Salmos 54:1-7
-
Naʼtájkháan mu mixtambáyíí náa majñu̱únʼ xa̱bu̱ sia̱nʼ
-
“Dios nindxu̱u̱ bi̱ nambáyúʼ” (4)
-
Rí na̱jkha̱ inuu bi̱ kayá edxu̱u̱ náa ajmúú. Mu miʼni ga̱jma̱a̱ ajua̱nʼ dí gíʼdoo cuérdóo. Maskil. Salmo ndrígóo David. Índo̱ zifeos nitu̱ʼu̱u̱n náa xtáa Saúl ga̱jma̱a̱ nitháán: “David xtáa rarkaʼwuminaʼ náa ikháanʼxu̱”.+
54 Dios ndrígóʼ, atani̱ kríñu̱u̱nʼ ga̱jma̱a̱ numuu mbiʼyaaʼ,+atambáyúʼ ga̱jma̱a̱ tsiaki̱i̱ ndrígáaʼ.+
2 Dios ndrígóʼ atadxawíín dí natajkháan,+atagíʼ edxa̱a̱ʼ matadxawíín ajngáa rí na̱tha̱.
3 Numuu rí xa̱bu̱ sia̱nʼ ndrígóʼ* natujxu̱u̱n mu muxmijná ga̱jma̱á nindxu̱ʼga̱jma̱a̱ xa̱bu̱ xkawi̱i̱nʼ nandún muxiñún.+
Ikhiin tséyamajkuíí Dios.+ (Sélah).
4 ¡Gu̱ya̱a̱! Dios nindxu̱u̱ bi̱ nambáyúʼ,+Jeobá xtáa gajmíi̱n bi̱ numbayúʼ.
5 Ikhaa maʼni numi̱ín xa̱bu̱ sia̱nʼ ndrígóʼ+ ga̱jma̱a̱ xóo ra̱májánʼ dí nuni̱,Dios ndrígóʼ atani̱ gámbíin,* numuu rí ikháán xtaa ga̱jma̱á nindxu̱ʼ.+
6 Ga̱jma̱a̱ xúgíʼ a̱jkiu̱nʼ gaxnajxí tsigijñaʼ.+
Ma̱ni̱ mba̱a̱ mbiʼyaaʼ Jeobá, numuu rí nindxu̱u̱ májánʼ.+
7 Numuu rí ikhaa naʼni kríñu̱u̱nʼ náa xúgíʼ gamiéjunʼ,+ga̱jma̱a̱ ikhúún mba̱ñu̱u̱n xa̱bu̱ sia̱nʼ ndrígóʼ rí táʼngu̱u̱n gúdaaʼ.+
