Salmos 65:1-13
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David. Ajmúú.
65 Dios ndrígóʼ, maguma mba̱a̱n náa Sion,+muni̱mbáníí rí nixuʼdámíjnáxu̱ mu̱ni̱ náa ikháán.+
2 Ikháán natadxuun xúgíʼ rí nutajkháan xa̱bu̱, náa ikháán magún xúgíinʼ enii xa̱bu̱.*+
3 Rí nikiéʼkhúnʼ naʼni rí majmúʼ,+mú ikháán natrúguarámáánʼ rí nakiéʼkuxu.+
4 Gagi xtáa xa̱bu̱ bi̱ natraʼwíi ga̱jma̱a̱ nadxuʼ jcháa náa ikháánmu maxtáa náa rexo̱o̱ guʼwáaʼ.+
Magiʼmuxu ga̱jma̱a̱ xúgíʼ rí májánʼ dí rígá náa guʼwáaʼ,+náa guʼwá rí mikaʼwu dí nduyamajkuaaʼ.+
5 Dios ndrígúxu̱ bi̱ natani̱ káwáanʼ,ra̱ʼkhá tháán mitsaanʼ* xóo natriʼñuxu̱ índo̱ nutakáñáanʼxu̱,+ikháán nakumu̱ún kuyaaʼ xa̱bu̱ bi̱ kúwá náa námbári̱go̱o̱ ku̱ba̱ʼ+xúʼko̱ má bi̱ kúwá náa i̱mba̱ ridoo lamáa.*
6 Nijmaaʼ tsiaki̱i̱ ndrígáaʼ* mu matatsuajun* jxa̱ʼ kúbá,ikháán ra̱ʼkhá tháán xtaʼdáá tsiaki̱i̱.+
7 Natatsiji̱ rí xóo eʼbajxu̱u̱ lamáa+xúʼko̱ má índo̱ najmangu̱u̱ʼ ma̱ngaa índo̱ xa̱bu̱ xuajin nundxaʼwaská.+
8 Xa̱bu̱ bi̱ kúwá mitsínguánʼ maʼniún tsiánguá ga̱jma̱a̱ xúgíʼ rí mitsaanʼ gátani̱,*+matani̱ rí xa̱bu̱ bi̱ kúwá náa nagájnuu a̱jkha̱ʼ* asndu náa narámaaʼ a̱jkha̱ʼ* mundxa̱ʼwa̱ ga̱jma̱a̱ gagi.
9 Ikháán natiewa̱a̱n ku̱ba̱ʼnatani̱ rí magiʼdoo yuskoo* ga̱jma̱a̱ ma̱jma̱a̱ májánʼ rí najuiʼdu.+
Natani̱ rí mañu maʼga mba̱ji̱nʼ iyaʼnaraxnáá rí magiʼdoo mi̱khu̱ xa̱bu̱,+numuu rí xúʼko̱ nitani̱ májáánʼ ku̱ba̱ʼ.
10 Natarmajan riyooʼ náa nixnúu xku̱bi̱ ga̱jma̱a̱ natanimbáníi̱,natani̱ wabaaʼ ku̱ba̱ʼ ga̱jma̱a̱ ruʼwa ma̱ngaa natani̱ tsajkurámaaʼ rí nakráʼáan.+
11 Mámbá tsiguʼ natani̱ tsajkurámááʼ mu ma̱jma̱a̱ májánʼtséʼniuu má náa edxu̱ʼ naraxná xúgíʼ enii dí májánʼ.+
12 Náa ku̱ba̱ʼ rí ndawa̱a̱ tsáa eʼdu ra̱ʼkhá tháán rígá rajxa̱ maxaʼ,+náa bíjní rígá gagi.+
13 Náa xkua̱ dí rígá rajxa̱ maxaʼ i̱ndó mugu̱ kúwá,rígá wéñuuʼ ganitsu náa mata.+
Ku̱ba̱ʼ nadxuu, nindxu̱u̱ asndu xóo naʼni ajmúú.+
