Salmos 85:1-13
Rí na̱jkha̱ inuu bi̱ kayá edxu̱u̱ náa ajmúú. Salmo ndrígu̱ún e̱ji̱i̱n Coré.+
85 Jeobá, nitasngájmúún rí májánʼ a̱jkia̱a̱nʼ xa̱bia̱a̱ʼ bi̱ kúwá náa ku̱ba̱a̱ʼ,+nidxa̱a̱ʼ jcháa Jacob náa ni̱jkha̱ kiʼyáa.+
2 Nitani̱ mba̱a̱ a̱jkia̱a̱nʼ xtayáá rí nikiéʼkhúún xa̱bu̱ xuajñaanʼ,nitani̱ mba̱a̱ a̱jkia̱a̱nʼ xtayáá* xúgíʼ aʼkhá rí nixudamíjna̱.+ (Sélah).
3 Nitatsi̱ji̱i̱ rí nakiʼnán wéñuuʼ,nitatsiñááʼ rí nikásngaña̱a̱ʼ.+
4 Dios ndrígúxu̱ bi̱ natani̱ káwáanʼ, atandriguáanʼxu̱ mbu̱júu̱,gaʼni̱i̱ a̱jkia̱a̱nʼ xtayu̱xu̱.+
5 Lá makiʼnán má xúʼko̱ xtayuxu asndu kámuu ráʼ.+
Lá makiʼnán má xúʼko̱ xtañún bi̱ maguwáʼ rakúwá nda̱wa̱á ráʼ.
6 Lá xátangaán maraxna̱a̱nʼxu̱ tsiaki̱i̱ mu ma̱ndoo makuwáanʼxu̱ mbu̱júu̱,mu xúʼko̱ xa̱bu̱ xuajñaanʼ makuwá gagi ga̱jma̱a̱ numaaʼ ráʼ.+
7 Jeobá, gaʼndaaʼ xtayuxu má xúʼko̱*+ga̱jma̱a̱ atani̱ káwáanʼxu̱.
8 Madxawuun rí gáʼthí Jeobá Dios bi̱ gajkhun,numuu rí ikhaa maʼthí rí makuwa tsímáá xa̱bu̱ xuajñuu+ bi̱ nunimbu̱ún kuyáá.Mú ikhiin xáʼyóoʼ maku̱mu̱ún kuyamijná xó má nákha ginii.+
9 Gajkhun rí ikhaa maʼni káwíin bi̱ namíñúún kuyáá+mu xúʼko̱ mbiʼyamajkuíí náa ku̱bulú.
10 Xa̱bu̱ maʼndún kuyamijná má xúʼko̱ ga̱jma̱a̱ muthi rí gajkhun,muni̱ rí májánʼ ga̱jma̱a̱ makuwá tsímáá.+
11 Náa ku̱ba̱ʼ, xa̱bu̱ musngajma rí wájun jmbu náa Diosga̱jma̱a̱ ikhaa maʼni rí asndu náa mekhuíí marigá dí májánʼ.+
12 Xúʼko̱, Jeobá maʼni dí marigá rí májánʼ+ga̱jma̱a̱ náa ku̱bulú ma̱jma̱a̱ májánʼ rí majuiʼdu.+
13 Dí májánʼ marigá náa inuu Dios+ga̱jma̱a̱ maʼni mbá kamba̱a̱ náa majngríga̱.
Mbaʼa nota
^ Náa ajngáa hebreo naʼthí, “nitruguarámáánʼ”.
