Salmos 80:1-19
Rí na̱jkha̱ inuu bi̱ kayá edxu̱u̱ náa ajmúú, xó má nawáán ajmúú “Lirios”. Rí naʼni marmáʼáan a̱jkiu̱ún. Salmo ndrígóo Asaf.+
80 Atadxawíín Baxtúu ndrígóo Israel,ikháán bi̱ naraxnáá ikha José xóo mugu̱.+
Ikháán bi̱ xtaʼwún náa xília̱a̱ʼ* náa tsu̱du̱ún querubines,+gaxpíbíínʼ.
2 Atasngájma tsiaki̱i̱ ndrígáaʼ+náa inuu Efraín, Benjamín ga̱jma̱a̱ Manasés,ayi̱ ga̱jma̱a̱ atani̱ káwáanʼxu.+
3 Dios ndrígúxu̱, atandriguáanʼxu̱ mbu̱júu̱,+atasngájmuxu rí májánʼ a̱jkia̱a̱nʼ xtayuxu ga̱jma̱a̱ atani̱ káwáanʼxu̱.+
4 Jeobá Dios bi̱ naʼtáñajúúnʼ ángeles, asndu nguáná gátatsiʼñááʼ rakiʼnán ga̱jma̱a̱ matani̱ gáʼdu̱u̱n matadxun rí nutajkháan xa̱bu̱ xuajñaanʼ rá.+
5 Itháán má natani̱ rí mumbi̱ya̱ʼ ki xóo rí maraxnu̱u̱n ganitsu mu̱phu̱,natani̱ rí mumbi̱ya̱ʼ wéñuuʼ.
6 Ikháán natatsíñááʼ rí xa̱bu̱ xuajin magi̱ʼdu̱u̱n kaníkiin ga̱jma̱á numuxu̱,xa̱bu̱ sia̱nʼ jngruigu̱u̱n má xúʼko̱ rutsijmáanʼxu̱ asndu xó má eñún.+
7 Dios bi̱ naʼtáñajúúnʼ ángeles, atandriguáanʼxu̱ mbu̱júu̱,atasngájmuxu rí májánʼ a̱jkia̱a̱nʼ xtayuxu ga̱jma̱a̱ atani̱ káwáanʼxu̱.+
8 Nitruburi̱ya̱ʼ mbá ixi̱ uva+ náa Egipto.
Nitaxkawíin xa̱bu̱ náa xuajñún mu matadu̱u̱ ikhí.+
9 Nitani̱ kaʼwi̱i̱ mbaaʼ náa majuaʼan,nda̱wa̱á nixkuáʼán ajmu̱u̱ ga̱jma̱a̱ niʼni mbaʼa náa xúgíʼ ku̱ba̱ʼ.+
10 Kúbá nigúgoo ga̱jma̱a̱ xkamijxoo ixi̱ uva,xúʼko̱ má cedro ndrígóo Dios nigúgoo ga̱jma̱a̱ ndájkhoo ñawúunʼ.
11 Ñawúunʼ ni̱jkha̱nú asndu náa lamáa,*rudiuuʼ ni̱jkha̱nú asndu náa mañu Éufrates.+
12 Náá numuu rí nitani̱ gájxi̱i̱ xtájtsí rí kúgumaʼá náa kiʼdu ixi̱ uva rá.+Xúgíinʼ bi̱ nanújngúún nagún kudúún xndúu rí najma̱a̱.+
13 A̱ga xaná nini̱ gámbáa ixi̱ uvaga̱jma̱a̱ xujkhú xáná ni̱ʼphu̱.+
14 Dios bi̱ naʼtáñajúúnʼ ángeles, atanga̱án mbá péñu.
¡Atiejxi̱ asndu náa mekhuíí!
Atie̱wa̱a̱n ixi̱ uva rígi̱,+
15 ixu̱u̱ uva rí ñawún májáanʼ niʼdu̱u̱,+ga̱jma̱a̱ atayáá ada̱ bi̱ nitani̱ maʼni xkujiiʼ mu maxnáaʼ gamajkhu.+
16 Ixi̱ uva nithu ga̱jma̱a̱ nikha̱a̱.+
Xa̱bu̱ nakháñún índo̱ nataxprígúún.*
17 Atuwiin xa̱bu̱ bi̱ xtáa náa ñawún májáanʼ,a̱ʼdióo xa̱bu̱ numbaaʼ bi̱ ikháán nitani̱ rí maʼni xkujiiʼ mu maxnáaʼ gamajkhu.+
18 Xúʼko̱ xátsínguxu̱ náa ikháán.
Atatsiñááʼ rí makuwáanʼxu mu xúʼko̱ mugríga̱a̱ mbiʼyaaʼ.
19 Jeobá Dios bi̱ naʼtáñajúúnʼ ángeles, atandriguáanʼxu̱ mbu̱júu̱,atasngájmuxu rí májánʼ a̱jkia̱a̱nʼ xtayuxu ga̱jma̱a̱ atani̱ káwáanʼxu̱.+
