Salmos 57:1-11
Rí na̱jkha̱ inuu bi̱ kayá edxu̱u̱ náa ajmúú, xó má ewán ajmúú “Xátani̱ gámbáa”. Salmo ndrígóo David. Miktam. Índo̱ nito̱ʼo̱o̱ ragáyúu náa tsíñu mu xáxíyáa Saúl.+
57 Natakáñaaʼ rí matambáyuʼ Dios ndrígóʼ, atambáyúʼ,numuu rí nda̱yo̱o̱ dí náa ikháán ma̱ndoo mambáyuminaʼ,+markaʼwuminaʼ náa agoo xpíjpiáaʼ asndu índo̱ gájngoo gamíi rígi̱.+
2 Nandxa̱ʼwo̱o̱ Dios bi̱ phú Mba̱a̱,Dios bi̱ gajkhun, ikhaa naʼni kríñunʼ náa gamíi.
3 Ikhaa mambáyuʼ asndu mekhuíí ga̱jma̱a̱ maʼni kríñu̱u̱nʼ.+
Ikhaa mawiji̱jtu̱u̱n xa̱bu̱ sia̱nʼ bi̱ nandoo maʼni gínún. (Sélah).
Xígi̱ kayuuʼ gámbáyúʼ Dios numuu rí nandoo kaʼyoʼ* ga̱jma̱a̱ gajkhun nindxu̱u̱ rí naʼthí.+
4 Naruguamu̱ʼu̱u̱n león,+ndayóoʼ rí ma̱bo̱ʼ mi̱gú náa majñu̱únʼ xa̱bu̱ bi̱ nandún mu̱phu̱ʼ,iñúúnʼ nindxu̱u̱ xóo kudú* ga̱jma̱a̱ flecha,raju̱ún nindxu̱u̱ mbá espada rí mixíniʼ.+
5 Dios ndrígóʼ, atasngájma xóo mba̱a̱n nindxa̱a̱ʼ náa mekhuíí,atasngájma tsiaki̱i̱ ndrígáaʼ náa xúgíʼ tsu̱du̱u̱ ku̱ba̱ʼ.+
6 Xa̱bu̱ sia̱nʼ ndrígóʼ nigi̱ʼ mbá tsáʼkhá* náa ikhúún,+asndu ni̱ʼkha̱ ndijtsu̱ʼ rí xtáá ngíná.+
Nini̱ mbá iñáʼ náa inuʼ,mú ikhiin má nijnguíʼíin náa iñáʼ rúʼko̱.+ (Sélah).
7 Mbóó a̱jkiu̱nʼ eni̱ náa ikháán, Dios ndrígóʼ,+mbóó a̱jkiu̱nʼ eni̱.
Madu̱u̱ ga̱jma̱a̱ ma̱ni̱ ajmúú mu ma̱ni̱ mba̱a̱n.
8 Magújxúunʼ.
Magújxúunʼ nákha xóó tsejtsi.+
Madu̱u̱ arpa ga̱jma̱a̱ i̱ʼwáʼ ajua̱nʼ rí gíʼdoo cuérdóo.
9 Jeobá, ma̱ni̱ mba̱a̱n náa majñu̱únʼ xa̱bu̱ xuajin,+ma̱ni̱ ajmúú* mu ma̱ni̱ mba̱a̱n náa majñu̱u̱ʼ i̱ʼwáʼ xuajin.+
10 Ra̱ʼkhá tháán mba̱a̱ nindxu̱u̱ ngajua rí tsétumuu rí xtaʼdáá, na̱jkha̱núu asndu náa mekhu,+ma̱ndoo maku̱mu̱xu̱ ku̱ya̱a̱ʼ asndu kámuu.*
11 Dios ndrígóʼ atasngájma xóo mba̱a̱n nindxa̱a̱ʼ náa mekhuíí,atasngájma tsiaki̱i̱ ndrígáaʼ náa xúgíʼ tsu̱du̱u̱ ku̱ba̱ʼ.+
