguá nirkaʼwu inuu náa ikhaa”.
^ Náa ajngáa hebreo naʼthí, “A̱jkia̱la gaxtáa”.
^ Náa ajngáa hebreo naʼthí, “mi̱du̱”.
^ Náa ajngáa hebreo naʼthí, “bi̱ naguájthaa náa yujndaʼ”.
