Salmos 19:1-14
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
19 Mekhu nasngájma rí xóo mba̱a̱ nindxu̱u̱ Dios,+rí mitsídánʼ nasngájma ñajunʼ rí niʼni ga̱jma̱a̱ ñawúunʼ.+
2 Tsejtsí mbiʼi nagájnuu ajngóoga̱jma̱a̱ mámbá mbruʼun ikhiin nusngajma ku̱ma̱.
3 Na̱nguá eʼthí, nda̱a̱ ajngóo,ni má na̱nguá ewán aʼwóo,
4 mú náa xúgíʼ ku̱ba̱ʼ niwán aʼwóo,*ga̱jma̱a̱ asndu náa naguámbári̱go̱o̱ ku̱ba̱ʼ rí kúwá xa̱bu̱ niwán ajngóo.+
Ikhaa niʼni goʼwóo a̱jkha̱ʼ náa mekhuíí,
5 bi̱ nindxu̱u̱ xóo mbáa bi̱ nacho̱o̱ manigúúnʼ bi̱ nagájnuu náa cuártiu̱u̱ga̱jma̱a̱ bi̱ nadxuu xóo mbáa xa̱bu̱ xkujiiʼ bi̱ nagáyúu náa kambo̱o̱.
6 Nagájnuu náa mbá níʼkhóo mekhuga̱jma̱a̱ natuáʼáan asndu náa i̱mba̱ níʼkhóo mekhu,+asndu náá eʼni mijkha ga̱jma̱a̱ agiuuʼ.
7 Xtángoo ndrígóo Jeobá nindxu̱u̱ jmbu,+ naʼni rí mbi̱ya̱a̱ tsiaki̱i̱.+
Kiʼtáñajunʼ ndrígóo Jeobá ma̱ndoo maku̱ma̱a̱ʼ xtayáá,+ naʼni rí majmañuu mbáa bi̱ tséjmañuu.+
8 Rí naʼtáñajunʼ Jeobá nindxu̱u̱ jmbu, naʼni maʼdxuu a̱jkia̱a̱nʼ.+Kiʼtáñajunʼ ndrígóo Jeobá nindxu̱u̱ kaʼwu, naʼni rí mambiʼi idaaʼ.+
9 Rí mamiñáanʼ* xtayáá Jeobá+ nindxu̱u̱ kaʼwu, ndajyúuʼ asndu kámuu.
Rí Jeobá naʼthí maʼni, nindxu̱u̱ jmbu ga̱jma̱a̱ gajkhun.+
10 Nagua̱ʼa̱ maraʼdáá itháán,ki xóo mbaʼa oro dí májánʼ,+itháán mitaun ki xóo jyááʼ,+ jyááʼ rí natsuwarígú náa xtíya.
11 Rúʼko̱ nijmaa mu majuiʼtámáʼáán xa̱bia̱a̱ʼ,+bi̱ naʼnimbo̱o̱ marigá mba̱a̱ rí magruigú.+
12 Lá naʼngo̱o̱ ndaʼyoo mbáa rí nikiéʼkhun ráʼ.+
Aratá dí nda̱a̱ aʼkhúnʼ náa aʼkhá rí táyo̱o̱ xóo nikuʼdáminaʼ.
13 Natrikháá rí xáni̱ mbamínáʼ,+xátatsiʼñáʼ rí nanimbamínáʼ maʼtáñajunʼ.+
Mu xúʼko̱ xágúʼdoo aʼkhúnʼ,+mani̱ndxu̱ʼ kaʼwún náa aʼkhá rí nikuʼdáminaʼ.
14 Ajngáa dí nagájnuu náa rawunʼ ga̱jma̱a̱ dí nandxa̱ʼwáminaʼ a̱jkiu̱nʼ,ganindxu̱u̱ rí nanigua̱a̱ʼ+ Jeobá, Itsí mba̱a̱ ndrígóʼ+ ga̱jma̱a̱ bi̱ Naʼtsiríñu̱u̱nʼ.+
