Salmos 116:1-19
116 Nandoʼ ka̱yo̱o̱ Jeobánumuu rí ikhaa naʼdxaunʼ índo̱ natakáñuu rí mambáyuʼ.+
2 Numuu rí ikhaa nagiʼnduti̱ga̱* mu maʼdxawunʼ,+ikha jngóo ikhúún mandxa̱ʼo̱o̱ má xúʼko̱ nákha xóó xtáá mbiʼyuʼ.
3 Nixtambrúʼúún ga̱jma̱a̱ ñuñuu iñá wajinʼ.Niku̱mu̱ʼ rí makhañúʼ.+
Ra̱ʼkhá tháán nixtáá ngíná ga̱jma̱a̱ nijmúʼ.+
4 Nitakáñuu Jeobá, niríyaʼ mbiʼyuu:+
“¡Jeobá, atani̱ kríñu̱u̱nʼ!”.
5 Jeobá naʼngo̱o̱ a̱jkiu̱u̱n ga̱jma̱a̱ naʼni rí májánʼ,+Dios ndrígúlú nagáwíinʼ a̱jkiu̱u̱n.+
6 Jeobá nañewu̱u̱n bi̱ tséʼngu̱u̱n gíkru̱ʼu̱u̱n.+
Ikhúún nirmúʼúún náa awúu̱n gamiéjunʼ ga̱jma̱a̱ ikhaa niʼni kríñu̱u̱nʼ.
7 Gaʼni̱i̱ a̱jkiu̱nʼ mbu̱júu̱,numuu dí Jeobá niʼniuʼ dí májánʼ.
8 Nitani̱ kríñu̱u̱nʼ náa nigíʼ makhañúʼ,nitaxúdíi iyooʼ iduʼ índo̱ nimbi̱ya̱ʼ, ga̱jma̱a̱ nitambáyúʼ mu xájpátrígu̱u̱n.+
9 Maxtáá ga̱jma̱a̱ ma̱ni̱ ñajuunʼ Jeobá.*
10 Nigúʼdoʼ fe, ikha jngóo ni̱tha̱,+ra̱ʼkhá tháán gakhi̱i̱ nimínuuʼ.
11 Índo̱ ra̱ʼkhá tháán nimíñúʼ ni̱tha̱:
“Xúgíinʼ xa̱bu̱ nuni̱ nduwaʼ”.+
12 Xú káʼnii gáni̱ numa̱a̱ Jeobága̱jma̱a̱ numuu xúgíʼ rí májánʼ niʼniuʼ rá.
13 Maʼdxuʼ ga̱jma̱a̱ numuu dí nikríñu̱u̱nʼga̱jma̱a̱ ma̱ta̱ mbiʼyuu Jeobá.
14 Ajngóʼ rí nixna̱ náa Jeobámanimbánuu náa inún xúgíinʼ xa̱bu̱ xuajñuu.+
15 Ra̱ʼkhá tháán gawúunʼ Jeobáíndo̱ nakháñuu mbáa xa̱bi̱i̱ bi̱ niwi̱ji̱ jmbu.+
16 Natakháñaaʼ Jeobá,numuu rí nindxu̱ʼ xa̱bia̱a̱ʼ.
Na̱ni̱ ñajuaanʼ xó má niʼni ru̱dúʼ.*
Nitani̱ kríñu̱u̱nʼ náa cadena rí kaxtoʼóʼ ga̱jma̱a̱.+
17 Maxnajxí tsigijñaʼ náa ikháán mu maxna̱a̱ʼ núma̱aʼ,+ma̱ta̱ mbiʼyuu Jeobá.
18 Ajngóʼ rí nixna̱ náa Jeobá+manimbánuu náa inún xúgíinʼ xa̱bu̱ xuajñuu,+
19 náa rexo̱o̱ goʼwóo Jeobá,+náa majña̱a̱ʼ ikháán Jerusalén.
¡Gu̱ni̱ mba̱a̱la Jeobá!*+
