Salmos 143:1-12
Salmo ndrígóo David.
143 Jeobá, atadxawíín rí natakáñaaʼ,+atadxawíín índo̱ nandxa̱ʼwa̱a̱ʼ matambáyúʼ.
Atriʼñuʼ, numuu dí natani̱ rí májánʼ ga̱jma̱a̱ natani̱ xó má kaʼyoo.
2 Xátaxruíga̱a̱ xa̱bia̱a̱ʼ,numuu rí nimbáa xándoo maʼthí dí ragíʼdoo aʼkhúun náa inaaʼ.+
3 Numuu dí xa̱bu̱ sia̱nʼ na̱ʼkha̱ raxkoʼ,niʼni gínún ga̱jma̱a̱ táʼngo̱ʼ gáni̱ ga̱jmu̱ʼ.
Nitsudún maxtáá náa mikína xó má mba̱yu̱u̱ʼ kajchún bi̱ nikháñún náa iñá wajinʼ.
4 Na̱jkha̱ raguámbá tsiaki̱i̱ ndrígóʼ,+a̱jkiu̱nʼ na̱jkha̱ rakháñúu.+
5 Narmáʼáan a̱jkiu̱nʼ dí nirígá nákha wajyúuʼ,nandxaʼwamínáʼ má xúʼko̱ náa xúgíʼ rí nitani̱,+ra̱ʼkhá tháán enigu̱ʼ mandxaʼwamínáʼ ga̱jma̱a̱ numuu rí nitani̱.
6 Náa ikháán natsuáʼwíi ñawúnʼ,nindxu̱ʼ xóo mbá ku̱ba̱ʼ mijxooʼ rí gíʼthu̱u̱n ruʼwa, xúʼko̱ gúʼtháanʼ ikháán.+ (Sélah).
7 Jeobá, nacha̱ gátriʼñunʼ,+numuu rí niguámbá tsiaki̱i̱ rí gúʼdoo.+
Xátatsiʼñááʼ ratiejxu̱ʼ,*+á mu natani̱ mani̱ndxu̱ʼ xóo mbáa bi̱ najkha̱a̱ náa iñá wajinʼ.+
8 Rí miʼcha̱ atatsíñúnʼ madxun ga̱jma̱a̱ numuu ngajua rí tsétumuu* rí xtaʼdáá,numuu rí naku̱mu̱ʼ ka̱ya̱a̱ʼ.
Atasngájmuʼ kamba̱a̱ dí gíʼmaa majngruigo̱ʼ,+numuu rí ikháán na̱nda̱ʼa̱a̱ʼ dí matambáyuʼ.
9 Jeobá atani̱ kríñu̱u̱nʼ náa xa̱bu̱ sia̱nʼ ndrígóʼ.
Numuu rí náa ikháán eʼyáʼ mambáyuminaʼ.+
10 Arásngóʼ ma̱ni̱ rí nandaaʼ,+numuu dí ikháán nindxa̱a̱ʼ Dios ndrígóʼ.
Májánʼ a̱jkia̱a̱nʼ,espíritu santo* ndrígáaʼ gaxnúʼ ikha maʼgá náa gáʼchú.
11 Ga̱jma̱a̱ numuu mbiʼyaaʼ Jeobá, xátatsíʼñááʼ rí makhañúʼ.
Numuu dí natani̱ xó má kaʼyoo, atani̱ kríñu̱u̱nʼ náa gamiéjunʼ.+
12 Numuu rí nandaaʼ xtayoʼ atani̱ gámbíin xa̱bu̱ sia̱nʼ ndrígóʼ,+atani̱ gámbíin* xúgíinʼ bi̱ nuni̱ ngínún,+numuu rí ikhúún nindxu̱ʼ xa̱bia̱a̱ʼ.+
