Salmos 136:1-26

  • Ngajua rí tsétumuu rí gíʼdoo Jeobá ndajyúuʼ asndu kámuu

    • Májánʼ niguma mekhu ga̱jma̱a̱ ku̱ba̱ʼ (5, 6)

    • Faraón nikháñuu náa lamáa Maña̱ʼ (15)

    • Dios narmáʼáan a̱jkiu̱u̱n kaʼñún bi̱ kúwá ngíná (23)

    • Ganitsu rí naʼphu̱ xúgíinʼ bi̱ nduya (25)

136  Guxna̱a̱ núma̱aʼ Jeobá numuu rí májánʼ a̱jkiu̱u̱n,+dí nandoo kaʼyulú* ndajyúuʼ asndu kámuu.+  2  Guxna̱a̱la núma̱aʼ Dios bi̱ itháan mba̱a̱ náa xúgíinʼ dioses,+numuu dí ngajua rí tsétumuu rí ikhaa gíʼdoo ndajyúuʼ asndu kámuu.  3  Guxna̱a̱ núma̱aʼ bi̱ nindxu̱u̱ Tátá náa xúgíinʼ tátá,numuu dí ngajua rí tsétumuu rí ikhaa gíʼdoo ndajyúuʼ asndu kámuu.  4  I̱ndó ikhaa nindxu̱u̱ bi̱ naʼni xúgíʼ rí mitsaanʼ,*+numuu dí ngajua rí tsétumuu rí ikhaa gíʼdoo ndajyúuʼ asndu kámuu.+  5  Ra̱ʼkhá tháán nijmañuu xóo niʼni mekhu,+numuu dí ngajua rí tsétumuu rí ikhaa gíʼdoo ndajyúuʼ asndu kámuu.  6  Nigíʼ ku̱ba̱ʼ náa tsu̱du̱u̱ iyaʼ,+numuu dí ngajua rí tsétumuu rí ikhaa gíʼdoo ndajyúuʼ asndu kámuu.  7  Niʼni xúgíʼ aguʼ rí mba̱ʼu̱ dí rígá mekhuíí,+numuu dí ngajua rí tsétumuu rí ikhaa gíʼdoo ndajyúuʼ asndu kámuu:  8  Ikhaa niʼnii a̱jkha̱ʼ mu maxná agiuuʼ dí mbiʼi,+numuu dí ngajua rí tsétumuu rí ikhaa gíʼdoo ndajyúuʼ asndu kámuu,  9  niʼnii gu̱nʼ ga̱jma̱a̱ a̱ʼgua̱a̱n mu mambiʼiin dí mbruʼun,+numuu dí ngajua rí tsétumuu rí ikhaa gíʼdoo ndajyúuʼ asndu kámuu. 10  Ikhaa nigudíin xúgíinʼ ejín giʼniún xa̱bu̱ ga̱jma̱a̱ e̱jñu̱ún xujkhúʼ bi̱ nigumiin ginii náa Egipto,+numuu dí ngajua rí tsétumuu rí ikhaa gíʼdoo ndajyúuʼ asndu kámuu. 11  Niguwíin xa̱bu̱ Israel náa Egipto,+numuu dí ngajua rí tsétumuu rí ikhaa gíʼdoo ndajyúuʼ asndu kámuu, 12  ga̱jma̱a̱ ñawúunʼ rí gíʼdoo tsiaki̱i̱,+numuu dí ngajua rí tsétumuu rí ikhaa gíʼdoo ndajyúuʼ asndu kámuu. 13  Niʼni rí mambaʼtoo lamáa Maña̱ʼ,*+numuu dí ngajua rí tsétumuu rí ikhaa gíʼdoo ndajyúuʼ asndu kámuu. 14  Niʼni rí xa̱bu̱ Israel manújngún náa ta̱pho̱o̱,+numuu dí ngajua rí tsétumuu rí ikhaa gíʼdoo ndajyúuʼ asndu kámuu. 15  Faraón gajmíi̱n soldados ndrígióo nidami̱ʼi̱i̱n náa lamáa Maña̱ʼ,+numuu dí ngajua rí tsétumuu rí ikhaa gíʼdoo ndajyúuʼ asndu kámuu. 16  Ninújngoo kagui̱i̱n xa̱bu̱ xuajñuu náa ku̱ba̱ʼ mijxooʼ,*+numuu dí ngajua rí tsétumuu rí ikhaa gíʼdoo ndajyúuʼ asndu kámuu. 17  Niʼni gámbíin reyes bi̱ mbaʼwi̱i̱n,+numuu dí ngajua rí tsétumuu rí ikhaa gíʼdoo ndajyúuʼ asndu kámuu. 18  Nigudíin reyes bi̱ guáʼdáá tsiaki̱i̱,numuu dí ngajua rí tsétumuu rí ikhaa gíʼdoo ndajyúuʼ asndu kámuu: 19  Nixíyáa Sehón,+ rey ndrígu̱ún xa̱bu̱ amorreos,numuu dí ngajua rí tsétumuu rí ikhaa gíʼdoo ndajyúuʼ asndu kámuu, 20  xúʼko̱ má Og,+ rey ndrígu̱ún xa̱bu̱ Basán,numuu dí ngajua rí tsétumuu rí ikhaa gíʼdoo ndajyúuʼ asndu kámuu. 21  Ku̱bu̱únʼ ikhiin nixnájxu̱u̱n xa̱bu̱ xuajñuu mu maʼni mbañúúnʼ,+numuu dí ngajua rí tsétumuu rí ikhaa gíʼdoo ndajyúuʼ asndu kámuu, 22  xóo mbá rí kaʼyoo magruigúu Israel bi̱ nindxu̱u̱ xa̱bi̱i̱,numuu dí ngajua rí tsétumuu rí ikhaa gíʼdoo ndajyúuʼ asndu kámuu. 23  Nirmáʼáan a̱jkiu̱u̱n kaʼyulú índo̱ nikuwáánʼlú ngíná,+numuu dí ngajua rí tsétumuu rí ikhaa gíʼdoo ndajyúuʼ asndu kámuu.+ 24  Nángi eʼni, niʼni káwáanʼlú náa ñawúúnʼ xa̱bu̱ sia̱nʼ,+numuu dí ngajua rí tsétumuu rí ikhaa gíʼdoo ndajyúuʼ asndu kámuu. 25  Ikhaa naxnún rí mu̱phu̱ xúgíinʼ bi̱ nduya,*+numuu dí ngajua rí tsétumuu rí ikhaa gíʼdoo ndajyúuʼ asndu kámuu. 26  Guxna̱a̱la núma̱aʼ Dios bi̱ naʼtáñajunʼ mekhuíí,numuu dí ngajua rí tsétumuu rí ikhaa gíʼdoo ndajyúuʼ asndu kámuu.

Mbaʼa nota

^ O “nasngájmulú ngajua rí tsétumuu”. Atayáá glosario, ngajua rí tsétumuu.
^ O “nagui̱i̱”.
^ O “mar Rojo”.
^ O “desierto”.
^ Náa ajngáa hebreo naʼthí, “xúgíʼ xuwiʼ”.

Copyrights ndrígóo i̱yi̱i̱ʼ rígi̱