Salmos 21:1-13
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
21 Jeobá, ga̱jma̱a̱ numuu tsiaki̱i̱ ndrígáaʼ nadxuu rey,+¡ra̱ʼkhá tháán gagi xtáa dí natani̱ mu matani̱ kríya̱a̱ʼ!+
2 Niraxnáá rí nigua̱ʼa̱ a̱jkiu̱u̱n magiʼdoo+ga̱jma̱a̱ na̱nguá nitani̱ gaʼduunʼ maraxna̱a̱ rí ninda̱ʼa̱a̱ʼ. (Sélah).
3 Numuu rí índo̱ nadxuʼ gátatsijníí mbaʼa xóo tani̱ tsajkurámaaʼ,natagrígu náa edxu̱u̱ corona dí oro rí májánʼ.+
4 Ikhaa ninda̱ʼa̱a̱ʼ maraxna̱a̱ rí maxtáa, ikháán niraxnáá,+rí maxtáa mba̱yu̱u̱ʼ,* asndu kámuu.
5 Dí natani̱ mu matani̱ kríya̱a̱ʼ ra̱ʼkhá tháán mba̱a̱ gamajkhu nindxu̱u̱.+
Ikháán natani̱ rí maguma mba̱a̱ ga̱jma̱a̱ magiʼdoo numuu.
6 Ikháán natani̱ tsajkurámaaʼ asndu kámuu,+natani̱ rí maxtáa gagi náa ikháán.*+
7 Numuu dí rey naku̱mu̱u̱ kaʼyoo Jeobá,+núma̱aʼ má ngajua rí tsétumuu* dí gíʼdoo bi̱ phú Mba̱a̱, nda̱a̱ nimbá rí maʼbajngañiin.+
8 Ñawáanʼ maxkamiin xúgíinʼ xa̱bu̱ sia̱nʼ ndrígáaʼ,ñawún májáanʼ maxkamiin bi̱ nawiñu̱u̱nʼ kuyaaʼ.
9 Matani̱ gámbíin asndu xóo rí najti náa aguʼ, mbiʼi rí kaʼyoo, índo̱ ikháán gátiejxu̱u̱n.
Índo̱ gákasnga̱ñu̱u̱ʼ Jeobá, mi̱khu̱ rajngiúun ga̱jma̱a̱ mbá aguʼ maʼni gámbíin.+
10 Ikháán matani̱ gámbíin e̱jñu̱ún,ikhiin ni xákúwíin náa tsu̱du̱u̱ ku̱ba̱ʼ, matani̱ gámbíin,
11 numuu rí nandún muni̱ dí ra̱májánʼ ga̱jma̱a̱ numaaʼ,+nuri̱ya̱ʼ awan rí xagájnuu májánʼ.+
12 Matani̱ rí mangujuíin ragáñúún+índo̱ matani̱ jmbíí xkamídá ndrígáaʼ náa ikhiin.*
13 Atujxa̱a̱ʼ Jeobá, ga̱jma̱a̱ tsiaki̱i̱ ndrígáaʼ.
Ga̱jma̱a̱ numuu tsiaki̱i̱ ndrígáaʼ mu̱nixu̱ ajmúú.*
