Salmos 64:1-10
-
Na̱xtiewa̱a̱n náa awan rí nigájnuu ngu̱ʼwa̱ mu muni̱i̱ dí ra̱májánʼ
-
“Dios má gáʼni gawúúnʼ ikhiin” (7)
-
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
64 Dios ndrígóʼ, atadxawíín rí natakháñaaʼ.+
Atiewu̱nʼ náa xa̱bu̱ sia̱nʼ numuu rí nuni̱ miñúʼ.
2 Atiewu̱nʼ mu xagíʼnuʼ xó má awan dí niri̱ya̱ʼ nguʼwáá xa̱bu̱ xkawi̱i̱nʼ,+atiewu̱nʼ náa xúgíinʼ xa̱bu̱ ra̱míjíinʼ.
3 Raju̱ún ra̱ʼkhá tháán mixíníʼ xóo mbá espada,ajngáa rí najmún naʼni gawúúnʼ eʼwíinʼ xóo mbá flecha,
4 mu muxnáá ga̱jma̱a̱ bi̱ nda̱a̱ aʼkhúun asndu náa ngo̱ʼo̱o̱ rí tri̱ʼi̱i̱n,nda̱a̱ tsu̱ma̱ eni̱ rígi̱ ni má tsémíñún.
5 Nandún muni̱ má xúʼko̱ dí ra̱májánʼ,mbá xúgíinʼ nuri̱ya̱ʼ awan xóo gúni mu nimbáa xáʼyoo tsáʼkhá rí nundri̱ga̱.
Nuthi: “Nimbáa ndawa̱a̱ tsáa gáʼyoo”.+
6 Nduyáʼ i̱ʼwáʼ enii xóo muni̱ dí ra̱májánʼ,asndu nguʼwáá erawíi awan xóo muni̱,+rakáʼnii ma̱ta̱ya̱a̱ dí gíwánʼ náa a̱jkiu̱ún mámbíin rí ikhiin.
7 Mú Dios má gáʼni gawúúnʼ ikhiin,+nda̱a̱ tsu̱ma̱ gáʼni gawúúnʼ mbá flecha.
8 Raju̱ún má gáʼni gámbíin,+xúgíinʼ bi̱ guyejxu̱u̱n mawiñu̱u̱nʼ kuñún ga̱jma̱a̱ mubajngaa edxu̱ún.
9 Ikhú xúgíinʼ xa̱bu̱ mamiñún,muthi rí Dios niʼniga̱jma̱a̱ mikru̱ʼu̱u̱n ndíjkha rí xúʼko̱ niʼni Dios.+
10 Xa̱bu̱ jmbii maʼdxuu ga̱jma̱a̱ numuu Jeobá ga̱jma̱a̱ mambáyuminaʼ náa ikhaa,+xúgíinʼ bi̱ májáanʼ a̱jkiu̱ún maʼdxúún wéñuuʼ.
