Salmos 29:1-11
Salmo ndrígóo David.
29 Guxna̱a̱ Jeobá dí kaʼyoo, ikháanʼla e̱jñu̱ún xa̱bu̱ xkujiinʼ,guxna̱a̱ Jeobá dí kaʼyoo ga̱jma̱a̱ numuu dí nindxu̱u̱ mba̱a̱, ma̱ngaa dí gíʼdoo tsiaki̱i̱.+
2 Gu̱ni̱ mba̱a̱ Jeobá numuu rí mbiʼyuu kaʼyoo maguma mba̱a̱.
Kaʼwu xtíñala gúʼgíʼ índo̱ gúsmbatígala* náa inuu* Jeobá.
3 Aʼwóo Jeobá nawáán náa tsu̱du̱u̱ iyaʼ,Dios bi̱ gíʼdoo tsiaki̱i̱ naʼni rí majmidá.+
Jeobá wíji̱ náa tsu̱du̱u̱ du̱u̱n dí gíʼdoo iyaʼ.*+
4 Aʼwóo Jeobá gíʼdoo tsiaki̱i̱,+aʼwóo Jeobá nindxu̱u̱ mitsaanʼ.*
5 Aʼwóo Jeobá naxpígu ixi̱ cedro,xúʼko̱, Jeobá najkumigu ixi̱ cedro dí rígá náa Líbano.+
6 Naʼni rí makijxi̱i̱ Líbano* xóo mbáa a̱ʼdá xédíga̱jma̱a̱ Sirión+ xóo a̱ʼdióo mbáa xedi̱ xáná.
7 Índo̱ Jeobá naʼthí naʼni rí maxpíbínʼ.+
8 Aʼwóo Jeobá naʼni rí náa ku̱ba̱ʼ mijxooʼ* maʼba̱a̱n,+Jeobá naʼni rí maʼba̱a̱n náa ku̱ba̱ʼ mijxooʼ dí rígá náa Cadés.+
9 Aʼwóo Jeobá naʼni rí maʼxma ga̱jma̱a̱ rí muguaʼdiin e̱jñu̱ún aña̱ʼ,naʼni̱i̱ tsaʼtsaʼ xaxi̱.+
Xúgíinʼ bi̱ kúwá náa rí mikaʼwu nuthi: “¡Gaguma mba̱a̱!”.
10 Jeobá gíʼ náa xíliu̱u̱* dí grígu náa tsu̱du̱u̱ lamáa* dí rígá mekhuíí,+Jeobá magi̱ʼi̱ náa xíliu̱u̱ xóo Rey asndu kámuu.+
11 Jeobá maxnún tsiaki̱i̱ xa̱bu̱ xuajñuu.+
Jeobá maʼni tsajkurámiinʼ xa̱bu̱ xuajñuu ga̱jma̱a̱ rí tsímáá.+
