Salmos 141:1-10
Salmo ndrígóo David.
141 Natakáñáanʼ ikháán Jeobá.+
Nacha̱ gídxáʼ mu matambáyúʼ.+
Araxnátiʼñaminaʼ matadxawíín índo̱ nandxa̱ʼwa̱a̱ʼ.+
2 Xóo rí ndataun dí kanda̱wo̱o̱ʼ májánʼ xúʼko̱ gátaya̱a̱ rí natakáñáanʼ,+índo̱ natakáñáanʼ nakujxí ñawúnʼ rijma̱a̱ atayáá rí nindxu̱u̱ xóo tsigijñaʼ rí najuixnájxi̱ wakíʼ.+
3 Jeobá, atambáyúʼ mu xáta mbaʼ ma̱tháá,atambáyúʼ mu mandxa̱ʼo̱o̱ edxu̱ʼ rí ma̱ta̱.+
4 Xátatsiʼñááʼ rí a̱jkiu̱nʼ magua̱ʼa̱ maʼni dí ra̱májánʼ,+rí manigu̱u̱ʼ maʼni dí ra̱májánʼ gajmíi̱n xa̱bu̱ ra̱míjíinʼ,nditháan tsíyóʼ makuíʼtsú gajmíʼ ikhiin.
5 Á mu mbáa xa̱bu̱ májáanʼ gáxnúʼ, masngájmuʼ rí nandoo kaʼyoʼ,*+á mu naxprígúʼ, mani̱ndxu̱u̱ xóo aceite dí nagadirámuuʼ náa edxu̱ʼ,+edxu̱ʼ xáʼni gáʼduun.+
Ikhúún matajkháan má xúʼko̱ ga̱jma̱a̱ numuu índo̱ ga̱ʼkha̱ gamiéjunʼ inuu.
6 Maski ajndu nudatiguíin náa mitsídánʼ bi̱ nunimbáníí xkujndu ndrígu̱ún,mú xa̱bu̱ xuajin muxnátiʼñamijnáʼ mudxawíín ajngóʼ numuu rí mitsaanʼ* nindxu̱u̱.
7 Xó má nangujuíi ku̱ba̱ʼ índo̱ nuxnáá xku̱bi̱,xúʼko̱ ejuidáraʼa itsu̱xu̱ náa rawuunʼ Iñá wajinʼ.*
8 Wíji̱ má xúʼko̱ iduʼ náa ikháán Jeobá, Tátá bi̱ itháán Mba̱a̱.+
Náa ikháán nambáyuminaʼ.
Xátatsiʼñááʼ rí makhañúʼ.
9 Atiewu̱nʼ náa tsáʼkhá rí nigíʼ,tsáʼkhá rí nigíʼ bi̱ nuni̱ dí ra̱májánʼ.
10 Xúgíinʼ bi̱ nuni̱ dí ra̱májánʼ mbóó má gájnguíʼíin náa tsáʼkhá rí nigi̱ʼ,+mú ikhúún nda̱a̱ rí gágíʼnuʼ ga̱jma̱a̱ makríñu̱u̱nʼ.
Mbaʼa nota
^ O “nagui̱i̱”.
