Salmos 92:1-15
Salmo. Ajmúú rí miʼni sábado.
92 Májánʼ nindxu̱u̱ rí maxna̱a̱la núma̱aʼ Jeobá+ga̱jma̱a̱ rí ma̱ni̱ ajmúú* mu ma̱ni̱ mba̱a̱ mbiʼyaaʼ ikháán bi̱ phú Mba̱a̱.
2 Rí miʼcha̱ mathu̱u̱n eʼwíinʼ ga̱jma̱a̱ numuu ngajua rí tsétumuu* rí xtaʼdáá,+rí mbruʼun ma̱ta̱ ga̱jma̱a̱ numuu rí májánʼ a̱jkia̱a̱nʼ,
3 ma̱ni̱ xó má ejkha̱ aʼwóo ajua̱nʼ rí gíʼdoo gu̱wa̱ʼ cuérdóo xó má ewán laúd,*ma̱ngaa xó má ewán arpa.+
4 Numuu rí ikháán nitani̱ rí maxtáá gagi ga̱jma̱a̱ rí nitani̱ Jeobá,nandxa̱ʼwa̱ ga̱jma̱a̱ gagi ga̱jma̱a̱ numuu ñajunʼ rí ikháán nitani̱.
5 ¡Ra̱ʼkhá tháán mitsaanʼ* rí nitani̱ Jeobá!+
¡Ra̱ʼkhá tháán mba̱a̱ ku̱ma̱ rí xtaʼdáá!+
6 Nimbáa xa̱bu̱ bi̱ tséndxa̱ʼóo májánʼ edxu̱u̱ xáʼngo̱o̱ gáninuuʼ,nimbáa xa̱bu̱ skágunʼ xáʼngo̱o̱ gákro̱ʼo̱o̱ xóo nindxu̱u̱:+
7 Índo̱ xa̱bu̱ xkawi̱i̱nʼ naʼni mbaʼin xóo índo̱ nakráʼáan iná dí ra̱májánʼ,maski ajndu naʼni mbaʼin xa̱bu̱ ra̱míjíinʼ,mú maguma gámbíin asndu kámuu.+
8 Mú ikháán Jeobá, maguma mba̱a̱n asndu kámuu.
9 Jeobá, atayáá xóo tséʼngu̱u̱n xa̱bu̱ sia̱nʼ ndrígáaʼ,atayáá xóo eguma gámbíinxúgíinʼ bi̱ nuni̱ dí ra̱májánʼ majuidáriʼiin.+
10 Mú ikháán matani̱ rí maʼni xkujñúúnʼ* xóo mbáa xedi̱ xáná,ga̱jma̱a̱ maxtajmáminaʼ aceite rí itháán májánʼ.+
11 Ikhúún mba̱ñu̱u̱n xóo tséʼngu̱u̱n bi̱ tsíñún gúyoʼ,+madxuun rí táʼngu̱u̱n náa nuxmijná xa̱bu̱ bi̱ ra̱míjíinʼ bi̱ nuni̱ ngínún.
12 Mú xa̱bu̱ míjíinʼ makuwá májánʼ mani̱ndxu̱ún xóo mbá palmera dí najmi̱di̱ má xúʼko̱ riʼyu̱u̱ga̱jma̱a̱ maganuu xóo mbá ixi̱ cedro dí rígá náa Líbano.+
13 Nindxu̱ún xóo ixi̱ rí kiʼdu náa goʼwóo Jeobá,náa rexo̱o̱ goʼwóo Dios ndrígúlú makuwá májánʼ.+
14 Makuwá májánʼ má xúʼko̱ asndu índo̱ gánii,+maʼni xkujiinʼ má xúʼko̱ ga̱jma̱a̱ xáʼniún nandii,+
15 muthi rí Jeobá nindxu̱u̱ bi̱ naʼni xó má kaʼyoo.
Ikhaa nindxu̱u̱ Itsí mba̱a̱ ndrígóʼ,+ nda̱a̱ nimbá dí ra̱májánʼ náa ikhaa.
