Salmos 50:1-23
Salmo ndrígóo Asaf.+
50 Jeobá+ nindxu̱u̱ Dios náa xúgíinʼ dioses, niʼthí,ikhaa nandxaʼwún xa̱bu̱ bi̱ kúwá náa tsu̱du̱u̱ ku̱ba̱ʼ,náa nagájnuu a̱jkha̱ʼ* asndu náa narámaaʼ a̱jkha̱ʼ.*
2 Dios nakungua̱nʼ aguʼ rí naxpíbínʼ asndu náa Sion mbá xuajin dí ra̱ʼkhá itháán mitsaanʼ.*+
3 Dios ndrígúlú ma̱ʼkha̱ ga̱jma̱a̱ xáguanúu wíí.+
Náa ikhaa rígá aguʼ rí naʼni gámbáa,+náa mbájndi rí wíji̱ naxnúu mbá giñámbiʼ.+
4 Ikhaa nandxaʼwún bi̱ kúwá mekhuíí ga̱jma̱a̱ bi̱ kúwá náa tsu̱du̱u̱ ku̱ba̱ʼ+mu ma’nimbánuu numuu xuajñuu:+
5 “Gugímbíin náa ikhúún bi̱ naguájun jmbu,bi̱ nimbánúʼ gajmíʼ ga̱jma̱a̱ numuu mbá tsigijñaʼ”.+
6 Mekhu naʼthí rí Dios naʼni xó má kaʼyoo,numuu rí mínaaʼ Naʼnimbánuu xkujndu.+ (Sélah).
7 “Gudxawíínla xa̱bu̱ xuajñunʼ, ikhúún ma̱ta̱,Israel, ma̱ta̱ rí nikiéʼkháanʼ.+
Ikhúún nindxu̱ʼ Dios, Dios ndrígáaʼ.+
8 Tséxpríguáaʼ ga̱jma̱a̱ numuu tsigijñaʼ dí naraxnájxi̱ni má ga̱jma̱a̱ numuu tsigijñaʼ dí nakarámáʼ dí nángi eʼni rígá náa inuʼ ikhúún.+
9 Tséyóo’ má maríya̱a̱ʼ mbáa toro náa guʼwáaʼ,ni má tsujtiaanʼ* náa gúláaʼ.+
10 Numuu rí xúgíinʼ xujkhú xáná bi̱ kúwíin náa xaxi̱ nindxu̱ún ndrígióʼ,+asndu xujkhúʼ bi̱ kúwá náa xúgíʼ kúbá.
11 Naniʼnúunʼ xúgíinʼ xujkhúʼ xnaʼ bi̱ kúwá náa kúbá,+asndu xáʼnga̱a̱ʼ gáraxniin xujkhú xáná bi̱ nindxu̱ún ndrígióʼ.
12 Á mu naxki̱dxu̱ʼ xátháanʼ má ikháán,numuu rí ku̱ba̱ʼ ga̱jma̱a̱ xúgíʼ dí rígá ikhí nindxu̱u̱ ndrígóʼ.+
13 Lá mbaʼyóoʼ miʼkhu xuñúúnʼ toroga̱jma̱a̱ ma̱ga̱nʼ eʼdiún tsu̱jtuunʼ ráʼ.+
14 Dí maraxna̱a̱ núma̱aʼ Dios nindxu̱u̱ xóo maraxnajxí mbá tsigijñaʼ+ga̱jma̱a̱ atanimbáníí ajngáaʼ rí nitaxúdaminaʼ náa bi̱ phú Mba̱a̱.+
15 Atandxaʼwóʼ náa mbiʼi dí narígá gamiéjunʼ,+
ikhúún ma̱ni̱ kríña̱a̱nʼ ga̱jma̱a̱ ikháán matayamajkhuʼ”.+
16 Mú Dios maʼthúu̱n xa̱bu̱ ra̱májáanʼ:
“Lá ikháán kaʼyaaʼ marata̱ ikha ndrígóʼ+o marata̱ dí nimbánuʼ ráʼ.+
17 Numuu rí ikháán nawiya̱a̱ʼ xtayáá rí najuaxpríguaʼga̱jma̱a̱ nditháan tsétatsimbaaʼ* ajngóʼ.+
18 Índo̱ natayáá mbáa kuʼwáʼ nambájxa̱a̱ʼ ga̱jma̱a̱ʼ*+ma̱ngaa najngrui̱ga̱a̱ʼ ma xúʼko̱ gajmiáanʼ bi̱ nuni̱ aʼkhá gajmiún eʼwíinʼ.*
19 Naratá ma xúʼko̱ dí ra̱májánʼga̱jma̱a̱ natani̱ nduwaʼ ma xúʼko̱.+
20 Naratá ma xúʼko̱ dí raʼkhí ga̱jma̱a̱ numuu ndxájuaaʼ,+naratá pa̱jnu̱ rí nakiéʼkúun ndxájuaaʼ.
21 Índo̱ nitani̱ xígi̱ kaʼnii, niguanúʼ wíí,ikha jngóo niku̱ma̱ʼ rí ikhúún mani̱ndxu̱ʼ xóo ikháán.
Mú rí xúgi̱ maxpríguáaʼga̱jma̱a̱ masngajmáʼ rí nikiéʼkháanʼ.+
22 Mbá péñu,* gundxaʼwamíjna̱ ga̱jma̱a̱ numuu rígi̱, ikháanʼla bi̱ nambumala ku̱ya̱a̱ Dios,+mu xúʼko̱ xáni̱ gámbáanʼla rí asndu xáxtáa nimbáa bi̱ maʼni káwáanʼla.
23 Bi̱ naxnáa núma̱aʼ nindxu̱u̱ xóo naxnájxi̱ tsigijñaʼ ga̱jma̱a̱ naxnúʼ gamajkhu,+bi̱ naʼni má xúʼko̱ dí májánʼma̱ni̱ rí mbaʼyoo xóo Dios gáni̱ kríya̱a̱ʼ”.+
