Salmos 27:1-14
Salmo ndrígóo David.
27 Jeobá nindxu̱u̱ bi̱ naxnúʼ aguʼ+ ga̱jma̱a̱ bi̱ naʼni kríñu̱u̱nʼ.
Tsáá lá gámíñúnʼ ka̱yo̱o̱ rá.+
Jeobá nindxu̱u̱ bi̱ nañewu̱u̱n* vida ndrígóʼ.
Tsáá lá gáʼni míñúʼ rá.+
2 Índo̱ xa̱bu̱ xkawi̱i̱nʼ nixnuʼ mu mu̱phu̱ xuyuʼ,+mú xa̱bu̱ sia̱nʼ nindxu̱ún bi̱ nijngrádiinʼ ga̱jma̱a̱ nijnguti̱gi̱i̱n.
3 Maski má mbaʼin soldados gági̱ʼi̱i̱n muxmijná ga̱jma̱á nindxu̱ʼ,a̱jkiu̱nʼ xámíñuu.+
Tséʼniuu á mu maguwáʼ xa̱bu̱ muxmijná ga̱jma̱á nindxu̱ʼ,ikhúún maku̱mu̱ʼ ka̱yo̱o̱ Dios.
4 Rígá mbá rí nindo̱ʼo̱o̱ Jeobá,ikhaa rúʼko̱ gáʼyáʼ:Rí ma̱ndoo maxtáá náa goʼwóo Jeobá xúgíʼ mbiʼi rí xóó maxtáá+mu mba̱yo̱o̱ rí xóo májáanʼ a̱jkiu̱u̱n* Jeobága̱jma̱a̱ maʼni a̱jkiu̱nʼ maminduuʼ guʼwá náa nduyamajkuíí.+
5 Mbiʼi rí ma̱ʼkha̱ gamiéjunʼ ikhaa markaʼwún náa mambáyuminaʼ,+markaʼwún náa itháán ngo̱ʼo̱o̱ guʼwá xtíin ndrígóo,+mitsídánʼ gátsrigún, náa tsu̱du̱u̱ mbá itsí.+
6 Dí xúgi̱, naʼngo̱ʼ na̱ni̱ gajmíʼ xa̱bu̱ sia̱nʼ bi̱ nuruguamu̱ʼu̱u̱n,maxnajxí tsigijñaʼ náa guʼwá xtíin ndrígóo ga̱jma̱a̱ aʼwá gagi,ma̱ni̱ ajmúú* náa Jeobá.
7 Atadxawunʼ Jeobá índo̱ nandxa̱ʼwa̱a̱ʼ mu matambáyúʼ,+gaʼni a̱jkia̱a̱nʼ xtayoʼ ga̱jma̱a̱ atriʼñuʼ.+
8 Narmáʼáan a̱jkiu̱nʼ dí niratá:
“Guʼñúunʼla”.
Ikha jngóo maniminaʼ rí mbaʼñáánʼ Jeobá.+
9 Xatatsiʼñáánʼ ratiejxu̱ʼ.*+
Índo̱ gákasngaña̱a̱ʼ xátani̱ tsíngu̱u̱nʼ náa ikhúún.*
Ikháán nindxa̱a̱ʼ bi̱ natambáyúʼ,+xámbumaaʼ xtayoʼ Dios ndrígóʼ bi̱ naʼni kríñúunʼ, xátatsiʼñúʼ.
10 Á mu anu̱ʼ* ga̱jma̱a̱ ru̱dúʼ* gúniñu̱ʼ,+Jeobá má gáñe̱wu̱nʼ.+
11 Arasngóʼ maʼgá náa kamba̱a̱ʼ Jeobá,+ga̱jma̱a̱ numún bi̱ tsíñún gúyoʼ araxnúʼ ikha maʼgá náa kamba̱a̱ rí jmbu.
12 Xáraxnajxúún náa ñawúúnʼ xa̱bu̱ sia̱nʼ,+numuu rí niguájxu̱ xa̱bu̱ bi̱ nithi rí minduwaʼ ga̱jma̱a̱ numuʼ+ikhiin nandún rí muni̱ gawúnʼ.
13 Náá lá gáxtáá ikhúún á mu tágúʼdoo ferí mba̱yo̱o̱ xóo májáanʼ a̱jkiu̱u̱n Jeobá náa kúwá bi̱ nduya rá.*+
14 Gakuma̱a̱ʼ xtayáá Jeobá,+xámíñáaʼ ga̱jma̱a̱ gakhi̱i̱ a̱jkia̱a̱nʼ gátani̱.+
Xúʼko̱, gakuma̱a̱ʼ xtayáá Jeobá.
Mbaʼa nota
^ Xóo muʼthá, mbá castillo, o mbá xuajin dí kúgumaʼá.
^ O “mitsiʼyáa”.
^ O “madu̱u̱ ajmúú”.
^ Náa ajngáa hebreo naʼthí, “Xátarkaʼwu inaaʼ náa ikhúún”.
^ Náa ajngáa hebreo naʼthí, “xa̱bia̱a̱ʼ”.
^ O “táteʼ”.
^ O “náneʼ”.
^ O mbáa “Gajkhun rí gúʼdoo fe mu mbayo̱o̱ xóo májáanʼ a̱jkiu̱u̱n Jeobá náa kúwá bi̱ nduya”.
