Salmos 17:1-15
Rí niʼtájkháan David.
17 Jeobá, atadxawíín índo̱ na̱nda̱ʼa̱a̱ʼ matani̱ rí kaʼyoo,atagíʼ edxa̱a̱ʼ matadxawíín índo̱ nandxa̱ʼwa̱a̱ʼ rí matambáyuʼ,atadxawíín rí natakáñaaʼ, numuu rí xúgíʼ dí natha̱a̱nʼ nindxu̱u̱ gajkhun.+
2 Atraʼwíí mbá rí májánʼ matani̱ ga̱jma̱a̱ numuʼ,+idaaʼ gaʼyoo rí nindxu̱u̱ májánʼ maguma.
3 Ikháán natayáá xú káʼnii nindxu̱u̱ a̱jkiu̱nʼ, nitangujmúún rí mbruʼun,+nitani̱ kaʼwún,+mi̱dxu̱ʼnú ma̱ta̱ya̱a̱ rí na̱nguá niríya̱ʼ mbá awan dí ra̱májánʼ ma̱ni̱,ga̱jma̱a̱ náa rawunʼ na̱nguá nigájnuu nimbá ajngáa rí tséjmaa.
4 Ga̱jma̱a̱ numuu rí nuni̱ xa̱bu̱,tséjkhá náa kambu̱ún kuʼwáʼ xó má eni̱ eʼwíinʼ, numuu rí nadxawuun ajngá rawaanʼ.+
5 Atambáyúʼ mu majngrui̱go̱ʼ náa kamba̱a̱ʼmu xúʼko̱ xájparígu̱n ga̱jma̱a̱ xániʼñúuʼ ranimbo̱ʼ ka̱ya̱a̱ʼ.+
6 Dios ndrígóʼ, nandxa̱ʼwa̱a̱ʼ numuu rí ikháán matriʼñuʼ.+
Atagíʼ edxa̱a̱ʼ matadxawunʼ. Atadxawíín ajngóʼ.+
7 Atasngájma ngajua rí tsétumuu* rí xtaʼdáá índo̱ natani̱ dí mitsaanʼ,*+ikháán bi̱ natani̱ Káwíin xa̱bu̱, bi̱ nduyáʼ mumbayumíjná náa ñawún májáanʼnáa xa̱bu̱ bi̱ nuxujximíjna̱ náa inaaʼ.
8 Atiewu̱nʼ xóo xa̱biu̱u̱ idaaʼ,+atarkaʼwún náa agoo xpíjpiáaʼ.+
9 Atiewu̱nʼ náa xa̱bu̱ ra̱míjíinʼ bi̱ nandún muni̱ ngínún,mu xúʼko̱ xa̱bu̱ sia̱nʼ bi̱ nuruguamu̱ʼu̱u̱n xúxiñún.+
10 Numuu rí na̱nguá egáwíinʼ a̱jkiu̱ún,najmún rawúúnʼ mu muni̱ mbaʼumíjna̱.
11 Rí xúgi̱, ikhiin nuruguama̱ʼa̱nʼxu,+nduyáʼ xóo muni̱ mu majngutigáanʼxu,
12 xóo mbáa león bi̱ tséʼngo̱o̱ gágiʼthu̱u̱n marujkuii xujkhúʼ bi̱ niguguaa,xóo mbáa león gújkuiiʼ bi̱ nabá ngo̱ʼo̱o̱.
13 Atujxa̱a̱ʼ Jeobá, atani̱ kríñu̱u̱nʼ náa ikhiin,+ atadatigi̱i̱n mbayííʼ,atani̱ kríñu̱u̱nʼ náa ikhiin ga̱jma̱a̱ espada ndrígáaʼ,
14 Jeobá, atani̱ kríñu̱u̱nʼ ga̱jma̱a̱ ñawáanʼnáa xa̱bu̱ bi̱ kúwá náa tsu̱du̱u̱ ku̱ba̱ʼ rígi̱, bi̱ i̱ndó naxmiéjúúnʼ kuyamijná ikhiin,*+ga̱jma̱a̱ bi̱ ikháán naraxnún xúgíʼ rí májánʼ,+ma̱ngaa natatsíñááʼ mbá rí mudrigúu e̱jñu̱ún.
15 Mú ikhúún xtáá ra̱ni̱ rí nindxu̱u̱ jmbu, ikhaa numuu rúʼko̱ rí mba̱yo̱o̱ inaaʼ,ndajuíiʼ nda̱yo̱o̱ rí xtaa ga̱jma̱á nindxu̱ʼ, ikha jngóo nadxuʼ.+
