Salmos 33:1-22
33 Ga̱jma̱a̱ numuu Jeobá gundxaʼwala̱ gagi, ikháanʼ bi̱ nu̱ni̱ rí jmbu.+
Májánʼ nindxu̱u̱ rí bi̱ nuni̱ dí jmbu muni̱ mba̱a̱.
2 Guxna̱a̱ núma̱aʼ Jeobá ga̱jma̱a̱ arpa,gu̱ni̱ ajmúú náa ikhaa* ga̱jma̱a̱ ajua̱nʼ dí gíʼdoo gu̱wa̱ʼ cuérdóo.
3 Gu̱ni̱ mbá ajmúú nuxi̱ʼ náa ikhaa,+májánʼ gúdi̱i̱ arpa ga̱jma̱a̱ gundxa̱ʼwa̱la̱ gagi.
4 Numuu rí ajngóo Jeobá nindxu̱u̱ jmbu,+naʼni rí maku̱ma̱a̱ʼ xtayáá xúgíʼ rí ikhaa naʼni.
5 Ikhaa xtáa gagi índo̱ naguma rí jmbu ga̱jma̱a̱ maguma xó má kaʼyoo.+
Náa ku̱ba̱ʼ kajnííʼ ngajua rí tsétumuu* ndrígóo Jeobá.+
6 Ga̱jma̱a̱ numuu ajngóo Jeobá niguma mekhu,+ga̱jma̱a̱ numuu xi̱ʼ* rí nagájnuu náa rawuunʼ niguma xúgíʼ dí rígá ikhí.*
7 Ikhaa nagímbóo iyaʼ lamáa* asndu xóo natsi̱ji̱ mbá xtájtsí mu marikhoo,+ikhaa nagujxi̱i̱ iyaʼ rí naʼbajxu̱u̱ asndu xóo náa rí na̱jnu̱ʼ.
8 Xúgíʼ ku̱ba̱ʼ gamiñúu kaʼyoo Jeobá.+
Xúgíinʼ xa̱bu̱ bi̱ kúwá náa ku̱ba̱ʼ rí najma̱a̱ rí najuiʼdu guxnáá gamajkhu.
9 Numuu rí ikhaa niʼthí ga̱jma̱a̱ xúgíʼ ni̱jkha̱nú nirígá,+ikhaa niʼtáñajunʼ ga̱jma̱a̱ xúgíʼ ni̱jkha̱nú nigi̱ʼi̱ xa̱ʼ.+
10 Jeobá niʼni dí xágájnuu májánʼ ñajunʼ dí kúwá runi̱ xa̱bu̱ numbaaʼ,+ikhaa niʼni dí xágájnuu májánʼ awan dí kúwá ru̱ri̱ya̱ʼ xa̱bu̱ xuajin.+
11 Mú rí naraʼwíí maʼni Jeobá ndajyúuʼ* asndu kámuu,+rí nandoo maʼni mbajyúuʼ náa xúgíinʼ bi̱ maguwáʼ rakúwá nda̱wa̱á.
12 ¡Gagi kúwá xa̱bu̱ bi̱ Jeobá nindxu̱u̱ Dios ndrígu̱ún,+xa̱bu̱ xuajin bi̱ ikhaa niraʼwíin mani̱ndxu̱ún xa̱bu̱ xuajñuu!+
13 Jeobá nayejxi̱ asndu mekhuíí,ikhaa ndaʼñún xúgíinʼ e̱jñu̱ún xa̱bu̱ numbaaʼ.+
14 Asndu náa ikhaa xtáanayejxu̱u̱n xa̱bu̱ bi̱ kúwá náa tsu̱du̱u̱ ku̱ba̱ʼ.
15 Ikhaa naʼni a̱jkiu̱ún xúgíinʼ,ga̱jma̱a̱ ndaʼyoo xúgíʼ rí nuni̱.+
16 Nimbáa rey xáʼngo̱o̱ gákríya̱a̱ʼ maski má gíʼdiin mbaʼin soldado,+nimbáa xa̱bu̱ xkujiiʼ xáʼngo̱o̱ gáʼni kríya̱a̱ʼ tsiaki̱i̱ rí gíʼdoo.+
17 Xáku̱ma̱a̱ʼ xtayáá mbáa wáyú rí maʼni kríña̱a̱nʼ náa mbá guerra,+maski má gíʼdoo tsiaki̱i̱ mú xáʼngo̱o̱ gáʼni kríña̱a̱nʼ.
18 ¡Gu̱ya̱a̱la! Jeobá niyejxu̱u̱n má xúʼko̱ bi̱ namíñúún kuyáá,+bi̱ naguáʼthi̱i̱n ngajua rí tsétumuu dí ikhaa gíʼdoo,
19 mu maʼni káwíin rí xákháñún,ma̱ngaa mu maʼni rí makuwá má xúʼko̱ náa mbiʼi dí narigá ewiʼ.+
20 Ikháánʼlú guáʼthi̱i̱n Jeobá.
Ikhaa nindxu̱u̱ bi̱ mambáyulú ga̱jma̱a̱ bi̱ mañewu̱nlú.*+
21 Ikhaa naʼni dí a̱jkiu̱lú maʼdxuu,numuu rí nakumulú kuʼyáá mbiʼyuu rí mikaʼwu.+
22 Jeobá, garígá náa ikháanʼxu̱ ngajua rí tsétumuu dí xtaʼdáá+índo̱ kuwáanʼ raguáʼtáanʼxu̱.+
