Salmos 62:1-12
Rí na̱jkha̱ inuu bi̱ kayá edxu̱u̱ náa ajmúú, ndrígóo Jedutún. Salmo ndrígóo David.
62 Gajkhun rí i̱ndó náa Dios gúʼthu̱u̱n.
I̱ndó ikhaa nindxu̱u̱ bi̱ maʼni kríñu̱u̱nʼ.+
2 Gajkhun rí ikhaa nindxu̱u̱ itsí náa mambáyuminaʼ, ikhaa maʼni kríñu̱u̱nʼ,+nimbá míʼtsú xájpátrigu̱u̱n mbá kayuuʼ.+
3 Asndu nguáná guniʼñááʼ ruʼyáaʼ xa̱bu̱ mu muxiyáa rá.+
Xúgiáanʼ ikháanʼ nindxa̱la xóo mbá pared rí gamíi mangajxi̱i̱, xóo mbá xtájtsí rí inu mangajxi̱i̱.*
4 Ikhiin nuri̱ya̱ʼ awan murigú káyííʼ ñajunʼ mba̱a̱ rí gíʼdoo,nanigu̱u̱nʼ muni̱ nduwaʼ.
Nuni̱í eni̱ rí nuni̱ tsajkurámaaʼ, mú náa awúu̱n a̱jkiu̱ún nutatsríguíi.+ (Sélah).
5 Gajkhun rí i̱ndó náa Dios gúʼthu̱u̱n+numuu rí xúgíʼ rí gúʼthu̱u̱n na̱ʼkha̱ náa ikhaa.+
6 Gajkhun rí ikhaa nindxu̱u̱ itsí náa mambáyuminaʼ, ikhaa maʼni kríñu̱u̱nʼ,nimbá míʼtsú xájpátrígu̱u̱n.+
7 Dios nindxu̱u̱ bi̱ maʼni kríñu̱u̱nʼ ga̱jma̱a̱ maʼni rí magruígú gamajkhu.
Dios ndrígóʼ nindxu̱u̱ itsí gújkhúʼ náa mambáyuminaʼ.+
8 Xa̱bu̱ xuajin, xúniʼñáánʼ raku̱mala kuya̱a̱ Dios.
Gu̱tha̱a̱nla xúgíʼ rí gíwánʼ náa awúu̱n a̱jkia̱la.+
Numuu rí ikhaa nindxu̱u̱ náa ma̱ndoo mumbáyúmíjná.+ (Sélah).
9 E̱jñu̱ún xa̱bu̱ numbaaʼ nindxu̱ún xóo rujmbaaʼ,*nda̱a̱ má numuu maku̱ma̱a̱ʼ xtañún ikhiin.+
Á mu naxtagiéwiin xúgíinʼ ikhiin, na̱nguá kiwi̱i̱n kayuuʼ, itháán ma ki̱wu̱n giñánʼ.+
10 Xákumala rí mambáyala á mu nundrígú káʼñúúnʼ rí guáʼdáá eʼwíinʼxákumala rí muʼgua̱nú muguaʼdáá á mu nu̱ni̱ kuʼwáʼ.
Á mu na̱jkua̱nú naguaʼdáála, xákumala kuya̱a̱ i̱ndó ikhaa.+
11 A̱jma̱ aʼphu̱ nidxawuun Dios rí niʼthí:
Tsiaki̱i̱ na̱ʼkha̱ náa Dios.+
12 Ma̱ngaa ngajua rí tsétumuu,* nindxu̱u̱ ndrígáaʼ Jeobá,+numuu rí ikháán matani̱ numa̱a̱ mámbáa xó má naʼni.+
Mbaʼa nota
^ O mbáa “Xúgiáanʼ ikháanʼ nduya̱a̱la̱ rí nindxu̱u̱ mbá pared rí inu mangajxi̱i̱, mbá xtajtsí rí inu mangajxi̱i̱”.
