Salmos 59:1-17
Rí na̱jkha̱ inuu bi̱ kayá edxu̱u̱ náa ajmúú, xó má ewán ajmúú “Xátani̱ gámbáa”. Salmo ndrígóo David. Miktam. Índo̱ Saúl nikuʼmiin xa̱bi̱i̱ muñamaa David* mu muxiyáa.+
59 Dios ndrígóʼ atani̱ kríñu̱u̱nʼ náa xa̱bu̱ sia̱nʼ,+atiewu̱nʼ náa xa̱bu̱ bi̱ nandún muni̱ ngínún.+
2 Atani̱ kríñu̱u̱nʼ náa xa̱bu̱ bi̱ nuni̱ dí ra̱májánʼ,atani̱ kríñu̱u̱nʼ náa xa̱bu̱ xkawi̱i̱nʼ.
3 ¡Atayáá! Xa̱bu̱ xkujiinʼ nandún muxnuʼ,nuguáʼthu̱nʼ ngu̱ʼwa̱,+Jeobá, raʼkháa numuu rí nikiéʼkunʼ o ni̱ni̱ mbá dí raʼkhí.+
4 Maski má táni mbá dí raʼkhí, ikhiin kúwá xawii ga̱jma̱a̱ nagáñún naguwáʼ mu muxnuʼ.
Atujxa̱a̱ʼ índo̱ nandxa̱ʼwa̱a̱ʼ ga̱jma̱a̱ atañún.
5 Numuu rí ikháán Jeobá, Dios bi̱ naʼtáñajúúnʼ ángeles, nindxa̱a̱ʼ Dios ndrígóo Israel.+
Atujxa̱a̱ʼ ga̱jma̱a̱ atayáá xóo nindxu̱ún xa̱bu̱ bi̱ kúwá náa xúgíʼ xuajin.
Xágáwíinʼ a̱jkia̱a̱nʼ xtañúún xa̱bu̱ xkawi̱i̱nʼ, bi̱ minduwiinʼ.+ (Sélah).
6 Ikhiin natangiín má xúʼko̱ mámbá mbruʼun,+nundxa̱ʼwa̱ xóo xu̱wánʼ+ ga̱jma̱a̱ mbájndi jngruigu̱u̱n náa xuajin.+
7 Atayáá xóo xkawiʼ ethi̱,ajngún* nindxu̱u̱ xóo espada,+nuthi: “Tsáa lá xtáa raʼdxuun rá.”+
8 Mú ikháán Jeobá, matanduʼwajmíin,+matatsíjmíin xa̱bu̱ bi̱ kúwá náa xúgíʼ xuajin.+
9 Dios ndrígóʼ ikháán naraxnúʼ tsiaki̱i̱.+Magúʼtha̱nʼ má xúʼko̱ numuu rí náa ikháán nambáyuminaʼ.+
10 Dios bi̱ nandoo kaʼyoʼ* ma̱ʼkha̱ gámbáyúʼ.+Dios maʼni rí ikhúún mba̱ñu̱u̱n xa̱bu̱ sia̱nʼ ndrígóʼ bi̱ táʼngu̱u̱n gúdaaʼ.+
11 Xáradíin, mu xa̱bu̱ xuajñunʼ xámbumún rí nitani̱.
Ga̱jmaaʼ tsiaki̱i̱ ndrígáaʼ mu matani̱ rí mbaʼ majnguʼúún,Jeobá bi̱ natie̱wu̱nxu̱* atani̱ rí majnguti̱gi̱i̱n.+
12 Ga̱jma̱a̱ numuu rí nuni̱ mbaʼumíjna̱ nuthi dí raʼkhí,nutátsrígú ga̱jma̱a̱ nuni̱ nduwaʼ,+mú ikhiin má gágájnuu gamajkhún ga̱jma̱a̱ numuu rí nuni̱ mbaʼumíjna̱.
13 Atani̱ gámbíin ikhiin índo̱ gákásngáña̱a̱ʼ,+aradíin mu xákúwá,atani̱ mbuyáá rí Dios xtáa raʼtáñajúúnʼ e̱ji̱i̱n Jacob ma̱ngaa asndu náa naguámbári̱go̱o̱ ku̱ba̱ʼ.+ (Sélah).
14 Gatangi̱ín má xúʼko̱ mámbá mbruʼun,gundxaʼwa̱ xó má xu̱wánʼ ga̱jma̱a̱ mbájndi gajngruigu̱u̱n náa xuajin.+
15 Gajnguʼúún gi̱i̱ ñuʼún ruyáʼ rí mu̱phu̱,+mú xúxkamaa mba̱a̱ rí asndu magiʼmúún ni má xúxkamaa náa maguanún.
16 Mú ikhúún ma̱ni̱ ajmúú ga̱jma̱a̱ numuu tsiaki̱i̱ dí xtaʼdáá,+asndu gagi gátha mámbá miʼcha̱ ga̱jma̱a̱ numuu ngajua rí tsétumuu rí xtaʼdáá.
Numuu rí ikháán nindxa̱a̱ʼ náa mambáyuminaʼ,+náa maʼgá ragayúʼ índo̱ narígá gamiéjunʼ.+
17 Dios ndrígóʼ, ikháán naraxnúʼ tsiaki̱i̱, ma̱ni̱ ajmúú mu maxna̱a̱ʼ gamajkhu,*+numuu rí náa ikháán nambáyuminaʼ, Dios bi̱ nasngájmuʼ ngajua rí tsétumuu.+
