Salmos 10:1-18
ל [lámed]
10 Jeobá, náá numuu rí natani̱ tsínguminaʼ rá.
Náá numuu rí natarkaʼwuminaʼ mbiʼi dí narígá gamiéjunʼ rá.+
2 Ga̱jma̱a̱ numuu dí naʼnimbamínáʼ xa̱bu̱ ra̱májáanʼ, na̱jkha̱ raxkoo bi̱ ndawa̱a̱ tsáa mambáyúu,+mú ikhaa má gáxtugua̱a̱ ga̱jma̱a̱ awan dí naríyaʼ maʼni.+
3 Numuu dí xa̱bu̱ ra̱májáanʼ naʼnimbamínáʼ ga̱jma̱a̱ i̱ndó rí nandoo ikhaa,+ma̱ngaa naʼni tsajkurámaaʼ bi̱ nagua̱ʼa̱ wéñuuʼ magiʼdoo,*נ [nun]tséʼyamajkhuu Jeobá.
4 Numuu dí naʼnimbamínáʼ xa̱bu̱ ra̱májáanʼ, ikha jngóo tséyáʼ majmañuu,xúgíʼ rí nandxa̱ʼwáminaʼ nindxu̱u̱: “Ndawa̱a̱ Dios”.+
5 Nagájnuu májánʼ xúgíʼ rí naʼni,+mú kiʼtáñajunʼ ndrígáaʼ tséʼngo̱o̱ gákro̱ʼo̱o̱,+ikhaa natsíjmiin xúgíinʼ xa̱bu̱ sia̱nʼ gajmíi̱n.
6 Naʼtáminaʼ náa awúu̱n a̱jkiu̱u̱n: “Nda̱a̱ nimbá rí magíʼnuʼ,náa xúgíinʼ bi̱ maguwáʼ rakúwá nda̱wa̱á,xáraʼnuu nimbá gamiéjunʼ”.+
פ [pe]
7 Náa rawuunʼ gajtíí ajngáa rí maʼtásrígú, rí minduwaʼ ga̱jma̱a̱ rí maʼnimíñún eʼwíinʼ,+náa agoo raju̱u̱n rígá dí raʼkhí ga̱jma̱a̱ gamiéjunʼ.+
8 Nagi̱wa̱nʼ ngo̱ʼo̱o̱ náa mijngii kúwá xa̱bu̱,asndu náa gíwánʼ ngo̱ʼo̱o̱ naxíyáa mbáa xa̱bu̱ bi̱ nda̱a̱ aʼkhúun.+
ע [ayin]
Nayejxi̱ má xúʼko̱ mu magiʼthu̱u̱n mbáa bi̱ maxíyáa.+
9 Nagi̱ʼthu̱u̱n má xúʼko̱ náa gíwánʼ ngo̱ʼo̱o̱ xóo eʼni mbáa león náa xtáa.+
Nagi̱ʼthu̱u̱n mu maguguaa mbáa bi̱ ndawa̱a̱ tsáa mambáyúu.
Narugua̱a̱ amaʼ mu maguguaa mbáa bi̱ ndawa̱a̱ tsáa mambáyúu.+
10 Bi̱ nixtugua̱a̱ naxpátriga̱a̱ mbayííʼ ga̱jma̱a̱ nagixmbi̱i̱,niguguiin xa̱bu̱ guabiinʼ ga̱jma̱a̱ xngáñuuʼ.
11 Naʼtáminaʼ náa awúu̱n a̱jkiu̱u̱n: “Dios nimbumuu.+
Ikhaa nitanga̱a̱ niyejxi̱ xígií.
Nditháan na̱nguá eʼyoo dí narígá”.+
ק [qof]
12 Atujxa̱a̱ʼ Jeobá.+ Dios ataxújxi̱ ñawáanʼ.+
Xámbumaaʼ xtañún bi̱ ndawa̱a̱ tsáa mambáñún.+
13 Náá numuu dí xa̱bu̱ ra̱májáanʼ tséʼyamajkhuu Dios rá.
Náa awúu̱n a̱jkiu̱u̱n naʼthí: “Ikháán xátanda̱ʼa̱a̱ʼ cuenta”.
ר [resh]
14 Mú ikháán natayáá gamiéjunʼ ga̱jma̱a̱ ga̱ʼkhu̱.
Natiejxi̱ ga̱jma̱a̱ natayáá xóo matanimbaníí xkujndu rígi̱.+
Náa ikháán na̱jkha̱ bi̱ naguma ngínáa,+ikháán nindxa̱a̱ʼ bi̱ natambáñúún e̱jín wáʼa.+
ש [shin]
15 Ataxpígaʼ ñawúunʼ xa̱bu̱ ra̱májáanʼ ga̱jma̱a̱ bi̱ xkawiʼ a̱jkiu̱u̱n,+mu índo̱ gátaʼyáʼ dí raʼkhí náa ikhaa,xátaxkamaa.
16 Jeobá manindxu̱u̱ Rey asndu kámuu.+
Xa̱bu̱ xuajin niguma gámbíin náa tsu̱du̱u̱ ku̱ba̱ʼ.+
ת [taw]
17 Mú ikháán Jeobá, matadxawíín rí nutakáñaaʼ xa̱bu̱ guabiinʼ.+
Matani̱ rí xámíñuu a̱jkiu̱ún+ ga̱jma̱a̱ maraxtaa xawii mu matie̱wu̱u̱n.+
18 Matanimbaníí xó má kaʼyoo numún e̱jín wáʼa ga̱jma̱a̱ bi̱ kúwá ngíná,+mu xúʼko̱ xa̱bu̱ numbaaʼ xáʼnimíñún itháan.+
Mbaʼa nota
^ O mbáa “bi̱ nagua̱ʼa̱ magiʼdoo naʼni tsajkurámaminaʼ má ikhaa”.
