Salmos 66:1-20
Rí na̱jkha̱ inuu bi̱ kayá edxu̱u̱ náa ajmúú. Ajmúú. Salmo.
66 Gundxa̱ʼwala ga̱jma̱a̱ gagi náa Dios, ikháanʼla xa̱bu̱ bi̱ kuwáanʼla náa tsu̱du̱u̱ ku̱ba̱ʼ.+
2 Gu̱ni̱ ajmúú* mu muxna̱a̱ gamajkhu mbiʼyuu rí mitsaanʼ.*
Guxna̱a̱ gamajkhu ga̱jma̱a̱ gu̱ni̱ mba̱a̱.+
3 Guta̱a̱nla Dios: “¡Raʼkhá tháán mitsaanʼ rí natani̱!+
Numuu rí mba̱a̱ tsiaki̱i̱ xtaʼdáá,xa̱bu̱ sia̱nʼ ndrígáaʼ muxmajtamijná náa ikháán.+
4 Xúgíinʼ xa̱bu̱ bi̱ kúwá náa tsu̱du̱u̱ ku̱ba̱ʼ musmbati̱gu̱u̱n náa inaaʼ,+muni̱ ajmúú mu muxnaʼ gamajkhu,muni̱ mba̱a̱ mbiʼyaaʼ ga̱jma̱a̱ ajmúú”.+ (Sélah).
5 Aguwaʼ ga̱jma̱a̱ gu̱ya̱a̱ rí niʼni Dios.
Rí mitsaanʼ niʼni mu mambáñún xa̱bu̱ numbaaʼ.+
6 Niʼni rí lamáa* maʼni mijxooʼ,+ikhiin nikidiin náa mañu.+
Nidxu̱xuʼ ikhí rí niʼni ga̱jma̱a̱ numuxu̱.+
7 Ga̱jma̱a̱ tsiaki̱i̱ ndrígóo ikhaa maʼtáñajunʼ asndu kámuu.+
Nayejxu̱u̱n xa̱bu̱ xuajin.+
Bi̱ gújkhúʼ a̱jkiu̱ún xáʼyóoʼ muni̱ mbaʼumíjna̱.+ (Sélah).
8 Ikháanʼla xa̱bu̱ xuajin gu̱ni̱ mba̱a̱ Dios ndrígúlú,+xúgíinʼ gúdxawíín índo̱ nu̱ni̱ mba̱a̱.
9 Ikhaa naʼni rí makuwáanʼ nduʼya,+tséniñuuʼ rí majngutigáanʼ.+
10 Dios ndrígúxu̱ ikháán nitangujmáanʼxu̱ májánʼ,+xó má naguma kaʼwi̱i̱ plata xúʼko̱ nitani̱ kaʼwáanʼxu̱.
11 Nitandríñáanʼxu náa amaʼ rí nurugui̱i̱n ga̱jma̱a̱ xujkhúʼ,nitandrámánʼ dí miki̱wu̱n náa tsu̱du̱xu̱.*
12 Nitatsíñáánʼ rí xa̱bu̱ numbaaʼ magún kruámúúnʼ náa edxu̱xu̱ʼra̱ʼkhá tháán nimíníinʼxu̱, nindxu̱u̱ asndu xóo ninújnguxu náa aguʼ ga̱jma̱a̱ náa iyaʼ,nda̱wa̱á ni̱dxa̱ʼ xtáanʼxu̱ náa mbaaʼ rí maʼni̱i̱ a̱jkiu̱xu̱.
13 Mato̱ʼo̱ʼ náa guʼwáaʼ ga̱jma̱a̱ mayéʼgá mbá tsigijñaʼ rí mikarámáʼ xúgíʼ,+manimbánuu rí nikuʼdáminaʼ ma̱ni̱ náa ikháán,+
14 rí ni̱tha̱a̱nʼ ma̱ni̱,*+rí nigájnuu náa rawunʼ ni̱tha̱ nákha nixtáá ngíná.
15 Maxnajxíin xujkhú bi̱ míjíinʼ xóo tsigijñaʼ dí mikarámáʼ,matsikárámíiʼ mugu̱ e̱jmba̱a̱ náa inaaʼ.
Maxnajxíin toro ga̱jma̱a̱ chivátu.* (Sélah).
16 Gaguwaʼ ga̱jma̱a̱ gudxawíín xúgiáanʼ ikháanʼla, bi̱ namíñala kuya̱a̱ Dios,ikhúún ma̱tala ndiéjunʼ dí niʼni ikhaa ga̱jma̱a̱ numuʼ.+
17 Ni̱ni̱ mba̱a̱ ga̱jma̱a̱ rawunʼma̱ngaa nindxa̱ʼo̱o̱.
18 Á mu ikhúún nigíwánʼ dí ra̱májánʼ náa a̱jkiu̱nʼ,Jeobá nditháan xáʼdxawun.+
19 Mú Dios niʼdxawuun,+nixnátíʼñaminaʼ maʼdxawuun rí nitajkháan.+
20 Gaguma mba̱a̱ Dios, dí na̱nguá niʼni gaʼduunʼ dí nitajkháanni má tániñuuʼ randoo kaʼyoʼ.*
