Salmos 86:1-17
Rí niʼtájkháan David.
86 Atagíʼ cháʼwáanʼ ga̱jma̱a̱ atadxawíín Jeobá ma̱ngaa atriʼñuʼ,numuu rí xtáá ramínúuʼ ga̱jma̱a̱ migínúún.+
2 Atiéjxi̱ nga̱jua̱a̱ vida ndrígóʼ, numuu rí gúju̱n jmbu náa ikháán.+
Atani̱ kríñu̱u̱nʼ numuu rí naku̱mu̱ʼ ka̱ya̱a̱ʼ,numuu rí ikháán nindxa̱a̱ʼ Dios ndrígóʼ.+
3 Atambáyúʼ Jeobá,+numuu rí kañiiʼ mbiʼi endxa̱ʼwa̱a̱ʼ.+
4 Atani̱ rí maxtáá gagi Jeobá,numuu rí náa ikháán exnajxíminaʼ.
5 Numuu dí ikháán ra̱ʼkhá tháán májáanʼ a̱jkia̱a̱nʼ Jeobá+ ga̱jma̱a̱ xtaa xawii matani̱ mba̱a̱ a̱jkia̱a̱nʼ,+ra̱ʼkhá tháán mba̱a̱ ngajua rí tsétumuu* rí xtaʼdáá náa xúgíinʼ bi̱ nutakáñaaʼ.+
6 Jeobá, atadxawíín rí natajkháan,araxnátiʼñaminaʼ matadxawíín rí natakáñaaʼ mu matambáyúʼ.+
7 Mbiʼi rí gáxtáá ngíná mandxaʼwa̱a̱ʼ+numuu rí ikháán matriʼñuʼ.+
8 Jeobá, ndawa̱a̱ i̱mba̱a̱ Dios xóo ikháán+ndawa̱a̱ i̱mba̱a̱ bi̱ niʼni xóo rí ikháán nitani̱.+
9 Jeobá, xúgíʼ xuajin rí ikháán nitandri̱ga̱maguwáʼ mu musmbati̱gu̱u̱n náa inaaʼ,+ga̱jma̱a̱ muxnáá gamajkhu mbiʼyaaʼ.+
10 Numuu rí ikháán xtaʼdáá wéñuuʼ tsiaki̱i̱ ga̱jma̱a̱ ra̱ʼkhá tháán mitsaanʼ* nindxu̱u̱ rí natani̱,+i̱ndó ikháán nindxa̱a̱ʼ Dios, ndawa̱a̱ imba̱a̱.+
11 Jeobá, arasngóʼ maʼgá náa kamba̱a̱ʼ.+
Mu xúʼko̱ ikhúún majngruigoʼ náa ikha ndrígáaʼ rí nindxu̱u̱ gajkhun.+
Atani̱ rí xáʼni a̱jma̱ a̱jkiu̱nʼ, mu xúʼko̱ mamiñúʼ ka̱yo̱o̱ mbiʼyaaʼ.+
12 Jeobá Dios ndrígóʼ, na̱ni̱ mba̱a̱n ga̱jma̱a̱ xúgíʼ a̱jkiu̱nʼ,+maxnu̱u̱ gamajkhu mbiʼyaaʼ asndu kámuu,
13 numuu dí ra̱ʼkhá tháán eyaaʼ xtayoʼ,*ikháán nitani̱ kríñu̱u̱nʼ mu xákháñúʼ.*+
14 Dios ndrígóʼ, xa̱bu̱ bi̱ nuni̱ mbaʼumíjna̱ nuguájxu̱ mu muni̱ ngínún,+mbá nguéjmi̱i̱n xa̱bu̱ bi̱ tségáwíinʼ a̱jkiu̱ún nandún muxiñún,ga̱jma̱a̱ tséyamajkuaaʼ.+
15 Mú ikháán Jeobá, nindxa̱a̱ʼ mbáa Dios bi̱ nagáwíinʼ a̱jkiu̱u̱n ga̱jma̱a̱ naʼngo̱o̱ a̱jkiu̱u̱n,bi̱ tsékiʼnáa nacha̱, gíʼdoo ngajua rí tsétumuu ma̱ngaa natanimbaníí má xúʼko̱ dí naratá.+
16 Atanga̱án atiejxu̱ʼ ga̱jma̱a̱ gaʼni a̱jkia̱a̱nʼ xtayoʼ.+
Araxnúʼ tsiaki̱i̱ ga̱jma̱a̱ atani̱ kríñu̱u̱nʼ+numuu rí ikhúún na̱ni̱ ñajuaanʼ xó má niʼni ru̱dúʼ.*
17 Atani̱ rí bi̱ nawiñu̱u̱nʼ kuyoʼmbuyáá dí ra̱ʼkhá tháán májáanʼ a̱jkia̱a̱nʼ ga̱jma̱á nindxu̱ʼ, atani̱ májthi̱i̱nʼ.
Numuu rí ikháán Jeobá, nindxa̱a̱ʼ bi̱ nambáyúʼ ga̱jma̱a̱ bi̱ naʼni̱i̱ a̱jkiu̱nʼ.
