Salmos 9:1-20
Rí na̱jkha̱ inuu bi̱ kayá edxu̱u̱ náa ajmúú, ga̱jma̱a̱ numuu mut-laben.* Salmo ndrígóo David.
א [álef]
9 Jeobá ma̱ni̱ mba̱a̱n ga̱jma̱a̱ xúgíʼ a̱jkiu̱nʼ,ma̱ta̱ xúgíʼ rí mitsaanʼ* nitani̱.+
2 Maʼdxuʼ, maxtáá gagi, núma̱aʼ má ikháán,ma̱ni̱ ajmúú* mu maxnu̱u̱ gamajkhu mbiʼyaaʼ, Dios ndrígóʼ bi̱ phú Mba̱a̱.+
ב [bet]
3 Índo̱ xa̱bu̱ sia̱nʼ ndrígóʼ gágúun skidiʼ,+majnguti̱gi̱i̱n ga̱jma̱a̱ makhañún náa inaaʼ ikháán.
4 Numuu rí ikháán natambáyúʼ ga̱jma̱a̱ natanimbaníí numuʼ,naraʼwún náa xília̱a̱ʼ* ga̱jma̱a̱ natanimbaníí numuʼ xó má kaʼyoo.+
ג [guímel]
5 Nitaxprígún xa̱bu̱ xuajin+ ga̱jma̱a̱ nitani̱ gámbíin bi̱ ra̱míjínʼ,nitani̱ jngudi̱i̱ mbiʼñún asndu kámuu.
6 Xa̱bu̱ sia̱nʼ maguma gámbáa asndu kámuu,asndu ajmu̱u̱ gátruburiya̱ʼ xuajñuu,ga̱jma̱a̱ nimbáa ni xármáʼáan a̱jkiu̱u̱n kaʼñún.+
ה [he]
7 Mú Jeobá magiʼi náa xíliu̱u̱ asndu kámuu,+ikhaa magiʼi náa xíliu̱u̱ mu maʼnimbánuu xó má kaʼyoo.+
8 Ikhaa mandi̱ʼi̱i̱n cuenta xa̱bu̱ bi̱ kúwá náa tsu̱du̱u̱ ku̱ba̱ʼ xó má kaʼyoo,+maʼthí xóo phú gúgíʼníín xa̱bu̱ xuajin.+
ו [waw]
9 Jeobá nindxu̱u̱ náa ma̱ndoo mumbayumíjná bi̱ numíníiʼ,+náa ma̱ndoo mumbayumíjná mbiʼi dí narígá gamiéjunʼ.+
10 Bi̱ nuniʼnuuʼ mbiʼyaaʼ maku̱mu̱ún kuyaaʼ ikháán,+ikháán nditháan xátatsiʼñúúnʼ bi̱ nduñáanʼ, Jeobá.+
ז [zayin]
11 Guyamajkuíí Jeobá ga̱jma̱a̱ ajmúú, bi̱ xtáa náa Sion,gu̱ni̱ dí xa̱bu̱ xuajin mbuyáá dí ikhaa naʼni.+
12 Bi̱ kaʼyoo maruma̱a̱ eʼdiún bi̱ numíníiʼ narmáʼáan a̱jkiu̱u̱n kaʼñún ikhiin,+xámbumuu xóo nundxa̱ʼwa̱.+
ח [jet]
13 Gaʼni a̱jkia̱a̱nʼ xtayoʼ Jeobá, atayáá xóo eni̱ mamínuuʼ bi̱ nawiñu̱u̱nʼ kuyoʼ,ikháán bi̱ natani̱ rí matujxi̱i̱ʼ náa xkrugoo iñá wajinʼ,+
14 mu ma̱ndoo ma̱ta̱ rí ikháán natani̱, mu maguma mba̱a̱n náa xkrugoo wáxióo* Sion+ga̱jma̱a̱ maʼdxuʼ rí natani̱ mu matani̱ kríñu̱u̱nʼ.+
ט [tet]
15 Xa̱bu̱ xuajin nijnguíʼíin náa iñáʼ rí ikhiin má nini̱,rajkhúún má ikhiin nimbróʼoo amaʼ dí niti̱ga̱ ngu̱ʼwa̱.+
16 Jeobá najmaʼniiʼ numuu rí naʼnimbánuu dí naraʼwíí maʼni.+
Xa̱bu̱ ra̱májáanʼ nixtugua̱a̱ ga̱jma̱a̱ ñajunʼ rí ikhaa má niʼni.+
(Higayón.* Sélah).
י [yod]
17 Xa̱bu̱ ra̱míjíinʼ magúun skidiʼ asndu náa Iñá wajinʼ,*xúgíinʼ xa̱bu̱ xuajin bi̱ nambumún kuyáá Dios.
18 Dios xámbumuu kaʼñún bi̱ mingíníi,+dí kuáʼti̱i̱n xa̱bu̱ guabiinʼ nditháan xáʼga̱nú mambáa.+
כ [kaf]
19 ¡Atujxa̱a̱ʼ, Jeobá! Xátatsiʼñááʼ rí xa̱bu̱ numbaaʼ maʼngo̱o̱ madaaʼ.
Atatsíñááʼ rí xa̱bu̱ xuajin majuiʼthá rí mugíʼníí náa inaaʼ.+
20 Jeobá, atani̱ rí mamiñún,+xa̱bu̱ xuajin mbuyáá rí i̱ndó nindxu̱ún xa̱bu̱ numbaaʼ. (Sélah).
