Salmos 111:1-10
111 ¡Gu̱ni̱ mba̱a̱la Jeobá!*+
א [álef]
Ma̱ni̱ mba̱a̱ Jeobá ga̱jma̱a̱ xúgíʼ a̱jkiu̱nʼ,+ב [bet]náa majñu̱únʼ xa̱bu̱ míjíinʼ ga̱jma̱a̱ náa majñu̱únʼ bi̱ nagimbíi̱n.
ג [guímel]
2 Ra̱ʼkhá tháán mitsaanʼ* rí Jeobá niʼniwíi,+ד [dálet]xúgíinʼ bi̱ nanigu̱u̱nʼ rí nigumawíi nundxaʼwamíjna̱ xóo niguma.+
ה [he]
3 Ra̱ʼkhá tháán mitsaanʼ rí naʼni ga̱jma̱a̱ nasngájma rí gíʼdoo tsiaki̱i̱,ו [waw]maʼni má xúʼko̱ rí májánʼ asndu kámuu.+
ז [zayin]
4 Ra̱ʼkhá tháán mitsaanʼ rí niʼni rí asndu xa̱bu̱ tsémbumún.+
ח [jet]
Jeobá naʼngo̱o̱ a̱jkiu̱u̱n ga̱jma̱a̱ nagáwíinʼ a̱jkiu̱u̱n.+
ט [tet]
5 Naxnún ganitsu mu̱phu̱ bi̱ namíñúún kuyáá.+
י [yod]
Asndu kámuu narmáʼáan a̱jkiu̱u̱n rí nimbánuu ga̱jma̱a̱ xuajñuu.+
כ [kaf]
6 Nisngájmúún xa̱bu̱ xuajñuu ñajunʼ rí niʼni náa nikujmaa tsiaki̱i̱ ndrígóo,ל [lámed]índo̱ nixnúún xa̱bu̱ xuajñuu rí kaʼñún xa̱bu̱ bi̱ kúwá náa i̱ʼwáʼ xuajin.+
מ [mem]
7 Rí nitani̱ ga̱jma̱a̱ ñawáanʼ nindxu̱u̱ gajkhun ga̱jma̱a̱ májánʼ,+נ [nun]kaʼnii maku̱ma̱a̱ʼ xtayáá xúgíʼ kiʼtáñajunʼ ndrígáaʼ.+
ס [sámekh]
8 Naxná ikha, nañambáá xúgi̱ ga̱jma̱a̱ asndu kámuu,ע [ayin]niguma numuu rí Dios nindxu̱u̱ májáanʼ ga̱jma̱a̱ jmbii.+
פ [pe]
9 Ikhaa niʼni káwíin xa̱bu̱ xuajñuu.+
צ [sadé]
Dí nimbánuu gajmíi̱n, niʼtáñajunʼ rí mbajyúuʼ asndu kámuu.
ק [qof]
Ra̱ʼkhá tháán mitsaanʼ mbiʼyuu ga̱jma̱a̱ kaʼwu.+
ר [resh]
10 Rí mamiñáanʼ xtayáá Jeobá ikhú nagi̱ʼdu̱u̱ naraʼdáá ku̱ma̱.+
ש [shin]
Xúgíinʼ bi̱ nunimbu̱u̱n kiʼtáñajunʼ ndrígóo* nusngajma rí nakru̱ʼu̱u̱n májánʼ.+
ת [taw]
Maguma mba̱a̱ asndu kámuu.
